കിയ മോട്ടോഴ്‍സിന്‍റെ പുതിയ വാഹനം കാരന്‍സ് എംപിവിയുടെ ബുക്കിംഗ് 2022 ജനുവരി 14 മുതൽ ആരംഭിക്കും. സെൽറ്റോസ്, കാർണിവൽ, സോനെറ്റ് എന്നിവയ്ക്ക് ശേഷം ദക്ഷിണ കൊറിയൻ ബ്രാൻഡിൽ നിന്നുള്ള ഇന്ത്യയിലെ നാലാമത്തെ പാസഞ്ചർ കാറായിരിക്കും കിയ കാരൻസ്.
ദക്ഷിണ കൊറിയന്‍ വാഹന നിര്‍മ്മാതാക്കളായ കിയ മോട്ടോഴ്‍സ് ഇന്ത്യ (Kia Motors India) വരാനിരിക്കുന്ന കാരന്‍സ് എംപിവി (Carens MPV)യുടെ ബുക്കിംഗ് 2022 ജനുവരി 14 മുതൽ ആരംഭിക്കുമെന്ന് പ്രഖ്യാപിച്ചതായി എച്ച്ടി ഓട്ടോ റിപ്പോര്‍ട്ട് ചെയ്യുന്നു. ലോഞ്ച് ചെയ്യുമ്പോൾ കാരന്‍സ് എതിരാളികളായ ഹ്യുണ്ടായി അൽകാസർ, മാരുതി സുസുക്കി XL6, ടാറ്റ സഫാരി, ടൊയോട്ട ഇന്നോവ ക്രിസ്റ്റ, മഹീന്ദ്ര മറാസോ എന്നിവയുമായി മത്സരിക്കും.
സെൽറ്റോസ്, കാർണിവൽ, സോനെറ്റ് എന്നിവയ്ക്ക് ശേഷം ദക്ഷിണ കൊറിയൻ ബ്രാൻഡിൽ നിന്നുള്ള ഇന്ത്യയിലെ നാലാമത്തെ പാസഞ്ചർ കാറായിരിക്കും കിയ കാരൻസ്. സെൽറ്റോസ്, സോനെറ്റ് തുടങ്ങിയ മോഡലുകൾ ഉപയോഗിച്ച് വാഹന നിർമ്മാതാവ് ഇന്ത്യയില്‍ മികച്ച വിജയം ആണ് കൈവരിച്ചത്. ആ വിജയം ആവർത്തിക്കാനാണ് കാരൻസ് എംപിവിയിലൂടെ കിയ ലക്ഷ്യമിടുന്നത്.
മാരുതിക്കും ടൊയോട്ടയ്ക്കും നെഞ്ചിടിപ്പേറ്റി കിയ നാലാമന്‍!
ഇന്ത്യയിലെ ബ്രാൻഡിൽ നിന്നുള്ള ആദ്യത്തെ മൂന്ന് നിര മോഡലാണ് കിയ കാരൻസ് എംപിവി. ആന്ധ്രാപ്രദേശിലെ അനന്ത്പൂരിലെ വാഹന നിർമ്മാതാക്കളുടെ പ്ലാന്റിൽ ഇത് ഇന്ത്യയിൽ പ്രാദേശികമായി നിർമ്മിക്കും. ലോകത്തിലെ മറ്റേതൊരു വിപണിക്കും മുമ്പ് ഈ എംപിവി ലഭിക്കുന്ന ആദ്യ രാജ്യമാകും ഇന്ത്യ.
കാരന്‍സിന്‍റെ രൂപകൽപ്പനയെക്കുറിച്ച് പറയുമ്പോൾ, പ്രീമിയം എസ്‌യുവികളുടെ ഒരു സ്റ്റൈലിംഗ് കിയ കാരൻസിന് ലഭിക്കുന്നു, പക്ഷേ പ്രായോഗികമായി ഇത് ഒരു എംപിവി ആണ്. ഇന്ത്യയിലെ ബ്രാൻഡിൽ നിന്ന് ലഭ്യമായ മറ്റ് മോഡലുകളെ അപേക്ഷിച്ച് തികച്ചും വ്യത്യസ്തമായ ഒരു സ്റ്റൈലിഷ് ഫ്രണ്ട് ഫാസിയയാണ് കിയ കാരൻസിന് ലഭിക്കുന്നത്. സംയോജിത എൽഇഡി ഡേടൈം റണ്ണിംഗ് ലൈറ്റുകളുള്ള വലിയ എൽഇഡി ഹെഡ്‌ലാമ്പുകൾ, സ്ലീക്ക് ഹ്യൂമാനിറ്റി ലൈൻ, ഡയമണ്ട് ആകൃതിയിലുള്ള മെഷുള്ള വലിയ ഫ്രണ്ട് ഗ്രിൽ, ലംബമായി സ്ലേറ്റ് ചെയ്ത എൽഇഡി ഫോഗ് ലാമ്പുകളാൽ ചുറ്റപ്പെട്ട സ്ലീക്ക് ക്രോം ലൈനിംഗ് എന്നിവ ഇതിന് ലഭിക്കുന്നു.
സ്‌പോർട്ടി അലോയ് വീലുകൾ, ക്രോം അലങ്കരിച്ച ഡോർ ഹാൻഡിലുകൾ, ടേൺ ഇൻഡിക്കേറ്റർ ഇന്റഗ്രേറ്റഡ് വിംഗ് മിററുകൾ, സൈഡ് സിൽസ്, ബ്ലാക്ക് ക്ലാഡിംഗുകൾ, ഡെൽറ്റ ആകൃതിയിലുള്ള റാപ്പറൗണ്ട് എൽഇഡി ടെയിൽലൈറ്റുകൾ, വൈഡ് റിഫ്‌ളക്ടർ, കറുത്ത ക്ലാഡിംഗോടുകൂടിയ ചങ്കി ബമ്പർ, ക്രോം ട്രിം, ശിൽപമുള്ള ടെയിൽഗേറ്റ് എന്നിവയും ഇതിലുണ്ട്.
കിയ കാരന്‍സ് എത്തി, കുടുംബങ്ങള്‍ കീഴടക്കാന്‍
ക്യാബിനിനുള്ളിൽ, ഡിജിറ്റൽ ഇൻസ്ട്രുമെന്റ് ക്ലസ്റ്റർ, വലിയ 10.25 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം, ഡ്യുവൽ-ടോൺ കളർ തീം, ലെതർ സീറ്റുകൾ തുടങ്ങി നിരവധി സവിശേഷതകള്‍ കിയ കാരൻസ് എംപിവിക്ക് സ്റ്റൈലിഷ് പ്രീമിയം രൂപഭാവം സമ്മാനിക്കുന്നു.
ആറ് എയർബാഗുകൾ, എബിഎസ്, ഇഎസ്‌സി, എച്ച്എസി, വിഎസ്എം, ഡിബിസി, ബിഎഎസ്, ഓൾ-വീൽ ഡിസ്‌ക് ബ്രേക്കുകൾ, ടിപിഎംഎസ്, റിയർ പാർക്കിംഗ് സെൻസറുകൾ തുടങ്ങിയ സുരക്ഷാ ഫീച്ചറുകൾ കിയ കാരൻസ് എംപിവിക്ക് സ്റ്റാൻഡേർഡായി ലഭ്യമാണ്. കരുത്തു പകരാന്‍ ഈ എംപിവിക്ക് പെട്രോൾ, ഡീസൽ എഞ്ചിൻ ഓപ്ഷനുകൾ ലഭിക്കുന്നു. ടർബോ പെട്രോൾ എഞ്ചിനും ആറ് സ്പീഡ് മാനുവൽ ഗിയർബോക്‌സും ചേർന്ന് പാഡിൽ ഷിഫ്റ്ററുകളുള്ള ഏഴ് സ്പീഡ് ഡിസിടി ഓട്ടോമാറ്റിക് ഗിയർബോക്‌സാണ് കിയ കാരൻസിന് വാഗ്‍ദാനം ചെയ്യുന്നത്.
കോടികളുടെ വണ്ടികള്‍ തിങ്ങിയ ഗാരേജിലേക്ക് രണ്ടുകോടിയുടെ പുതിയ വണ്ടിയുമായി നടി!
ഹ്യുണ്ടായ് അൽകാസറിന് സമാനമായ വിലയാണ് കിയ കാരൻസിനും പ്രതീക്ഷിക്കുന്നത്. അതായത് ഇതിന് 16 മുതല്‍ 20 ലക്ഷം രൂപ വരെ ആയിരിക്കും എക്സ്-ഷോറൂം വില. പുറത്തിറക്കുമ്പോൾ, മാരുതി XL6-നും ടൊയോട്ട ഇന്നോവ ക്രിസ്റ്റയ്ക്കും ഇടയിലായിരിക്കും കിയ കാരൻസ് സ്ഥാനം പിടിക്കുക. ഈ ശ്രേണിയിലെ ഹ്യുണ്ടായ് അൽകാസറിനും സമാനമായ വിലയുള്ള മറ്റ് എസ്‌യുവികൾക്കും ഇത് എതിരാളിയാകും.