പൂത്തിരി സംഭവം, ടൂര് കഴിഞ്ഞ് മുങ്ങാന് ശ്രമിച്ച ബസുകളെ എംവിഡി ഓടിച്ചിട്ടുപിടികൂടി!
Synopsis
വിദ്യാര്ഥികള് വിനോദ യാത്ര കഴിഞ്ഞ് മടങ്ങുമ്പോള് പുന്നപ്രയിലും തകഴിയിലും വച്ചാണ് ബസുകൾ കസ്റ്റഡിയിൽ എടുത്തത്. അമ്പലപ്പുഴയില് വെച്ച് ആര്ടിഒ ഉദ്യോഗസ്ഥരെ കണ്ട് രണ്ടാമത്തെ ബസ് വഴി തിരിച്ച് വിട്ടെങ്കിലും പിറകെ പിന്തുടര്ന്ന് കസ്റ്റഡിയില് എടുക്കുകയായിരുന്നു.
കൊല്ലത്ത് കോളേജ് വിദ്യാര്ഥികള് വിനോദ യാത്ര പുറപ്പെടും മുമ്പ് ബസിന് മുകളില് പൂത്തിരി കത്തിച്ച സംഭവത്തില് രണ്ട് ബസുകളും ഉദ്യോഗസ്ഥര് കസ്റ്റഡിയിലെടുത്തു. വിദ്യാര്ഥികള് വിനോദ യാത്ര കഴിഞ്ഞ് മടങ്ങുമ്പോള് പുന്നപ്രയിലും തകഴിയിലും വച്ചാണ് ബസുകൾ കസ്റ്റഡിയിൽ എടുത്തത്. അമ്പലപ്പുഴയില് വെച്ച് ആര്ടിഒ ഉദ്യോഗസ്ഥരെ കണ്ട് രണ്ടാമത്തെ ബസ് വഴി തിരിച്ച് വിട്ടെങ്കിലും പിറകെ പിന്തുടര്ന്ന് കസ്റ്റഡിയില് എടുക്കുകയായിരുന്നു.
ഓസ്ട്രേലിയന് റോഡില് ആ ഹിന്ദുസ്ഥാൻ വണ്ടി, തടഞ്ഞുനിര്ത്തിയ ഇന്ത്യക്കാരന് പറഞ്ഞത്..!
മോട്ടാര് വാഹന നിയമ പ്രകാരമുള്ള കുറ്റങ്ങള് ചുമത്തിയ ശേഷം കുട്ടികളെ കോളേജില് ഇറക്കാന് ഡ്രൈവര്മാരെ അനുവദിച്ചു. തുടര്ന്ന് ബസുകള് കൊല്ലം ആര്ടിഒ എന്ഫോഴ്സ്മെന്റ് വിഭാഗത്തിന് കൈമാറും. മോട്ടോർ വാഹന നിയമ ലംഘനങ്ങൾക്ക് രണ്ട് ബസുകൾക്കുമായി 36,000 രൂപ പിഴ ചുമത്തി. പൂത്തിരി കത്തിച്ചതിന് കൊല്ലം പൊലീസ് പ്രത്യേകം കേസെടുക്കും.
ക്യാമറയെ ചതിക്കാന് നമ്പര് പ്ലേറ്റ് മറച്ചു, പക്ഷേ ആര്ടിഒയുടെ കണ്ണ് ചതിച്ചു!
കൊല്ലം പെരുമണ് എന്ജിനീയറിംഗ് കോളേജിലെ രണ്ടാം വര്ഷ ബിരുദ വിദ്യാര്ഥികളുടെ വിനോദ യാത്ര പുറപ്പെടും മുമ്പാണ് ബസിന് മുകളില് പൂത്തിരി കത്തിച്ചത്. തീ ബസിലെക്ക് പടര്ന്നെങ്കിലും ഉടന് അണച്ചു. ഇതിന്റെ ദൃശ്യങ്ങള് സമൂഹമാധ്യമങ്ങളില് പ്രചരിച്ചതോടെയാണ് അധികൃതരുടെ ശ്രദ്ധയില്പ്പെട്ടത്.
MVD : കുട്ടികളെ കയറ്റി പെട്ടിഓട്ടോ; ന്യായീകരണത്തിനെതിരെ മോട്ടോര് വാഹന വകുപ്പ്
തലനാരിഴയ്ക്കാണ് സംഭവത്തിൽ അപകടം ഒഴിവായത്. വിനോദയാത്രയ്ക്ക് മുമ്പ് വിദ്യാർത്ഥികളെ ആവേശം കൊള്ളിക്കാൻ ബസിന് മുകളിൽ വലിയ പൂത്തിരി കത്തിക്കുകയായിരുന്നു. എന്നാൽ പുത്തിരിയിൽ നിന്ന് തീ ബസിലേക്ക് പടർന്നു.
ഇക്കഴിഞ്ഞ 26 ന് കൊല്ലം പെരുമണ് എഞ്ചിനീയറിങ് കോളേജിലെ കമ്പ്യൂട്ടർ സയൻസ് വിദ്യാർത്ഥികൾ ടൂർ പോകും മുമ്പാണ് ജീവനക്കാർ ബസിന് മുകളിൽ പൂത്തിരി കത്തിച്ചത്. പൂത്തിരിയിൽ നിന്നും ബസിന്റെ മുകൾ ഭാഗത്ത് തീ പടർന്നു. ജീവനക്കാർ തന്നെ ബസിന്റെ മുകളിൽ കയറി വെള്ളമൊഴിച്ചാണ് തീ കെടുത്തിയത്.
രോഗികൾക്കും ഭിന്നശേഷിക്കാര്ക്കും കൈത്താങ്ങായി എഎംവിഐമാര്
തീ പടരാതിരുന്നതിനാൽ വലിയ അപകടം ഒഴിവായി. അധ്യാപകർ വിലക്കിയിട്ടും ബസ് ജീവനക്കാരാണ് പൂത്തിരി കത്തിച്ചതെന്ന് കോളേജ് പ്രിൻസിപ്പാൾ പറഞ്ഞു. ബസുകൾ തമ്മിലുള്ള മത്സരമാണ് ഇതിന് കാരണം. ദൃശ്യങ്ങൾ സാമൂഹിക മാധ്യമങ്ങളിൽ പ്രചരിച്ചതോടെ മോട്ടോർ വാഹന വകുപ്പ് അന്വേഷണം തുടങ്ങി.
"അതൊരു അദൃശ്യശക്തിയോ..?" ഡ്രൈവറില്ലാതെ കാര് നടുറോഡിലൂടെ, അമ്പരന്ന് ജനം!
വിനോദയാത്രയ്ക്ക് മുമ്പ് ബസിന് മുകളിൽ രണ്ട് പൂത്തിരി കത്തുന്നതിന്റെ ദൃശ്യങ്ങൾ കാണാം. പിന്നാലെ അതിവേഗം തീ പടരുകയാണ്. ജീവനക്കാരൻ പെട്ടെന്ന് ഇടപ്പെട്ട തീയണയ്ക്കുന്നും ദൃശ്യങ്ങളില് ഉണ്ട്. പലപ്പോഴും കോളേജ് ടൂറിന്റെയും മറ്റ് ആഘോഷങ്ങളുടെയും ഭാഗമായി അഭ്യാസ പ്രകടനങ്ങൾ നടത്തുന്ന ബസുകൾക്കെതിരെ മോട്ടോർ വാഹന വകുപ്പ് നടപടി എടുത്തിരുന്നു.
MVD : നമ്പര്പ്ലേറ്റില്ലാത്ത ബൈക്കില് കുട്ടിറൈഡറും ഗേള് ഫ്രണ്ടും; ഉടമയെ തപ്പിയ എംവിഡി ഞെട്ടി!
അടുത്തിടെ തിരുവനന്തപുരത്ത് ശബരിമലയാത്രക്കെത്തിയപ്പോൾ കൊമ്പൻ എന്ന ടൂറിസ്റ്റ് ബസിനെതിരെ നടപടി സ്വീകിരിച്ചിരുന്നു. അമിത വേഗവും അപകടരമായ അഭ്യാസ പ്രകടനങ്ങളും സോഷ്യൽ മീഡയയിൽ പങ്കുവച്ച സംഭവങ്ങളിലും വകുപ്പ് നടപടി സ്വീകിരിച്ചിരുന്നു. ഇതിനിടെയാണ് പുതിയ അഭ്യാസങ്ങളുടെ ദൃശ്യങ്ങൾ പുറത്തുവരുന്നത്.
"ബോള്ട്ട് ചതിച്ചാശാനേ.." വ്യാജ നമ്പര്പ്ലേറ്റ് പരാതിയില് പൊലീസ് പറയുന്നത് ഇങ്ങനെ!