Audi Q3 : പുതിയ ഔഡി Q3 ബുക്കിംഗ് ആരംഭിച്ചു

ആദ്യത്തെ 500 ഉപഭോക്താക്കൾക്ക് വിപുലീകൃത വാറന്റിയും സമഗ്ര സേവന പാക്കേജും ഉൾപ്പെടെയുള്ള ഉടമസ്ഥാവകാശ ആനുകൂല്യങ്ങൾ ലഭിക്കും.

ജർമ്മൻ കാർ നിർമ്മാതാക്കളായ ഓഡി ഇന്ത്യയിൽ പുതിയ ഔഡി ക്യൂ 3 യുടെ ബുക്കിംഗ് ആരംഭിച്ചു. 2022 ഔഡി ക്യു3 ബുക്കിംഗ് തുക 2,00,000 രൂപയ്ക്ക് ഓൺലൈനായോ ഡീലർഷിപ്പിലോ ബുക്ക് ചെയ്യാം. ആദ്യത്തെ 500 ഉപഭോക്താക്കൾക്ക് വിപുലീകൃത വാറന്റിയും സമഗ്ര സേവന പാക്കേജും ഉൾപ്പെടെയുള്ള ഉടമസ്ഥാവകാശ ആനുകൂല്യങ്ങൾ ലഭിക്കും.

പുതിയ ഔഡി Q3-ന്റെ ഡെലിവറി 2022 അവസാനത്തോടെ ആരംഭിക്കും. കാർ നിർമ്മാതാവ് Q3-ന്റെ പ്രീമിയം പ്ലസ്, ടെക്നോളജി എന്നിങ്ങനെ രണ്ട് വകഭേദങ്ങൾ വാഗ്ദാനം ചെയ്യും . ഔഡിയുടെ ക്വാട്രോ ടെക്‌നോളജിയിലൂടെ നാല് ചക്രങ്ങളെയും ഓടിക്കുന്ന ഓട്ടോമാറ്റിക് ഗിയർബോക്‌സുമായി ജോടിയാക്കിയ 187 ബിഎച്ച്‌പിയും 320 എൻഎം ടോർക്കും നൽകുന്ന അതേ 2.0 ലിറ്റർ ടിഎഫ്‌എസ്‌ഐ പെട്രോൾ എഞ്ചിനാണ് Q3-യുടെ രണ്ട് വേരിയന്റുകളിലും കരുത്ത് പകരുന്നത്.

ക്വാട്രോ ഓൾ-വീൽ-ഡ്രൈവ് സിസ്റ്റം രണ്ട് വേരിയന്റുകളിലും സ്റ്റാൻഡേർഡ് ആണ്, പുതിയ ഔഡി Q3-ന് 222 കിലോമീറ്റർ വേഗതയും 7.3 സെക്കൻഡിനുള്ളിൽ 0 മുതൽ 100 ​​kmph ആക്സിലറേഷനും ഉണ്ടെന്ന് കാർ നിർമ്മാതാവ് അവകാശപ്പെടുന്നു.

വാഹനത്തിന്‍റെ ഫീച്ചറുകളെക്കുറിച്ച് പറയുമ്പോൾ, 18 ഇഞ്ച് അലോയ് വീലുകൾ, ചുറ്റും എൽഇഡി ലൈറ്റിംഗ്, സൺറൂഫ്, ലെതറിൽ ഫിനിഷ് ചെയ്‍ത പവേഡ് ഫ്രണ്ട് സീറ്റുകൾ, ഹിൽ സ്റ്റാർട്ട് അസിസ്റ്റ്, ഡ്യുവൽ സോൺ ക്ലൈമറ്റ് കൺട്രോൾ, ക്രൂയിസ് കൺട്രോൾ തുടങ്ങി നിരവധി ഫീച്ചറുകളാണ് പുതിയ ഔഡി Q3 പ്രീമിയം പ്ലസിന് ലഭിക്കുന്നത്. ആറ് സ്പീക്കർ മ്യൂസിക് സിസ്റ്റം, ആറ് എയർബാഗുകൾ, ടയർ പ്രഷർ മോണിറ്ററിംഗ് സിസ്റ്റം, ഐസോഫിക്സ് ചൈൽഡ് സീറ്റ് ആങ്കറുകൾ എന്നിവയും ഉൾപ്പെടുന്നു.

ഉയർന്ന സ്‌പെക്ക് ടെക്‌നോളജി ട്രിം മുകളിൽ പറഞ്ഞിരിക്കുന്നതും ഒരു എംഎംഐ നാവിഗേഷൻ സിസ്റ്റം, ഔഡി ഡ്രൈവ് സെലക്ട്, വെർച്വൽ കോക്ക്പിറ്റ് പ്ലസ്, 30 നിറങ്ങളുള്ള ആംബിയന്റ് ലൈറ്റിംഗ്, ജെസ്റ്റർ നിയന്ത്രിത ടെയിൽഗേറ്റ്, വയർലെസ് ചാർജിംഗ്, 10 സ്‍പീക്കർ സിസ്റ്റം എന്നിവയും വാഗ്ദാനം ചെയ്യുന്നു.

ഔഡി Q3 ഇന്ത്യൻ വിപണിയിൽ മെഴ്‍സിഡസ് ബെന്‍സ് ജിഎല്‍എ, ബിഎംഡബ്ല്യു X1, വോള്‍വോ XC40 എന്നിവയുമായി മത്സരിക്കും. അതേസമയം വോൾവോ XC40 റീചാർജ് എന്ന് വിളിക്കുന്ന എസ്‌യുവിയുടെ ഓൾ-ഇലക്‌ട്രിക് പതിപ്പും വാഗ്ദാനം ചെയ്യുന്നു. ഈ മോഡല്‍  മുഴുവൻ ഇന്ത്യയില്‍ വിറ്റുതീർന്നു.