Jeep Compass : ജീപ്പ് കോംപസിന്‍റെ വില കൂട്ടി

അടുത്തിടെ ലോഞ്ച് ചെയ്‍ത ട്രെയിൽഹോക്ക് ഉൾപ്പെടെ എല്ലാ പെട്രോൾ, ഡീസൽ പതിപ്പുകൾക്കും 25,000 രൂപയുടെ ഏകീകൃത വർധനയാണ് ലഭിക്കുന്നത് എന്ന് കാര്‍ വാലെ റിപ്പോര്‍ട്ട് ചെയ്യുന്നു.

ഐക്കണിക്ക് അമേരിക്കന്‍ വാഹന ബ്രാന്‍ഡായ ജീപ്പ് ഇന്ത്യ ജനപ്രിയ മോഡലായ കോംപസ് എസ്‌യുവിയുടെ വില കമ്പനി വർദ്ധിപ്പിച്ചു. 2022-ൽ കാർ നിർമ്മാതാവ് ഈടാക്കുന്ന ആദ്യ വില വർദ്ധനയാണിത്. അടുത്തിടെ ലോഞ്ച് ചെയ്‍ത ട്രെയിൽഹോക്ക് ഉൾപ്പെടെ എല്ലാ പെട്രോൾ, ഡീസൽ പതിപ്പുകൾക്കും 25,000 രൂപയുടെ ഏകീകൃത വർധനയാണ് ലഭിക്കുന്നത് എന്ന് കാര്‍ വാലെ റിപ്പോര്‍ട്ട് ചെയ്യുന്നു.

ജീപ്പ് കോംപസ് ഇപ്പോൾ 18.04 ലക്ഷം രൂപ (എക്സ് ഷോറൂം) പ്രാരംഭ വിലയിൽ ലഭ്യമാണ്. അതേസമയം, ടോപ്പ്-സ്പെക്ക് ട്രെയ്ൽഹോക്കിന്റെ വില 30.97 ലക്ഷം രൂപയാണ് (എക്സ്-ഷോറൂം). 2022 ഫെബ്രുവരിയിലാണ് ജീപ്പ് കോംപസ് ട്രെയിൽഹോക്ക് പുറത്തിറക്കിയത്. ഒമ്പത് സ്‍പീഡ് ഓട്ടോമാറ്റിക് ട്രാൻസ്മിഷനും 4x4 സിസ്റ്റവും ഘടിപ്പിച്ച 2.0 ലിറ്റർ ഡീസൽ എഞ്ചിനാണ് ഇതിന് കരുത്തേകുന്നത്. കാഴ്ചയിൽ, ട്രെയിൽഹോക്കിന് ഡ്യുവൽ-ടോൺ പെയിന്റ് സ്കീം, പുനർനിർമ്മിച്ച ഫ്രണ്ട് ആൻഡ് റിയർ ബമ്പറുകൾ, ഹുഡ് ഡിക്കൽ, ഓൾ-ടെറൈൻ ടയറുകളുള്ള 17 ഇഞ്ച് അലോയ് വീലുകൾ, ചുവന്ന റിയർ ടോ ഹുക്ക്, ബൂട്ടിലും ട്രെയിൽ-റേറ്റഡ് ബാഡ്‍ജ് എന്നിവയും ലഭിക്കുന്നു. 

സാധാരണ ജീപ്പ് കോംപസിന് 1.4 ലിറ്റർ പെട്രോൾ, 2.0 ലിറ്റർ ഡീസൽ എഞ്ചിനുകൾ ലഭിക്കും. ആദ്യത്തേത് 161 ബിഎച്ച്പിയും 250 എൻഎം ടോർക്കും ഉൽപ്പാദിപ്പിക്കാൻ ട്യൂൺ ചെയ്തിട്ടുണ്ട്.  രണ്ടാമത്തേത് 168 ബിഎച്ച്പിയും 350 എൻഎം പീക്ക് ടോർക്കും പുറപ്പെടുവിക്കുന്നു. ആറ് സ്പീഡ് മാനുവൽ സ്റ്റാൻഡേർഡ് ആണെങ്കിലും, പെട്രോൾ മിൽ ഏഴ് സ്പീഡ് ഡിസിടിയുമായി ജോടിയാക്കുന്നു, ഡീസൽ പതിപ്പിന് ഫോർ വീൽ ഡ്രൈവ് സജ്ജീകരണത്തോടുകൂടിയ ഒമ്പത് സ്പീഡ് ഓട്ടോമാറ്റിക് ഗിയർബോക്‌സ് ലഭിക്കുന്നു. 

പുതിയ ജീപ്പ് കോപസ് ട്രെയിൽഹോക്ക് ഇന്ത്യയിൽ അവതരിപ്പിച്ചു
2022 ജീപ്പ് കോംപസ് ട്രെയിൽഹോക്ക് (Jeep Compass Trailhawk) 30.72 ലക്ഷം രൂപ (പ്രാരംഭ എക്സ്-ഷോറൂം) വിലയിൽ ഇന്ത്യയിൽ അവതരിപ്പിച്ചു. എസ്‌യുവിയുടെ ഓഫ്-റോഡ് ഓറിയന്റഡ് പതിപ്പിന് കമ്പനി മിഡ്-ലൈഫ് അപ്‌ഡേറ്റ് നൽകിയിട്ടുണ്ട്. റെഗുലർ കോമ്പസിന്റെ ടോപ്പ്-സ്പെക്ക് മോഡൽ എസ് വേരിയന്റിനേക്കാൾ 1.38 ലക്ഷം രൂപയുടെ മാർക്ക്അപ്പാണ്.  കഴിഞ്ഞ വർഷം പുറത്തിറക്കിയ കോംപസ് ഫെയ്‌സ്‌ലിഫ്റ്റിൽ നിന്ന് അപ്‌ഡേറ്റ് ചെയ്‌ത ട്രെയിൽഹോക്കിന് കോസ്‌മെറ്റിക്, ഫീച്ചർ അപ്‌ഗ്രേഡുകൾ ലഭിക്കുന്നു. 

170 ബിഎച്ച്‌പിയും 350 എൻഎം ടോർക്കും ഉൽപ്പാദിപ്പിക്കുന്ന 2.0 ലിറ്റർ ഡീസൽ എഞ്ചിനായിരിക്കും പുതിയ ജീപ്പ് കോപസ്സ് ട്രെയിൽഹോക്കിന് കരുത്തേകുക. 4x4 സിസ്റ്റം വഴി നാല് ചക്രങ്ങളിലേക്കും പവർ അയയ്ക്കുന്ന ഒമ്പത് സ്പീഡ് ഓട്ടോമാറ്റിക് ട്രാൻസ്മിഷനുമായി ഈ മോട്ടോർ ജോടിയാക്കും. 

എക്സ്റ്റീരിയർ ഡിസൈനിന്റെ കാര്യത്തിൽ, അപ്‌ഡേറ്റ് ചെയ്‍ത ജീപ്പ് കോംപസ് ട്രയൽ‌ഹോക്കിന് ഓട്ടോമാറ്റിക് ഹെഡ്‌ലാമ്പുകൾ, റെയിൻ സെൻസിംഗ് വൈപ്പറുകൾ, എൽഇഡി പ്രൊജക്ടർ ഹെഡ്‌ലാമ്പുകൾ, ഡ്യുവൽ-ടോൺ പെയിന്റ് ജോലി, ഓൾ-ടെറൈൻ ടയറുകളിൽ പൊതിഞ്ഞ 17 ഇഞ്ച് അലോയ് വീലുകൾ, ചുവന്ന നിറമുള്ള റിയർ ടോ ഹുക്ക്, ഒപ്പം LED ടെയിൽലൈറ്റുകളും ലഭിക്കും. 

ഉള്ളിൽ, പഴയ പതിപ്പിനെ അപേക്ഷിച്ച് 2022 ട്രെയ്ൽഹോക്ക് ശ്രദ്ധേയമായ പുരോഗതി കാണുകയും ഫെയ്‌സ്‌ലിഫ്റ്റ് ചെയ്ത കോമ്പസിന്റെ ആധുനിക ഡാഷ്‌ബോർഡ് ലേഔട്ട് സ്വീകരിക്കുകയും ചെയ്യുന്നു. എന്നിരുന്നാലും, കോൺട്രാസ്റ്റ് റെഡ് സ്റ്റിച്ചിംഗും സീറ്റുകളിലെ 'ട്രെയിൽഹോക്ക്' ലോഗോകളും ഇത് എസ്‌യുവിയുടെ പ്രത്യേക പതിപ്പാണെന്ന് ഉറപ്പിക്കുന്നു. 

പുതുക്കിയ ജീപ്പ് കോമ്പസ് ട്രെയിൽഹോക്കിന്റെ ഇന്റീരിയറിൽ ആപ്പിൾ കാർപ്ലേ, ആൻഡ്രോയിഡ് ഓട്ടോ എന്നിവയ്‌ക്കൊപ്പം 10.1 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം, 10.2 ഇഞ്ച് ഫുൾ ഡിജിറ്റൽ ഇൻസ്ട്രുമെന്റ് കൺസോൾ, ഡ്യുവൽ സോൺ ക്ലൈമറ്റ് കൺട്രോൾ, പവർഡ് ടെയിൽഗേറ്റ്, പനോരമിക് സൺറൂഫ്, 360 ഡിഗ്രി ക്യാമറ എന്നിവയുണ്ട്. . റോക്ക് മോഡ് ഉള്ള സെലക്-ടെറൈൻ ഡ്രൈവ് മോഡുകൾ, ഡൈനാമിക് സ്റ്റിയറിംഗ് ടോർക്ക്, ഫ്രീക്വൻസി സെലക്ടീവ് ഡാംപിംഗ് സസ്പെൻഷൻ എന്നിവയാണ് മറ്റ് ചില ശ്രദ്ധേയമായ സവിശേഷതകൾ.