വമ്പന് മൈലേജ്, ഇടുങ്ങിയ റോഡും വിഷയമല്ല; എത്തി പുത്തന് മഹീന്ദ്ര ലോഡ്കിംങ് ഒപ്റ്റിമോ
Synopsis
ഏറ്റവും ഉയര്ന്ന മൈലേജും അല്ലെങ്കില് ട്രക്ക് ബാക്ക് ഗ്യാരണ്ടിയും നല്കുന്ന പുതിയ വാഹനം ഇടുങ്ങിയ റോഡുകള്ക്കും തിരക്കേറിയ ട്രാഫിക്ക് സാഹചര്യങ്ങള്ക്കുമായി പ്രത്യേകം രൂപകല്പ്പന ചെയ്തിട്ടുള്ളതാണ് എന്ന് കമ്പനി വാര്ത്താക്കുറിപ്പില് അറിയിച്ചു.
മഹീന്ദ്ര ഗ്രൂപ്പിന്റെ ഭാഗമായ മ്രഹീന്ദ്ര ട്രക്ക് ആന്ഡ് ബസ് ഡിവിഷന് (എംടിബി) ജനപ്രിയ എല്സിവി ട്രക്ക് ശ്രേണിയായ ലോഡ്കിംങ് ഒപ്റ്റിമോ എല്സിവിയുടെ ബിഎസ്6 പതിപ്പ് അവതരിപ്പിച്ചു. ഏറ്റവും ഉയര്ന്ന മൈലേജും അല്ലെങ്കില് ട്രക്ക് ബാക്ക് ഗ്യാരണ്ടിയും നല്കുന്ന പുതിയ വാഹനം ഇടുങ്ങിയ റോഡുകള്ക്കും തിരക്കേറിയ ട്രാഫിക്ക് സാഹചര്യങ്ങള്ക്കുമായി പ്രത്യേകം രൂപകല്പ്പന ചെയ്തിട്ടുള്ളതാണ് എന്ന് കമ്പനി വാര്ത്താക്കുറിപ്പില് അറിയിച്ചു.
ഡ്രൈവിംഗിനിടെ ഥാറിൽ നിന്ന് നോട്ടുകള് വീശിയെറിഞ്ഞ യുവാവ്, പൊലീസിന്റെ വക മുട്ടന്പണി!
60 ശതമാനത്തിലധികം വിപണി വിഹിതവുമായി ലോഡ്കിങ് ഒപ്റ്റിമോ കേരള മാര്ക്കറ്റില് ഒന്നാമതാണെന്ന് മഹീന്ദ്ര ആന്ഡ് മഹീന്ദ്ര ലിമിറ്റഡ് കൊമേഴ്സ്യല് വെഹിക്കിള്സ് ബിസിനസ് ഹെഡ് ജലജ് ഗുപ്ത പറഞ്ഞു. വളരുന്ന ആറ് ടണ് മുതല് 7.5ടണ് ഗ്രോസ് വെഹിക്കിള് വെയിറ്റ് വിഭാഗത്തില് ലോഡ്കിംങ് ഒപ്റ്റിമോ ബിഎസ്6 തങ്ങളുടെ എല്സിവി ഉല്പ്പന്ന പോര്ട്ട്ഫോളിയോയെ ശക്തിപ്പെടുത്തുമെന്നും, ഉപഭോക്താക്കളുടെ വ്യത്യസ്തമായ ബിസിനസ് ആവശ്യങ്ങള് നിറവേറ്റുന്നതിനുള്ള വിശാലമായ ഓപ്ഷനുകള് ലഭ്യമാക്കുക എന്നതാണ് മഹീന്ദ്ര ട്രക്ക് ആന്ഡ് ബസ് ഡിവിഷന് ലക്ഷ്യമിടുന്നതെന്ന് ജലജ് ഗുപ്ത കൂട്ടിച്ചേര്ത്തു.
പുതിയ ലോഡ്കിങ് ഒപ്റ്റിമോ ബിഎസ്6 ശ്രേണിയില് എംഡിഐ എഞ്ചിന്, ബോഷ് ആഫ്റ്റര് ട്രീറ്റ്മെന്റ് സിസ്റ്റം, മൈല്ഡ് ഇജിആര് എന്നിവ ഉള്പ്പെടുന്നു, ഇത് കുറഞ്ഞ ആഡ്ബ്ലൂ ഉപഭോഗത്തിലേക്കും മറ്റ് സാങ്കേതിക മുന്നേറ്റങ്ങളിലേക്കും നയിക്കുന്നു, കൂടാതെ അത്യാധുനിക ഐമാക്സ ടെലിമാറ്റിക്സ് സൊല്യൂഷനും ചേര്ന്ന് ഉയര്ന്ന മൈലേജ് ഉറപ്പ് നല്കുന്നു. ട്രാന്സ്പോര്ട്ടേഷന്റെ 60 ശതമാനത്തില് കൂടുതല് ഇന്ധനമാണ് പ്രധാന ഘടകം എന്ന കാര്യം കണക്കിലെടുക്കുമ്പോള് മഹീന്ദ്ര ബിഎസ് 6 ട്രക്ക് ശ്രേണിയുടെ ഭാഗമാ ലോഡ്കിങ് ഒപ്റ്റിമോ എല്സിവി ഉപഭോക്താവിന്റെ ബിസിനസ്സ് വര്ദ്ധിപ്പിക്കുകയും, ഉയര്ന്ന വളര്ച്ച നല്കുകയും ചെയ്യും എന്നും കമ്പനി പറയുന്നു.
ഇന്ത്യയില് 130 ശതമാനം വളര്ച്ചയുമായി ജീപ്പ്, അമ്പരന്ന് വാഹനലോകം!
അതേസമയം മഹീന്ദ്ര ആൻഡ് മഹീന്ദ്രയില് നിന്നുള്ള മറ്റ് വാര്ത്തകള് പരിശോധിച്ചാല് ഥാറിന്റെ ഓഫ്-റോഡ് എസ്യുവിയുടെ വരാനിരിക്കുന്ന 5-ഡോർ പതിപ്പ് കമ്പനി അടുത്തിടെ രാജ്യത്ത് പരീക്ഷിച്ചുതുടങ്ങി.കഴിഞ്ഞദിവസം എസ്യുവിയുടെ പരീക്ഷണപ്പതിപ്പ് മറച്ച നിലയില് ക്യാമറയിൽ പതിഞ്ഞിരുന്നു. അതിന്റെ ഔദ്യോഗിക ലോഞ്ച് ടൈംലൈൻ ഇതുവരെ വെളിപ്പെടുത്തിയിട്ടില്ലെങ്കിലും, 5 ഡോർ മഹീന്ദ്ര ഥാർ അടുത്ത വർഷം ഷോറൂമുകളിൽ എത്തുമെന്നാണ് റിപ്പോർട്ട്. ഇവിടെ, വരാനിരിക്കുന്ന 5-ഡോർ മാരുതി ജിംനിക്കും 5-ഡോർ ഫോഴ്സ് ഗൂർഖയ്ക്കും എതിരായി ഇത് മത്സരിക്കും. അതിന്റെ രണ്ട് എതിരാളികളും ഇപ്പോൾ പരീക്ഷണ ഘട്ടത്തിലാണ്.
ബസിലിടിച്ച് തകര്ന്ന് തരിപ്പണമായി XUV700, സുരക്ഷിതരായി യാത്രികര്, മഹീന്ദ്രയ്ക്ക് കയ്യടിച്ച് ജനം!
അതിന്റെ മിക്ക സവിശേഷതകളും 3-ഡോർ ഥാറിൽ നിന്ന് ലഭിക്കുന്നതാണ്. സ്മാർട്ട്ഫോൺ കണക്റ്റിവിറ്റിയും നാവിഗേഷനും ഉള്ള 7 ഇഞ്ച് ടച്ച്സ്ക്രീൻ ഇൻഫോടെയ്ൻമെന്റ് സിസ്റ്റം, 8-വേ അഡ്ജസ്റ്റ് ചെയ്യാവുന്ന ഫ്രണ്ട് സീറ്റുകൾ, ഇൻസ്ട്രുമെന്റ് ക്ലസ്റ്ററിലെ നിറമുള്ള മൾട്ടി ഇൻഫോ ഡിസ്പ്ലേ, സ്റ്റിയറിംഗ് മൗണ്ടഡ് കൺട്രോളുകൾ, മൾട്ടിപ്പിൾ എയർബാഗുകൾ, സെൻട്രൽ ലോക്കിംഗ്, റിയർ പാർക്കിംഗ്, ഹിൽ എന്നിവ ഉപയോഗിച്ച് ഇത് പായ്ക്ക് ചെയ്യാം. സ്റ്റാർട്ട് ആൻഡ് ഡിസെന്റ് അസിസ്റ്റ്, റോൾ കേജ് എന്നിവയും മറ്റും ലഭിക്കും