വളർത്ത് നായ

മഴക്കാലത്ത് വളർത്ത് നായ്ക്കൾക്ക് പ്രത്യേക പരിപാലനം ആവശ്യമായി വരുന്നു. ഈ പ്രതിസന്ധികളെ നേരിടാൻ ഇങ്ങനെ ചെയ്യൂ.

മഴക്കാലത്ത് നായ്ക്കളുടെ രോമങ്ങളിൽ അഴുക്കും അണുക്കളും ഉണ്ടാവാനുള്ള സാധ്യത വളരെ കൂടുതലാണ്. ഇത് ഇടയ്ക്കിടെ തുടച്ച് വൃത്തിയാക്കാൻ ശ്രദ്ധിക്കണം.

മഴയുള്ള സമയങ്ങളിൽ വളർത്ത് നായ്ക്കളെ നടത്തുന്നത് ഒഴിവാക്കാം. നടത്തം ഒഴിവാക്കാനാവാത്ത സാഹചര്യങ്ങളിൽ റെയിൻ കോട്ട് അല്ലെങ്കിൽ അംബ്രെല്ല ലീഷ് ഉപയോഗിക്കാം.

മഴക്കാലത്താണ് മൃഗങ്ങളിൽ ചെള്ള് ശല്യം വർധിക്കുന്നത്. ഇതിനെ പ്രതിരോധിക്കാൻ ആന്റി ടിക്ക് സ്പ്രേ ഉപയോഗിക്കാവുന്നതാണ്.

നായ നടക്കുകയും കിടക്കുകയും ചെയ്യുന്ന സ്ഥലങ്ങൾ എപ്പോഴും വൃത്തിയാക്കി സൂക്ഷിക്കാൻ ശ്രദ്ധിക്കണം. നായയുടെ ശരീരത്തിൽ ഈർപ്പം തങ്ങി നിൽക്കുന്ന സാഹചര്യം ഒഴിവാക്കാം.

ഈർപ്പം കൂടുമ്പോൾ നായയുടെ ചെവിയിൽ അണുബാധ ഉണ്ടാവാൻ സാധ്യതയുണ്ട്. അതിനാൽ തന്നെ ഇടയ്ക്കിടെ ചെവി വൃത്തിയാക്കി കൊടുക്കാൻ ശ്രദ്ധിക്കണം.

പഴകിയ ഭക്ഷണം വളർത്ത് നായക്ക് നൽകുന്നത് ഒഴിവാക്കാം. കൂടാതെ ശുദ്ധമായ വെള്ളം നൽകാനും ശ്രദ്ധിക്കണം.

മഴക്കാലമായാൽ പലരും വളർത്ത് നായ്ക്കളെ പുറത്തിറക്കുന്നത് കുറവായിരിക്കും. ഇത് അവയ്ക്ക് മാനസിക സമ്മർദ്ദം കൂട്ടുന്നു. ഇടയ്ക്കിടെ പുറത്ത് ഇറക്കുന്നത് മനസികാരോഗ്യത്തിന് നല്ലതാണ്.