സെലിബ്രിറ്റി ക്രഷ്

ഒരിക്കൽ പോലും നേരിൽ കാണാത്ത സെലിബ്രിറ്റികളോട് നിങ്ങൾക്ക് അടുപ്പം തോന്നാറുണ്ടോ? വെറും അടുപ്പമല്ല, അവർക്ക് നമ്മളെയും നമുക്ക് അവരെയും അടുത്തറിയാമെന്ന മട്ടിലുള്ള ആഴത്തിലുള്ള അടുപ്പം.

അങ്ങനെ തോന്നുന്നുണ്ടെങ്കിൽ അതിനെയാണ് 'പാരാസോഷ്യൽ' (Parasocial) എന്ന് പറയുന്നത്. 

അതേ, കാംബ്രിഡ്ജ് ഡിക്ഷ്ണറി 2025 -ലെ വാക്കായി തിരഞ്ഞെടുത്തിരിക്കുന്നത് 'പാരാസോഷ്യൽ' എന്ന വാക്കിനെയാണ്.

ഈ വാക്കും ഈ പെരുമാറ്റവും ഇപ്പോൾ ട്രെൻഡായിക്കൊണ്ടിരിക്കുകയാണ് എന്ന് അർത്ഥം.

സെലിബ്രിറ്റികൾ, ഇൻഫ്ലുവൻസർമാർ, എഐ ചാറ്റ്ബോട്ടുകൾ എന്നിവയോടെല്ലാം തോന്നുന്ന അടുപ്പത്തെ ഈ കാറ്റ​ഗറിയിൽ‌ പെടുത്താം.

ഒരാൾക്ക് അയാൾക്കും അയാൾക്കറിയാത്ത ഒരു പ്രശസ്തവ്യക്തിക്കുമിടയിൽ തോന്നുന്ന ബന്ധത്തെയാണ് 'പാരാസോഷ്യൽ' എന്ന വാക്കുകൊണ്ട് അർത്ഥമാക്കുന്നത്.

എന്നാൽ, ഇതൊരു പുതിയ കാര്യമല്ല. 1956 -ൽ ചിക്കാഗോ സർവകലാശാലയിലെ രണ്ട് സാമൂഹ്യശാസ്ത്രജ്ഞർ ഇതുപോലെ ഒരു കാര്യം ശ്രദ്ധിച്ചിരുന്നു.

ടെലിവിഷൻ പ്രേക്ഷകർക്ക് ടെലിവിഷനിൽ കാണുന്ന വ്യക്തികളുമായി 'പാരാസോഷ്യൽ ബന്ധങ്ങൾ' വളർന്നുവരുന്നതായി ഇവരുടെ ശ്രദ്ധയിൽ പെട്ടു.

അന്നുമുതൽ ഈ പദവും നിലവിലുണ്ട്. അടുത്ത സുഹൃത്തുക്കളെയോ കുടുംബാംഗങ്ങളെയോ പോലെയാണ് അവർ ടിവി താരങ്ങളെയും കണ്ടത്.

ഇപ്പോൾ, ആളുകൾ ഇതുപോലെ എഐ ചാറ്റ്ബോട്ടുകളുമായി സംസാരിക്കുകയും അടുപ്പമുണ്ടാക്കുകയും ചെയ്യാറുണ്ട്. അതും 'പാരാസോഷ്യൽ ബിഹേവിയർ' ആണത്രെ.