ബൈക്ക് ഓടിക്കുമ്പോൾ കൈ കരിവാളിക്കുന്നുണ്ടോ? ടാൻ മാറ്റാൻ ഇതാ വഴികൾ

കൈമുട്ട് വരെ മറയ്ക്കുന്ന കോട്ടൺ ഗ്ലൗസുകൾ ഉപയോഗിക്കുന്നത് സൂര്യപ്രകാശം നേരിട്ട് ചർമ്മത്തിൽ പതിക്കുന്നത് തടയാനുള്ള ഏറ്റവും എളുപ്പവഴിയാണ്.

യാത്ര തുടങ്ങുന്നതിന് 20 മിനിറ്റ് മുൻപെങ്കിലും കൈകളിൽ സൺസ്ക്രീൻ പുരട്ടുക. ഇത് ചർമ്മത്തിന് ഒരു സുരക്ഷാ കവചം പോലെ പ്രവർത്തിക്കും.

കൈകൾ പൂർണ്ണമായും മറയ്ക്കുന്ന തരത്തിലുള്ള അയഞ്ഞ കോട്ടൺ വസ്ത്രങ്ങൾ ധരിക്കുന്നത് വെയിലിൽ നിന്ന് ചർമ്മത്തെ സംരക്ഷിക്കാൻ സഹായിക്കും.

വീട്ടിലെത്തിയാൽ കടലമാവും തൈരും ചേർത്ത് കൈകളിൽ പുരട്ടുന്നത് കരിവാളിപ്പ് മാറാനും ചർമ്മത്തിന് തിളക്കം നൽകാനും സഹായിക്കുന്ന നാടൻ വിദ്യയാണ്.

വെയിലേറ്റുണ്ടാകുന്ന ചൂടും എരിച്ചിലും മാറാൻ കറ്റാർവാഴ ജെൽ പുരട്ടുന്നത് നല്ലതാണ്. ഇത് ചർമ്മത്തിന് തണുപ്പ് നൽകുകയും നിറം വർദ്ധിപ്പിക്കുകയും ചെയ്യും.

തക്കാളി നീര് കൈകളിൽ പുരട്ടി കുറച്ചു സമയത്തിന് ശേഷം കഴുകിക്കളയുന്നത് വെയിലേറ്റുണ്ടാകുന്ന കറുത്ത പാടുകൾ നീക്കം ചെയ്യാൻ സഹായിക്കും.

ചർമ്മം ഉള്ളിൽ നിന്ന് ഹൈഡ്രേറ്റഡ് ആയിരുന്നാൽ കരുവാളിപ്പ് പെട്ടെന്ന് കുറയും. അതിനാൽ യാത്രയ്ക്കിടയിലും ഓഫീസിലും ധാരാളം വെള്ളം കുടിക്കാൻ ശ്രദ്ധിക്കുക.