ഇവൻ വേറെ ലെവലാ, 'ശരിക്കും ജീപ്പ് മുതലാളി'യുടെ അടുത്ത മോഡല് ഉടനെത്തും!
Synopsis
പൂനെക്കടുത്തുള്ള കമ്പനിയുടെ രഞ്ജൻഗാവ് പ്ലാന്റിൽ പ്രാദേശികമായി നിർമ്മിക്കുന്ന നാലാമത്തെ ജീപ്പ് മോഡലാണിത്.
ഐക്കണിക്ക് അമേരിക്കൻ വാഹന നിര്മ്മാതാക്കളായ ജീപ്പ് ഇന്ത്യ 2022 നവംബറിൽ അഞ്ചാം തലമുറ ഗ്രാൻഡ് ചെറോക്കി എസ്യുവി ഇന്ത്യൻ വിപണിയിൽ അവതരിപ്പിക്കുമെന്ന് ഔദ്യോഗികമായി പ്രഖ്യാപിച്ചു. വാഹനത്തിന്റെ ഡിസൈൻ വിശദാംശങ്ങളും പ്രീമിയം ഇന്റീരിയറും വെളിപ്പെടുത്തുന്ന ഒരു ടീസർ വീഡിയോയും കമ്പനി പുറത്തിറക്കി. പൂനെക്കടുത്തുള്ള കമ്പനിയുടെ രഞ്ജൻഗാവ് പ്ലാന്റിൽ പ്രാദേശികമായി നിർമ്മിക്കുന്ന നാലാമത്തെ ജീപ്പ് മോഡലാണിത്.
ഇന്ത്യൻ നിരത്തുകളിൽ എസ്യുവി ഇതിനകം തന്നെ നിരവധി തവണ പരീക്ഷണം നടത്തിയതായി കണ്ടെത്തിയിട്ടുണ്ട്. ആഗോള വിപണികളിൽ ഇതിനകം വിൽപ്പനയ്ക്കെത്തിയ പുതിയ ജീപ്പ് ഗ്രാൻഡ് ചെറോക്കി രണ്ട് വലുപ്പങ്ങളിൽ ലഭ്യമാണ് . സാധാരണ അഞ്ച് സീറ്റർ, മൂന്ന് വരി ലോംഗ് വീൽബേസ് മോഡൽ എന്നിവ. എസ്യുവിയുടെ അഞ്ച് സീറ്റർ വേരിയന്റാണ് കമ്പനി ഇന്ത്യൻ വിപണിയിൽ അവതരിപ്പിക്കുന്നത്.
സെക്കന്ഡ് ഹാന്ഡ് ജീപ്പ് സ്വന്തമാക്കി ബിഗ് ബോസ് താരം
പൂർണ്ണമായ അഡ്വാൻസ്ഡ് ഡ്രൈവിംഗ് അസിസ്റ്റൻസ് സിസ്റ്റം (ADAS), 24×7 സമർപ്പിത സഹായത്തോടുകൂടിയ പൂർണ്ണ കണക്റ്റിവിറ്റി പാക്കേജ്, നിരവധി പ്രീമിയം ഫീച്ചറുകൾ എന്നിവയോടെയാണ് പുതിയ ഗ്രാൻഡ് ചെറോക്കി ഇന്ത്യയ്ക്കുള്ളതെന്നും ജീപ്പ് ഇന്ത്യ സ്ഥിരീകരിച്ചു. പുതിയ ജീപ്പ് ഗ്രാൻഡ് ചെറോക്കി അഞ്ച് -സീറ്റർ ഗ്രാൻഡ് ചെറോക്കി എൽ-നേക്കാൾ ഏകദേശം 294 എംഎം ചെറുതാണ്. സജീവമായ ഗ്രിൽ-ഷട്ടറുകൾ, എയർ കർട്ടനുകൾ, റീ-സ്റ്റൈൽ പിൻ പില്ലറുകൾ എന്നിവ ഇതിൽ ഉൾപ്പെടുന്നു. ഇത് എയറോഡൈനാമിക് കാര്യക്ഷമത മെച്ചപ്പെടുത്തും. എസ്യുവിയുടെ പിൻഭാഗത്തിന് കൂടുതൽ റാക്കിഷ് ഡിസൈനാണ് ഉള്ളത്. അതേസമയം ചെറോക്കി എൽ ഒരു ഫ്ലാറ്റിഷ് ഡിസൈനാണ്.
10.1 ഇഞ്ച് ടച്ച്സ്ക്രീൻ ഇൻഫോടെയ്ൻമെന്റ് സിസ്റ്റവും 10.1 ഇഞ്ച് ഡിജിറ്റൽ ഇൻസ്ട്രുമെന്റ് കൺസോളും ഉൾക്കൊള്ളുന്ന പുതിയ ഡാഷ്ബോർഡ് ലേഔട്ടിലാണ് ഇത് വരുന്നത്. മുൻവശത്തെ യാത്രക്കാർക്കായി ഡാഷ്ബോർഡിൽ 10.1 ഇഞ്ച് സ്ക്രീൻ ഉൾപ്പെടുത്തിയിട്ടുണ്ട്. 10 ഇഞ്ച് ഹെഡ്-അപ്പ് ഡിസ്പ്ലേ, വയർലെസ് സ്മാർട്ട്ഫോൺ ചാർജിംഗ് സിസ്റ്റം, പിൻ സീറ്റ് എന്റർടെയ്ൻമെന്റ് സ്ക്രീനുകൾ, സ്മാർട്ട്ഫോൺ കണക്റ്റിവിറ്റി എന്നിവയും ഇതിലുണ്ട്.
ഇന്ത്യയില് 130 ശതമാനം വളര്ച്ചയുമായി ജീപ്പ്, അമ്പരന്ന് വാഹനലോകം!
സ്റ്റാൻഡേർഡായി എട്ട് സ്പീഡ് ഓട്ടോമാറ്റിക് ഗിയർബോക്സുമായി ജോടിയാക്കിയ 2.0 ലിറ്റർ ടർബോചാർജ്ഡ് പെട്രോൾ എഞ്ചിനാണ് പുതിയ ജീപ്പ് ഗ്രാൻഡ് ചെറോക്കിക്ക് കരുത്തേകാൻ സാധ്യത. ഓട്ടോ, സ്പോർട്സ്, മഡ്/മണൽ, സ്നോ എന്നിങ്ങനെ തിരഞ്ഞെടുക്കാവുന്ന ടെറൈൻ മോഡുകളുള്ള ഫോർ വീൽ ഡ്രൈവ് സംവിധാനത്തോടെയാണ് ഇത് വരുന്നത്. പുതിയ എസ്യുവി മെഴ്സിഡസ് ജിഎൽഇ, ബിഎംഡബ്ല്യു എക്സ്5, ലാൻഡ് റോവർ ഡിസ്കവറി എന്നിവയെ നേരിടും.