ഭക്ഷണം

ഭക്ഷണം കഴിക്കാൻ ഇഷ്ടപ്പെടുന്നവരാണ് നായ്ക്കൾ. എന്നാൽ ചില സമയങ്ങളിൽ ഇവ ഭക്ഷണം നിരസിക്കാറുണ്ട്.

ശാരീരികമായി ബുദ്ധിമുട്ടുകൾ അനുഭവപ്പെടുന്ന സമയങ്ങളിൽ നായ്ക്കൾ ഭക്ഷണം കഴിക്കുന്നത് കുറവായിരിക്കും.

മനുഷ്യരെപ്പോലെ തന്നെ മൃഗങ്ങൾക്കും മാനസിക സമ്മർദ്ദങ്ങൾ അനുഭവപ്പെടാറുണ്ട്. ഇത്തരം സാഹചര്യങ്ങൾ ഇഷ്ടപ്പെട്ട ഭക്ഷണത്തിനോട് പോലും അവയ്ക്ക് താല്പര്യം ഉണ്ടാവില്ല.

കാലാവസ്ഥയിൽ ഉണ്ടാകുന്ന മാറ്റങ്ങൾ കൊണ്ടും വളർത്ത് നായ്ക്കൾക്ക് വിശപ്പില്ലായ്മ ഉണ്ടാകാറുണ്ട്.

കേടായ ഭക്ഷണം കഴിക്കാൻ നായ്ക്കൾക്ക് ഇഷ്ടമല്ല. അതിനാൽ തന്നെ രുചിയും മണവും നഷ്ടപ്പെട്ട ഭക്ഷണം അവ നിരസിക്കാറുണ്ട്.

എപ്പോഴും ഒരേ ഭക്ഷണം തന്നെ നൽകുന്നത് ഒഴിവാക്കാം. ഒന്ന് തന്നെ നിരന്തരം കഴിക്കുമ്പോൾ നായക്ക് മടുപ്പ് അനുഭവപ്പെടാൻ സാധ്യതയുണ്ട്.

ഭക്ഷണം കഴിക്കുന്ന സമയത്ത് സമാധാന അന്തരീക്ഷം ഉണ്ടാവണം. ചില മൃഗങ്ങൾക്ക് ഉച്ചത്തിലുള്ള ശബ്ദങ്ങൾ കേൾക്കുമ്പോൾ ബുദ്ധിമുട്ട് അനുഭവപ്പെടാം.

എന്നും ഒരേ സമയത്ത് തന്നെ ഭക്ഷണം നൽകാൻ ശ്രദ്ധിക്കണം. കൃത്യമായ ഭക്ഷണ ക്രമീകരണം അത്യാവശ്യമാണ്.