30,000 രൂപയിൽ താഴെയാണോ നിങ്ങളുടെ ശമ്പളം? ഈ മികച്ച കാറുകൾ നിങ്ങൾക്ക് ഒട്ടുമാലോചിക്കാതെ വാങ്ങാം!

25,000-30,000 രൂപ ശമ്പളമുണ്ടെങ്കിൽ പോലും സ്വന്തമായി കാർ വാങ്ങാൻ നിങ്ങൾ ആഗ്രഹിക്കുന്നുണ്ടോ? കുറഞ്ഞ ഇഎംഐ-യിൽ താങ്ങാനാവുന്നതും സ്റ്റൈലിഷും, മൈലേജുമുള്ള മികച്ച കാറുകൾ ഇതാ.

നിങ്ങൾ സ്വന്തമായി ഒരു കാർ വാങ്ങാൻ പദ്ധതിയിടുന്നുണ്ടോ? നിങ്ങളുടെ ശമ്പളം വളരെ കുറവാണെങ്കിൽ, ഈ വാർത്ത നിങ്ങൾക്ക് ഉപയോഗപ്രദമാകും. നിങ്ങളുടെ ശമ്പളം 25,000 രൂപയോ അതോ 30,000 രൂപയോ ആണെങ്കിൽ പോലും, സ്വന്തമായി ഒരു കാർ വാങ്ങുക എന്ന സ്വപ്‍നം സാക്ഷാത്കരിക്കാൻ കഴിയും. ഇന്ത്യൻ വിപണിയിൽ നിരവധി ലോ ബജറ്റ് കാറുകൾ ലഭ്യമാണ്. കുറഞ്ഞ ഇഎംഐയിൽ നിങ്ങൾക്ക് ഈ കാർ ലഭിക്കും. അത്ര വലിയ ഡൗൺ പേയ്‌മെന്റും നിങ്ങൾ നൽകേണ്ടതില്ല. അഞ്ച് ലക്ഷത്തിൽ താഴെ വിലയുള്ള താങ്ങാനാവുന്നതും, സ്റ്റൈലിഷും, മൈലേജും നൽകുന്നതുമായ ചില മികച്ച കാറുകളുടെ ഒരു ലിസ്റ്റ് ഇതാ. 

മാരുതി സുസുക്കി ആൾട്ടോ K10
വില: 4.5 ലക്ഷം മുതൽ
മൈലേജ്: 24-25kmpl
കുറഞ്ഞ അറ്റകുറ്റപ്പണിയും മികച്ച മൈലേജും ഉള്ള ഈ കാർ ചെറിയ കുടുംബങ്ങൾക്കും നഗര ഡ്രൈവിംഗിനും ഏറ്റവും അനുയോജ്യമാണ്.

മാരുതി സുസുക്കി എസ്-പ്രസോ
വില: 5.3 ലക്ഷം മുതൽ
മൈലേജ്: 24-26 കി.മീ. ലി.
മിനി എസ്‌യുവി ലുക്കും ഉയർന്ന ഗ്രൗണ്ട് ക്ലിയറൻസും കാരണം, മോശം റോഡുകളിൽ പോലും ഈ കാർ മികച്ച പ്രകടനം കാഴ്ചവയ്ക്കുന്നു.

റെനോ ക്വിഡ്
വില: 5.2 ലക്ഷം മുതൽ
മൈലേജ്: 22-24 കി.മീ. ലി.
സ്റ്റൈലിഷ് ലുക്ക്, ഡിജിറ്റൽ ഇൻസ്ട്രുമെന്റ് ക്ലസ്റ്റർ, ശക്തമായ പ്രകടനം എന്നിവയാൽ, എൻട്രി ലെവൽ സെഗ്‌മെന്റിൽ ഈ കാർ ഒരു മികച്ച ഓപ്ഷനാണ്.

ടാറ്റാ ടിയാഗോ
വില: 5.6 ലക്ഷം മുതൽ
മൈലേജ്: 20-23 കി.മീ. ലി.
മികച്ച സുരക്ഷാ സവിശേഷതകളും (4-സ്റ്റാർ GNCAP റേറ്റിംഗ്) ശക്തമായ പ്രകടനവും ഉള്ളതിനാൽ, ഈ കാർ ഒരു മികച്ച ഓപ്ഷനാണ്.

ബജറ്റ് ആസൂത്രണം എങ്ങനെ ചെയ്യാം?

ഡൗൺ പേയ്‌മെന്‍റ്: ഒന്നുമുതൽ രണ്ട് ലക്ഷം രൂപ വരെ ഡൌൺ പേമെന്‍റ് അടയ്ക്കുന്നത് ഇഎംഐ കുറയ്ക്കും.
ഇഎംഐ പ്ലാൻ: 30,000 ശമ്പളം ലഭിക്കുന്നവർക്ക് 6,000 മുതൽ 8,000 വരെയുള്ള ഇഎംഐ വരെ എളുപ്പത്തിൽ കൈകാര്യം ചെയ്യാൻ കഴിയും.

സി‌എൻ‌ജി ഓപ്ഷൻ: നിങ്ങൾക്ക് മൈലേജും ലാഭവും വേണമെങ്കിൽ, സി‌എൻ‌ജി വേരിയന്റ് തിരഞ്ഞെടുക്കുക.

ഈ വാഹനങ്ങൾക്ക് പുറമെ, 4.5 ലക്ഷം രൂപ ഓൺ-റോഡ് വിലയുള്ള ഏതെങ്കിലും വാഹനം വാങ്ങുകയും ഒരു ലക്ഷം രൂപ ഡൗൺ പേയ്‌മെന്റ് നടത്തുകയും ചെയ്താൽ, നിങ്ങൾ 3,55,254 രൂപ വായ്പ എടുക്കേണ്ടിവരും. നിങ്ങൾക്ക് ഈ വായ്പ 9 ശതമാനം പലിശയ്ക്ക് ലഭിക്കും, അതും 7 വർഷത്തേക്ക്, അതിനാൽ നിങ്ങളുടെ പ്രതിമാസ തവണ ഏകദേശം 5,176 രൂപ ആയിരിക്കും. അത്തരമൊരു സാഹചര്യത്തിൽ, 30,000 രൂപ ശമ്പളത്തിൽ പോലും നിങ്ങൾക്ക് ഒരു നല്ല കാർ വാങ്ങാൻ കഴിയും.

അതേസമയം ശ്രദ്ധിക്കേണ്ട ഒരു പ്രധാന കാര്യം നിങ്ങളുടെ ഡൌൺ പെമ്ന്‍റ് തുക, പലിശ നിരക്കുകൾ, ഇഎംഐ എന്നിവ നിങ്ങളുടെ ക്രെഡിറ്റ് സ്‍കോറിനെയും അതാത് ബാങ്കുകളുടെ നിയമങ്ങളെയുമൊക്കെ അടിസ്ഥാനമാക്കി വ്യത്യാസപ്പെടും എന്നതാണ്. അതുകൊണ്ട് ഒരു ലോൺ എടുക്കുന്നതിന് മുമ്പ് ബാങ്കിന്‍റെ നിയമവശങ്ങൾ കൃത്യമായി മനസിലാക്കിയ ശേഷം മാത്രം ലോൺ എടുക്കുക.