മഹീന്ദ്രയുടെ ഈ വെന്റിലേറ്റര് നിര്‍മാണവും പൂര്‍ത്തിയാക്കിയിരിക്കുന്നു. കമ്പനി എംഡി പവന്‍ ഗൊയങ്കെയാണ് ഇക്കാര്യം വ്യക്തമാക്കിയത്.
തങ്ങളുടെ വാഹന നിർമാണ പ്ലാന്‍റുകകൾ വെന്റിലേറ്റർ ഉണ്ടാക്കാൻ നൽകുമെന്ന് ഗ്രൂപ്പ് ചെയർമാൻ ആനന്ദ് മഹീന്ദ്ര പ്രഖ്യാപിച്ച് 48 മണിക്കൂറിനകം വെന്റിലേറ്ററിന്റെ മാതൃകയുണ്ടാക്കിയാണ് കമ്പനി വാഹന ലോകത്തെ ഉള്‍പ്പെടെ അമ്പരപ്പിച്ചത്.
ഈ വെന്റിലേറ്റര് വിദഗ്ധ പരിശോധനയ്ക്കായി നല്‍കുമെന്നും മൂന്ന് ദിവസത്തിനുള്ളില്‍ യാഥാര്‍ഥ വെന്റിലേറ്റര് ഒരുങ്ങുമെന്നും മഹീന്ദ്ര അറിയിച്ചിരുന്നു. ഇപ്പോഴിതാ മഹീന്ദ്രയുടെ ഈ വെന്റിലേറ്റര് നിര്‍മാണവും പൂര്‍ത്തിയാക്കിയിരിക്കുന്നു. കമ്പനി എംഡി പവന്‍ ഗൊയങ്കെയാണ് ഇക്കാര്യം വ്യക്തമാക്കിയത്.
"മഹീന്ദ്ര സ്വന്തമായി വികസിപ്പിച്ച ശ്വാസനസഹായ യന്ത്രം ഫലപ്രാപ്തിയിലെത്തിയിരിക്കുന്നു. ഇത് ആശുപത്രികള്‍ക്ക് കൈമാറിയില്ല, കൂടുതല്‍ പരീക്ഷണങ്ങള്‍ നടക്കുന്നു. ഈ ഉപകരണത്തിന് എന്ത് പേര് നല്‍കണമെന്ന് തീരുമാനിച്ചിട്ടില്ല. ആരോഗ്യ മന്ത്രാലയത്തിന്റെ അംഗീകാരത്തിന് കാത്തിരിക്കുന്നു..." എന്ന കുറിപ്പിനൊപ്പം രണ്ട് മിനിറ്റ് ദൈര്‍ഘ്യമുള്ള വീഡിയോയും ഗൊയാങ്കെ ട്വീറ്റ് ചെയ്‍തു.
Mahindra’s in-house effort for affordable respiratory device is near fruition. Video shows a working model. Packaging yet to be done. Testing started. Looking for ideas on what to call it? Will go fo approvals soon pic.twitter.com/Z2T5fsyDCb
— Pawan K Goenka (@GoenkaPk)മഹീന്ദ്രയുടെ മഹാരാഷ്ട്രയിലെ കന്‍ഡിവാലി, ഇഗാത്പുരി എന്നീ പ്ലാന്റുകളിലെ ജീവനക്കാര്‍ 48 മണിക്കൂര്‍ നീണ്ട പരീക്ഷണങ്ങള്‍ക്ക് ഒടുവിലാണ് വെന്റിലേറ്ററിന്റെ മാതൃക തയാറാക്കിയത്.
വെന്റിലേറ്ററിന്റെ നിര്‍മാണത്തിനായി മഹീന്ദ്രയുടെ എന്‍ജിനീയറിങ് വിഭാഗം പ്രവര്‍ത്തിച്ചുവരുന്നതായി ആനന്ദ് മഹീന്ദ്ര കഴിഞ്ഞ ദിവസം അറിയിച്ചിരുന്നു. മഹീന്ദ്രയുടെ ഈ വെന്റിലേറ്ററിന്റെ വിലയാണ് ആരെയും അമ്പരപ്പിക്കുന്നത്. വെറും 7500 രൂപ മാത്രമാണ് ഇതിന്‍റെ വില. നിലവില്‍ 10 ലക്ഷം രൂപയെങ്കിലും വെന്റിലേറ്റര് ഒന്നിനു വില വരുന്നിടത്താണ് മഹീന്ദ്രയുടെ ഈ നിര്‍ണായക ചുവടുവയ്‍പ് എന്നതാണ് ശ്രദ്ധേയം.