റെഫ്രിജറേറ്റർ

ശരിയായ രീതിയിൽ റെഫ്രിജറേറ്റർ പ്രവർത്തിപ്പിച്ചില്ലെങ്കിൽ ഉപകരണത്തിന് കേടുപാടുകൾ ഉണ്ടാവാൻ സാധ്യതയുണ്ട്. ഇക്കാര്യങ്ങൾ ശ്രദ്ധിക്കാം.

റെഫ്രിജറേറ്റർ സൂക്ഷിക്കുന്ന സ്ഥലത്ത് നല്ല രീതിയുള്ള വായു സഞ്ചാരം ഉണ്ടെന്ന് ഉറപ്പ് വരുത്തേണ്ടതുണ്ട്. വായു തങ്ങി നിൽക്കുന്നത് റെഫ്രിജറേറ്റർ പ്രവർത്തിക്കുന്നതിന് തടസ്സമാകുന്നു.

റെഫ്രിജറേറ്ററിന് അടുത്തായി കത്തിപ്പിടിക്കുന്ന വസ്തുക്കൾ ഒരിക്കലും സൂക്ഷിക്കരുത്. ഇത് അപകടങ്ങൾ ഉണ്ടാവാൻ കാരണമാകുന്നു.

സൂര്യപ്രകാശം നേരിട്ടടിക്കുന്ന സ്ഥലങ്ങളിൽ റെഫ്രിജറേറ്റർ ഒരിക്കലും സൂക്ഷിക്കരുത്. ഇത് റെഫ്രിജറേറ്ററിന്റെ പ്രവർത്തനത്തെ ബാധിക്കുന്നു.

ഇടയ്ക്കിടെ റെഫ്രിജറേറ്റർ ഡീഫ്രോസ്റ്റ് ചെയ്യാൻ ശ്രദ്ധിക്കണം. ഐസ് അടിഞ്ഞുകൂടുന്നത് റെഫ്രിജറേറ്റർ ശരിയായ രീതിയിൽ പ്രവർത്തിക്കുന്നതിന് തടസ്സമാകുന്നു.

റെഫ്രിജറേറ്റർ പ്രവർത്തിപ്പിക്കാൻ ഉപയോഗിക്കുന്ന പ്ലഗ് , സോക്കറ്റ് എന്നിവ ഇടയ്ക്കിടെ പരിശോധിച്ച് പ്രശ്നങ്ങൾ ഒന്നുമില്ലെന്ന് ഉറപ്പ് വരുത്തേണ്ടതുണ്ട്.

റെഫ്രിജറേറ്ററിൽ ഭക്ഷണാവശിഷ്ടങ്ങളും അണുക്കളും ദുർഗന്ധവും ഉണ്ടാവാൻ സാധ്യത കൂടുതലാണ്. അതിനാൽ തന്നെ ഇടയ്ക്കിടെ വൃത്തിയാക്കാൻ ശ്രദ്ധിക്കണം.

റെഫ്രിജറേറ്റർ വൃത്തിയാക്കിയതിന് ശേഷം നന്നായി തുടച്ച് ഉണക്കാൻ ശ്രദ്ധിക്കണം. ഈർപ്പം തങ്ങി നിൽക്കുന്നത് ഒഴിവാക്കാം.