ക്യുആര് കോഡ് സ്കാൻ ചെയ്താല് കാറില് വീഡിയോ ഗെയിം കളിക്കാം!
Synopsis
180ല് അധികം ഗെയിമുകൾ വാഗ്ദാനം ചെയ്യുന്ന ഒരു ഓൺലൈൻ വീഡിയോ ഗെയിം പ്ലാറ്റ്ഫോമുമായി ചേർന്ന് ബിഎംഡബ്ല്യു അടുത്ത വർഷം ആദ്യം തന്നെ ഈ ഫീച്ചർ അവതരിപ്പിക്കും.
ഗതാഗതക്കുരുക്കിൽ കുടുങ്ങിയോ? നിങ്ങൾ ഒരു ബിഎംഡബ്ല്യു കാറിലാണെങ്കില് ഇൻഫോടെയ്ൻമെന്റ് സ്ക്രീനിൽ വീഡിയോ ഗെയിമുകൾ കളിച്ച് സമയം ചെലവഴിക്കാൻ നിങ്ങൾക്ക് ഉടൻ കഴിഞ്ഞേക്കും. 180-ലധികം ഗെയിമുകൾ ഓഫർ ചെയ്യുന്ന ഓൺലൈൻ വീഡിയോ ഗെയിം പ്ലാറ്റ്ഫോമായ എയർകോൺസോളുമായി ജർമ്മൻ ഓട്ടോ ഭീമനായ ബിഎംഡബ്ല്യു കൈകോർത്തുകഴിഞ്ഞു. അടുത്ത വർഷം മുതൽ പുതിയ ബിഎംഡബ്ല്യു കാറുകളിലേക്ക് ഗെയിമിംഗ് വാഗ്ദാനം ചെയ്യുന്നതിനാണ് ബിഎംഡബ്ല്യു ഗ്രൂപ്പും ഓൺലൈൻ ഗെയിമിംഗ് പ്ലാറ്റ്ഫോമും തമ്മിലുള്ള ഈ പങ്കാളിത്തം എന്നാണ് റിപ്പോര്ട്ടുകള്.
അപകടങ്ങള് കുറയും, ആ കിടിലൻ ഫീച്ചര് ഈ ഇന്ത്യൻ കാറുകളിലേക്കും!
ഏറ്റവും പുതിയ കാറുകൾക്കൊപ്പം ബിഎംഡബ്ല്യു നൽകുന്ന ഡിജിറ്റൽ ഇൻഫോടെയ്ൻമെന്റ് ഡിസ്പ്ലേയിൽ വീഡിയോ ഗെയിമുകൾ കളിക്കാനാകും. എയർകോൺസോൾ വാഗ്ദാനം ചെയ്യുന്ന ഗെയിമുകൾക്ക് വാഹന വിനോദ സംവിധാനത്തിനുള്ളിൽ നേരിട്ട് പ്രവർത്തിക്കാൻ കഴിയും. എയർകോൺസോൾ സാങ്കേതികവിദ്യയിലൂടെ ഗെയിമുകൾ ആക്സസ് ചെയ്യാനും അപ്ഡേറ്റ് ചെയ്യാനും സാധിക്കും. ഒരു സ്മാർട്ട്ഫോണിന്റെ സഹായത്തോടെ ഒരാൾക്ക് അവയെ നിയന്ത്രിക്കാനും ആകും.
ഇൻഫോടെയ്ൻമെന്റ് സിസ്റ്റത്തിൽ ഗെയിമുകൾ സജ്ജീകരിക്കുന്നത് തടസ്സമില്ലാത്ത കാര്യമാണെന്ന് ബിഎംഡബ്ല്യു ഗ്രൂപ്പ് പറയുന്നു. സ്മാർട്ട്ഫോണും വാഹനവും തമ്മില് ക്യുആർ കോഡ് പോലുള്ള മാർഗങ്ങളിലൂടെ ബന്ധം സ്ഥാപിച്ചാകും ഗെയിം നല്കുക. സ്മാർട്ട്ഫോൺ ഗെയിം കൺട്രോളറായി പ്രവർത്തിക്കുകയും ബിഎംഡബ്ല്യു കർവ്ഡ് ഡിസ്പ്ലേയുമായി പൊരുത്തപ്പെടുകയും ചെയ്യും.
“എയർകോൺസോളിനൊപ്പം ഞങ്ങൾ വൈവിധ്യമാർന്ന രസകരവും മൾട്ടിപ്ലെയർ ഗെയിമുകളും സംയോജിപ്പിച്ച് നൂതന സാങ്കേതികവിദ്യകൾ പ്രയോജനപ്പെടുത്തും. ഇത് വാഹനത്തിനുള്ളിലെ ചാർജ്ജിംഗ് പോലുള്ള എല്ലാ കാത്തിരിപ്പ് സാഹചര്യങ്ങളും ആസ്വാദ്യകരമായ നിമിഷമാക്കും.." ബിഎംഡബ്ല്യു ഗ്രൂപ്പ് കണക്റ്റഡ് കമ്പനി ഡെവലപ്മെന്റിലെ സീനിയർ വൈസ് പ്രസിഡന്റ് സ്റ്റീഫൻ ഡ്യൂറച്ച് പറഞ്ഞു.
“ബിഎംഡബ്ല്യു ഉള്ള വാഹനങ്ങൾക്കുള്ളിൽ ഗെയിമിംഗിന് നേതൃത്വം നൽകുന്നതിൽ ഞങ്ങൾക്ക് അഭിമാനമുണ്ട്.. കാറിനുള്ളിലെ വിനോദത്തിനായി പുതിയ ഗെയിമുകൾ സൃഷ്ടിക്കുന്നതിൽ ഞങ്ങൾ സന്തുഷ്ടരാണ്.. ഞങ്ങളുടെ സമർത്ഥമായ വാസ്തുവിദ്യയും ഞങ്ങളുടെ പ്ലാറ്റ്ഫോമിലെ ആക്സസ് എളുപ്പവും ആളുകൾ അവരുടെ വാഹനങ്ങളിൽ വിനോദിക്കുന്ന രീതിയെ മാറ്റും.." എയർകോൺസോൾ ബ്രാൻഡിന്റെ മാതൃ കമ്പനിയായ എൻ-ഡ്രീമിന്റെ സിഇഒ ആന്റണി ക്ലിക്കോട്ട് പറഞ്ഞു.
ഇലക്ട്രിക് എസ്യുവികളിലും ഈ സംവിധാനം നല്കാൻ ടാറ്റ
പുതിയ കാറുകളിൽ ഏത് തരത്തിലുള്ള ഗെയിമുകൾ ലഭ്യമാകുമെന്ന് ബിഎംഡബ്ലുവോ എയര്കണ്സോളോ ഇതുവരെ വ്യക്തമാക്കിയിട്ടില്ല. അടുത്ത വർഷം ലോഞ്ച് നടക്കുന്നതിന് മുമ്പ് അവ വെളിപ്പെടുത്താൻ സാധ്യതയുണ്ട്. ഈ സംവിധാനം എത്തിക്കഴിഞ്ഞാല് ഇലക്ട്രിക് വാഹനങ്ങൾക്കുള്ളിൽ ഓൺലൈൻ ഗെയിമുകൾ വാഗ്ദാനം ചെയ്യുന്ന ടെസ്ല പോലുള്ള മറ്റ് കാർ നിർമ്മാതാക്കള്ക്കൊപ്പം ബിഎംഡബ്ല്യുവും ചേരും.