കാവസാക്കി നിഞ്ച 500 പുതിയ പതിപ്പ് ഇന്ത്യയിൽ

കാവസാക്കി നിഞ്ച 500 ന്റെ പുതുക്കിയ പതിപ്പ് ഇന്ത്യയിൽ പുറത്തിറങ്ങി. 5.29 ലക്ഷം രൂപ എക്സ്-ഷോറൂം വിലയുള്ള പുതിയ മോഡലിൽ ദൃശ്യപരമായ മാറ്റങ്ങളൊന്നുമില്ല. എഞ്ചിൻ, ഡിസൈൻ, ഫീച്ചറുകൾ എന്നിവയെക്കുറിച്ച് കൂടുതലറിയാം.

ജാപ്പനീസ് ഐക്കണിക്ക് ഇരുചക്ര വാഹന ബ്രാൻഡായ കാവസാക്കി തങ്ങളുടെ അത്ഭുതകരമായ ബൈക്കായ നിഞ്ച 500 ന്റെ പുതുക്കിയ പതിപ്പ് ഇന്ത്യയിൽ പുറത്തിറക്കി. നിലവിലുള്ള മോട്ടോർസൈക്കിളിനേക്കാൾ 5,000 രൂപ കൂടുതലാണ് ഇതിന്. എങ്കിലും, പുതിയ ബൈക്കിൽ ദൃശ്യപരമായ മാറ്റങ്ങളൊന്നും വരുത്തിയിട്ടില്ല. 5.29 ലക്ഷം രൂപ എക്സ്-ഷോറൂം വിലയിലാണ് 2025 കാവസാക്കി നിഞ്ച 500 ഇന്ത്യയിൽ കമ്പനി പുറത്തിറക്കിയിരിക്കുന്നത്. ബൈക്കിന്റെ സവിശേഷതകൾ, ഡിസൈൻ, പവർട്രെയിൻ എന്നിവയെക്കുറിച്ച് വിശദമായി അറിയാം.

ഡിസൈൻ
ഇരട്ട എൽഇഡി ഹെഡ്‌ലൈറ്റുകൾ, ഫെയറിംഗിൽ ക്രീസ്, അപ്‌സ്വെപ്റ്റ് ടെയിൽ സെക്ഷൻ എന്നിവയ്‌ക്കൊപ്പം പുതിയ ബൈക്കിന്റെ രൂപകൽപ്പന ഷാർപ്പായിട്ടുള്ളതും സ്‍പോർട്ടിയുമാണ്. ഇന്ത്യൻ വിപണിയിൽ, ഈ ബൈക്ക് മെറ്റാലിക് കാർബൺ ഗ്രേ കളർ ഓപ്ഷനിൽ മാത്രമേ ലഭ്യമാകൂ. ഫീച്ചറുകളെക്കുറിച്ച് പറയുകയാണെങ്കിൽ ബൈക്കിൽ എൽസിഡി, എൽഇഡി ഹെഡ്‌ലൈറ്റ്, ബ്ലൂടൂത്ത് കണക്റ്റിവിറ്റിയുള്ള ടെയിൽ ലൈറ്റ് എന്നിവയുണ്ട്.

ശക്തമായ എഞ്ചിൻ
ബൈക്കിന് 451 സിസി, പാരലൽ-ട്വിൻ എഞ്ചിൻ കരുത്തേകുന്നു. ഈ എഞ്ചിൻ പരമാവധി 44.77 bhp കരുത്തും 42.6 Nm പീക്ക് ടോർക്കും ഉത്പാദിപ്പിക്കാൻ പ്രാപ്‍തമാണ്. ബൈക്കിന്റെ എഞ്ചിൻ 6 സ്പീഡ് ഗിയർബോക്സുമായി ബന്ധിപ്പിച്ചിരിക്കുന്നു. ബോഡി വർക്കിന് കീഴിൽ ഒരു സ്റ്റീൽ ട്രെല്ലിസ് ഫ്രെയിം ബൈക്കിലുണ്ട്. അതിൽ ടെലിസ്കോപ്പിക് ഫോർക്കും പ്രീലോഡ് ക്രമീകരിക്കാവുന്ന മോണോഷോക്കും സജ്ജീകരിച്ചിരിക്കുന്നു.

കമ്പനിയിൽ നിന്നുള്ള മറ്റ് വാർത്തകളിൽ  കാവസാക്കി അവരുടെ ജനപ്രിയ സൂപ്പർബൈക്ക് Z900 ന് 2025 ഏപ്രിലിൽ 40,000 രൂപയുടെ കിഴിവ് ഓഫർ തുടർന്നു. ഇത് ബൈക്ക് പ്രേമികൾക്കുള്ള ഒരു സമ്മാനമാണ്. അതുകൊണ്ട് നിങ്ങൾക്ക് ഒരു ശക്തമായ ബൈക്ക് വാങ്ങണമെങ്കിൽ, നിങ്ങളുടെ അടുത്തുള്ള ഡീലർഷിപ്പിൽ പോയി വേഗത്തിൽ ബുക്ക് ചെയ്യുക.  

2025 കാവസാക്കി Z900 ഉടൻ തന്നെ ഇന്ത്യയിൽ പുറത്തിറങ്ങുമെന്ന് പ്രതീക്ഷിക്കുന്നു. അതിനാൽ, നിലവിലുള്ള സ്റ്റോക്ക് വിറ്റഴിക്കുന്നതിനായിട്ടാണ് ഈ കിഴിവ് . നിങ്ങൾക്ക് ഉയർന്ന പവറും സ്റ്റൈലിഷുമായ ഒരു സ്‌പോർട്‌സ് ബൈക്ക് വേണമെങ്കിൽ, കിഴിവിൽ കാവസാക്കി Z900 വാങ്ങുന്നത് നിങ്ങൾക്ക് അനുയോജ്യമായ ഡീലായിരിക്കും. ഈ ഓഫർ മെയ് 31 വരെ അല്ലെങ്കിൽ സ്റ്റോക്ക് തീരുന്നത് വരെ മാത്രമേ സാധുതയുള്ളൂ എന്നാണ് റിപ്പോർട്ടുകൾ. 

കാവസാക്കി Z900 ന്റെ എക്സ്-ഷോറൂം വില ഏകദേശം 9.38 ലക്ഷം ആണ്. എന്നാൽ ഈ കിഴിവ് കഴിഞ്ഞാൽ ബൈക്കിന്റെ വില  8.98 ലക്ഷമായി കുറയും. ഈ ഓഫർ 2025 മെയ് 31 വരെയോ സ്റ്റോക്ക് തീരുന്നത് വരെയോ ആണ്. ഇന്ത്യയിലെ ഏറ്റവും ജനപ്രിയവും താങ്ങാനാവുന്ന വിലയുമുള്ള ഇൻലൈൻ-ഫോർ നേക്കഡ് സൂപ്പർബൈക്കുകളിൽ ഒന്നാണ് Z900. ഒരു വലിയ എഞ്ചിനുള്ള സ്പോർട്സ് ബൈക്ക് വാങ്ങാൻ ആഗ്രഹിക്കുന്ന റൈഡർമാർക്കിടയിൽ ഇത് പ്രത്യേകിച്ചും ജനപ്രിയമാണ്.