വേനലിൽ ചർമ്മം ഇരുണ്ടുപോകുന്നോ? ഒഴിവാക്കാം ഈ 6 തെറ്റുകൾ

വീടിനുള്ളിൽ ഇരിക്കുമ്പോഴും മേഘാവൃതമായ കാലാവസ്ഥയിലും സൺസ്ക്രീൻ നിർബന്ധമാണ്. അല്ലാത്തപക്ഷം യുവി കിരണങ്ങൾ ചർമ്മത്തിൽ കറുത്ത പാടുകൾ ഉണ്ടാക്കും.

അമിതമായി സ്ക്രബ്ബ് ചെയ്യുന്നത് ചർമ്മത്തിന്റെ പുറംപാളിയെ നശിപ്പിക്കുകയും വെയിൽ ഏൽക്കുമ്പോൾ വേഗത്തിൽ കറുത്ത പാടുകൾ വരാൻ കാരണമാവുകയും ചെയ്യും.

വിറ്റാമിൻ സി സെറം പോലുള്ള ആന്റിഓക്സിഡന്റുകൾ ഒഴിവാക്കുന്നത് ചർമ്മം മങ്ങാനും മലിനീകരണം മൂലം ചർമ്മകോശങ്ങൾ നശിക്കാനും ഇടയാക്കും.

എസി മുറികളിലെ താമസം ചർമ്മത്തിലെ ഈർപ്പം നഷ്ടപ്പെടുത്തുന്നു. ചർമ്മം വരളുന്നത് സൂര്യപ്രകാശം ചർമ്മത്തിൽ കൂടുതൽ ആഴത്തിൽ പതിക്കാൻ കാരണമാകും

വേനലിൽ കട്ടിയുള്ള ഫൗണ്ടേഷനുകൾ ഉപയോഗിക്കുന്നത് വിയർപ്പും ബാക്ടീരിയയും ചർമ്മ സുഷിരങ്ങളിൽ അടിഞ്ഞുകൂടാനും മുഖക്കുരുവിനും പാടുകൾക്കും വഴിവെക്കും.

വെയിൽ ഏറ്റ് വന്നാലുടൻ ചൂടുവെള്ളത്തിൽ കുളിക്കുന്നത് ചർമ്മത്തിലെ സ്വാഭാവിക എണ്ണമയം നഷ്ടപ്പെടുത്തുകയും പൊള്ളൽ വർദ്ധിപ്പിക്കുകയും ചെയ്യും.

പുറത്തുപോയി വന്നാൽ തണുത്ത വെള്ളത്തിൽ മുഖം കഴുകുക, കറ്റാർവാഴ ജെൽ പുരട്ടുക, ധാരാളം വെള്ളം കുടിക്കുക എന്നിവയിലൂടെ ചർമ്മത്തിന്റെ ആരോഗ്യം തിരിച്ചുപിടിക്കാം.