Jeep Meridian : ജീപ്പ് മെറിഡിയൻ ഔദ്യോഗിക ബുക്കിംഗ് ആരംഭിച്ചു

വാങ്ങുന്നവർക്ക് 50,000 രൂപ ടോക്കൺ തുകയ്ക്ക് ജീപ്പ് ഡീലർഷിപ്പുകളിലോ കമ്പനിയുടെ ഔദ്യോഗിക വെബ്‌സൈറ്റിലോ മെറിഡിയൻ ബുക്ക് ചെയ്യാം എന്നും കമ്പനി വാര്‍ത്താക്കുറിപ്പില്‍ വ്യക്തമാക്കി. 

കൊച്ചി:  അമേരിക്കന്‍ വാഹന നിര്‍മാതാക്കളായ ജീപ്പ്, ഇന്ത്യന്‍ നിരത്തുകള്‍ക്കായി ഈയിടെ അവതരിപ്പിച്ച  മുൻനിര എസ്.യു.വി. വാഹനമായ മെറിഡിയന്റെ ബുക്കിംഗ്  ഔദ്യോഗികമായി ആരംഭിച്ചു.  ജീപ്പ് ഇന്ത്യയുടെ രഞ്ജന്‍ഗാവിലുള്ള പ്ലാന്റിലായിരിക്കും നിര്‍മിക്കുക എന്ന് ജീപ്പ് ഇന്ത്യ വാര്‍ത്താക്കുറിപ്പില്‍ അറിയിച്ചു. മെയ് അവസാനം വാഹനത്തിന്റെ വില പ്രഖ്യാപിക്കുമെന്നാണ് ജീപ്പ് അറിയിക്കുന്നത്.   തുടർന്ന് ഡെലിവറികൾ ജൂൺ മൂന്നാം വാരം മുതൽ ആരംഭിക്കും. വാങ്ങുന്നവർക്ക് 50,000 രൂപ ടോക്കൺ തുകയ്ക്ക് ജീപ്പ് ഡീലർഷിപ്പുകളിലോ കമ്പനിയുടെ ഔദ്യോഗിക വെബ്‌സൈറ്റിലോ മെറിഡിയൻ ബുക്ക് ചെയ്യാം എന്നും കമ്പനി വാര്‍ത്താക്കുറിപ്പില്‍ വ്യക്തമാക്കി. 

170 എച്ച്‌പി, 350 എൻഎം, 2.0 ലിറ്റർ ഫോർ സിലിണ്ടർ മൾട്ടിജെറ്റ് ടർബോ-ഡീസൽ എഞ്ചിനാണ് മെറിഡിയന് കരുത്ത് പകരുന്നത്. അടിസ്ഥാന വകഭേദം മുതൽ 6 എയർബാഗുകള്‍, പ്രീടെൻഷനർ ഡ്രൈവർ, പാസഞ്ചർ സീറ്റ്ബെൽറ്റ് എന്നിവയുണ്ട്. കൂടാതെ ഹൈഡ്രോളിക് ബ്രേക്ക് അസിസ്റ്റ്, ഫാഡിങ് ബ്രേക്ക് സപ്പോർട്ട്, റെഡി അലേർട്ട് ബ്രേക്ക്, റെയിൻ അസിസ്റ്റ് ബ്രേക്ക്, ഹിൽ സ്റ്റാർട്ട് അസിസ്റ്റ്, ഓട്ടമാറ്റിക്ക് വെഹിക്കിൾ ഹോൾഡ് തുടങ്ങി 60 ൽ അധികം സുരക്ഷാ ഫീച്ചറുകളാണ് വാഹനത്തിലുള്ളത്. പ്രീമിയം എസ്.യു.വി. ശ്രേണിയില്‍ എത്തുന്ന വാഹനം 10,00,000 കിലോമീറ്ററിലധികം പരീക്ഷണയോട്ടവും നടത്തിക്കഴിഞ്ഞു.

എന്താണ് ജീപ്പ് മെറിഡിയന്‍?

ഈ മോഡൽ പ്രധാനമായും കോംപസ് എസ്‌യുവിയുടെ ഏഴ് സീറ്റുകളുള്ള പതിപ്പാണ്. ടൊയോട്ട ഫോർച്യൂണർ , സ്കോഡ കൊഡിയാക്ക് , എംജി ഗ്ലോസ്റ്റർ , മഹീന്ദ്ര അൽതുറാസ് ജി4 എന്നിവയാണ് മെറിഡിയന്‍റെ എതിരാളികൾ. 168 bhp കരുത്തും 350 Nm ടോര്‍ഖും ഉത്പാദിപ്പിക്കുമെന്ന് പ്രതീക്ഷിക്കുന്ന 2.0 ലിറ്റർ ഡീസൽ മോട്ടോറാണ് ജീപ്പ് മെറിഡിയന്‍റെ ഹൃദയം എന്നാണ് കാര്‍ വാലെ റിപ്പോര്‍ട്ട് ചെയ്യുന്നത്. ട്രാൻസ്മിഷൻ ഓപ്ഷനുകളിൽ ആറ് സ്പീഡ് മാനുവൽ യൂണിറ്റും ഒമ്പത് സ്പീഡ് ടോർക്ക് കൺവെർട്ടർ ഓട്ടോമാറ്റിക് യൂണിറ്റും ഉൾപ്പെടുന്നു. 4x4 സിസ്റ്റവും ജീപ്പ് ഓഫർ ചെയ്യുന്നു. 10.8 സെക്കൻഡിനുള്ളിൽ 0-100 കിലോമീറ്റർ വേഗതയിൽ കുതിക്കാൻ മോഡലിന് കഴിയും. പരമാവധി വേഗത 198 കിലോമീറ്റർ വരെ ആണ്. 

2022 ജീപ്പ് മെറിഡിയൻ ത്രീ-വരി എസ്‌യുവിക്ക് സിഗ്നേച്ചർ സെവൻ-ബോക്‌സ് ഗ്രിൽ, സംയോജിത എൽഇഡി ഡിആർഎല്ലുകളുള്ള എൽഇഡി ഹെഡ്‌ലാമ്പുകൾ, പുതിയ സെറ്റ് ഫ്രണ്ട് റിയർ ബമ്പറുകൾ, ഫ്രണ്ട് ബമ്പറിനുള്ള ക്രോം ഇൻസെർട്ടുകൾ, സിൽവർ കളർ ഫോക്‌സ് സ്‌കിഡ് പ്ലേറ്റുകൾ, ഫോഗ് എന്നിവ ലഭിക്കുന്നു. ലൈറ്റുകൾ, പുതിയ 18 ഇഞ്ച് ഡയമണ്ട് കട്ട് അലോയ് വീലുകൾ, മുൻ വാതിലുകളിൽ മെറിഡിയൻ അക്ഷരങ്ങൾ, റൂഫ് റെയിലുകൾ, റാപ് എറൗണ്ട് എൽഇഡി ടെയിൽ ലൈറ്റുകൾ, ബൂട്ട്-ലിഡ് ഘടിപ്പിച്ച നമ്പർ പ്ലേറ്റ് റീസെസ്, റിയർ ബമ്പറിൽ തിരശ്ചീനമായി സ്ഥാപിച്ചിരിക്കുന്ന റിഫ്ലക്ടറുകൾ, ഒപ്പം ഒരു ഇന്റഗ്രേറ്റഡ് സ്‌പോയിലർ ഉയർന്ന ഘടിപ്പിച്ച സ്റ്റോപ്പ് ലാമ്പും ലഭിക്കുന്നു.

ജീപ്പ് മെറിഡിയൻ എസ്‌യുവിയുടെ അകത്തളങ്ങളിൽ പനോരമിക് സൺറൂഫ്, വയർലെസ് ആപ്പിൾ കാർപ്ലേ, ആൻഡ്രോയിഡ് ഓട്ടോ എന്നിവയുള്ള 10.1 ഇഞ്ച് ഫ്രീ-സ്റ്റാൻഡിംഗ് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം, 360 ഡിഗ്രി ക്യാമറ, കൂടാതെ മഡ്, ഓട്ടോ, സാന്‍ഡ്, സ്‍നോ തുടങ്ങിയ ഡ്രൈവ് മോഡുകളും ഉൾപ്പെടുന്നു. ഡ്യുവൽ-ടോൺ ബ്രൗൺ, ബ്ലാക്ക് അപ്‌ഹോൾസ്റ്ററി, ഡ്യുവൽ-സോൺ ക്ലൈമറ്റ് കൺട്രോൾ, ഒമ്പത് സ്പീക്കറുകളുള്ള ആൽപൈൻ സോഴ്‌സ് മ്യൂസിക് സിസ്റ്റം, ഇലക്ട്രിക്കലി അഡ്‌ജസ്റ്റബിൾ ഡ്രൈവർ സീറ്റ്, ഇലക്ട്രിക്കൽ പവർഡ് ടെയിൽ-ഗേറ്റ്, വെന്റിലേറ്റഡ് ഫ്രണ്ട് സീറ്റുകൾ, വയർലെസ് ചാർജിംഗ്, 80-ഡിഗ്രി ഓപ്പണിംഗ് ഡോറുകൾ പൂർണ്ണ ഡിജിറ്റൽ ഇൻസ്ട്രുമെന്റ് കൺസോള്‍ തുടങ്ങിയവ വാഹനത്തെ വേറിട്ടതാക്കുന്നു.

ആറ് സീറ്റ്, ഏഴ് സീറ്റ് ലേഔട്ടുകളിൽ എസ്‌യുവി ലഭ്യമാണ്. മോഡലിലെ സുരക്ഷാ സവിശേഷതകളിൽ ആറ് എയർബാഗുകൾ, EBD ഉള്ള ABS, ESC, ARP, EPB, TPMS, ട്രാക്ഷൻ കൺട്രോൾ, ഹൈഡ്രോളിക് ബ്രേക്ക് അസിസ്റ്റ്, TPMS, EPB എന്നിവ ഉൾപ്പെടുന്നു.