വരുന്നൂ G80 സെഡാൻ

ഹ്യുണ്ടായിയുടെ ഉടമസ്ഥതയിലുള്ള ജെനസിസ് ബ്രാൻഡ് പുതിയ G80 സെഡാൻ രാജ്യാന്തര വിപണിയിൽ അവതരിപ്പിക്കും. GV80 എസ്‌യുവിയിൽ നിന്നും കടമെടുത്ത സ്റ്റൈലിംഗ് ഘടകങ്ങൾ പുതിയ ജെനസിസ് G80 ആഢംബരവും കരുത്തും ആകര്‍ഷണീയതയും ഒത്തിണങ്ങിയ വാഹനമാക്കുന്നു.

ഏറ്റവും പുതിയ GV80 എസ്‌യുവിയെ ഈ വർഷം ആദ്യമാണ് ജെനസിസ് അവതരിപ്പിക്കുന്നത്. GV80 എസ്‌യുവിക്ക് സമാനമാണ് G80-യുടെ ക്യാബിൻ. പുതിയ ഡ്യുവൽ-സ്‌പോക്ക് സ്റ്റിയറിംഗിന് പിന്നിൽ സ്ഥാപിച്ചിരിക്കുന്ന 12.3 ഇഞ്ച് ഡിജിറ്റൽ ഇൻസ്ട്രുമെന്റ് ക്ലസ്റ്ററും ഡാഷ്‌ബോർഡിന് മുകളിൽ ഇരിക്കുന്ന 14.5 ഇഞ്ച് വലിയ ഇൻഫോടെയിൻമെന്റ് ഡിസ്‌പ്ലേയും അകത്തളത്തെ പ്രീമിയം വിളിച്ചോതുന്നു.

സെന്റർ കൺസോളിലെ റോട്ടറി സെലക്ടർ വഴിയാണ് ഗിയർ ഷിഫ്റ്റിംഗ്. കൂടാതെ ക്യാബിൻ മുഴുവൻ ലെതർ, വുഡ് ബ്രൈറ്റ് വർക്ക് എന്നിവയുടെ മിശ്രിതത്തിൽ ഫിനിഷ് ആക്കിയിട്ടുണ്ട്. ഡ്രൈവറുടെ ഡ്രൈവിംഗ് ശൈലി, ആക്റ്റീവ് ബ്ലൈൻഡ്-സ്പോട്ട് മോണിറ്ററിംഗ്, ഓട്ടോണമസ് ബ്രേക്കിംഗ്, റിമോട്ട് പാർക്കിംഗ് എന്നിവ പൊരുത്തപ്പെടാൻ കഴിയുന്ന സജീവ ക്രൂയിസ് നിയന്ത്രണം ഉൾപ്പെടെ ധാരാളം സാങ്കേതികതകളോടെയാണ് ജെനസിസ് പുതിയ G80 സെഡാൻ കമ്പനി ഇറക്കുന്നത്.

രണ്ട് പെട്രോൾ എഞ്ചിനുകളും ഒരൊറ്റ ഡീസൽ യൂണിറ്റുമാണ് പുതിയ G80-യിൽ കരുത്ത് പകരുന്നത്. പെട്രോൾ ശ്രേണിയിൽ 2.5 ലിറ്റർ നാല് സിലിണ്ടർ ടർബോ-പെട്രോൾ യൂണിറ്റ്, 3.5 ലിറ്റർ ടർബോചാർജ്‌ഡ് V6 യൂണിറ്റും ഉൾപ്പെടുന്നു. പിൻവീൽ ഡ്രൈവോ ഫോർ വീൽ ഡ്രൈവോ ആയിരിക്കും വാഹനത്തിൽ ഉൾപ്പെടുക.

ജെനസിസ് ആഢംബര ബ്രാൻഡിനെ ഉടൻ ഇന്ത്യയിലേക്ക് കൊണ്ടുവരാൻ ഹ്യുണ്ടായി തീരുമാനിച്ചിട്ടുണ്ട്. ഇന്ത്യൻ വിപണിയിൽ ഈ ബോഡി ശൈലി എത്രത്തോളം ജനപ്രിയമാകുമെന്ന് കണക്കിലെടുത്ത് എസ്‌യുവിയും അവതരിപ്പിക്കുന്നതിനെ കുറിച്ച് കമ്പനി ആലോചിക്കും.