Tata Starbus : നിരത്തില് എത്തിയത് ഒരുലക്ഷം ടാറ്റ സ്റ്റാര് ബസുകള്
Synopsis
സ്റ്റാര് ബസിന്റെ ഉപഭോക്താക്കളുടെ എണ്ണം ഒരുലക്ഷം കവിഞ്ഞെന്ന് ടാറ്റാ മോട്ടോഴ്സ്
ഒരു ലക്ഷം സ്റ്റാർബസ് (Star Bus) ഉപഭോക്താക്കളെ ലഭിച്ചെന്ന് വ്യക്തമാക്കി, ഇന്ത്യയിലെ ഏറ്റവും വലിയ വാണിജ്യ വാഹന നിർമ്മാതാക്കളായ ടാറ്റ മോട്ടോഴ്സ് (Tata Motors). ടാറ്റ സ്റ്റാർ ബസ് (Tata Star Bus), ഏറ്റവും അധികം വിറ്റഴിക്കപ്പെടുന്നതും, യാത്രക്കാരുടെ സൗകര്യം, വിശ്വാസ്യത, ഡ്രൈവിംഗ് എളുപ്പം എന്നിവയെ അടിസ്ഥാനമാക്കി രാജ്യത്ത് തന്നെ പൂർണമായി നിർമിച്ചിട്ടുള്ളതുമാണെന്ന് കമ്പനി വാര്ത്താക്കുറിപ്പില് അറിയിച്ചു.
രാജ്യത്തെ പൊതുഗതാഗത മേഖലയിലെ ഒരു നെടും തൂണായി നിലനിൽക്കുന്ന സ്റ്റാർബസ് സ്റ്റാഫ്, സ്കൂൾ ഗതാഗതം തുടങ്ങിയ നിരവധി നിരവധി ആവശ്യങ്ങൾക്ക് അനുയോജ്യമായ രീതിയിലാണ് രൂപകൽപ്പന ചെയ്തിരിക്കുന്നത്. ഇന്ത്യയിലെ പല നഗരങ്ങളിലും വിജയകരമായി ഓടുന്ന സ്റ്റാർബസ് ഒരു ഇലക്ട്രിക് ബസ് ആയും ലഭ്യമാണ്. ഉടമസ്ഥാവകാശം കുറഞ്ഞ ചിലവിൽ ലഭിക്കുന്നതിനാലും ഉയർന്ന ലാഭം ഉള്ളതിനാലും സ്റ്റാർബസ് നിരവധി ഫ്ലീറ്റ് ഓപ്പറേറ്റർമാരുടെ ഇഷ്ടപ്പെട്ട ബസാണെന്നും ടാറ്റ അവകാശപ്പെടുന്നു.
വണ്ടി വില കൂട്ടുമെന്ന് പ്രഖ്യാപിച്ചു, പിന്നാലെ ടാറ്റയുടെ ഓഹരിവിലയും കുതിച്ചു
സ്റ്റാഫ് ട്രാൻസ്പോർട്ടേഷനിൽ ആഡംബര യാത്രാ അനുഭവവും സ്കൂൾ ബസ് എന്ന നിലയിൽ സുരക്ഷിതവും വിശ്വസനീയവുമായ യാത്രയും വാഗ്ദാനം ചെയ്യുന്ന ഏറ്റവും വൈവിധ്യമാർന്ന ബസാണ് ടാറ്റ സ്റ്റാർബസ് എന്ന് ഇതിനോടകം തെളിയിച്ചു. ടാറ്റ സ്റ്റാർബസ് വാണിജ്യ വാഹന വ്യവസായത്തിലെ ഏറ്റവും ശക്തമായ ബ്രാൻഡുകളില് ഒന്നായി മാറിയിരിക്കുന്നു. കൂടാതെ ഇന്ത്യൻ ഗതാഗത മേഖലയുടെ അവിഭാജ്യ ഘടകവുമാണെന്നും ടാറ്റ പറയുന്നു. ടാറ്റ മോട്ടോഴ്സിൽ വിശ്വസിക്കുകയും ടാറ്റാ മോട്ടോഴ്സിൽ തന്നെ തുടരുകയും ചെയ്യുന്ന എല്ലാ ഉപഭോക്താക്കൾക്കും ഹൃദയംഗമമായ നന്ദി അറിയിക്കുന്നു എന്നും ടാറ്റ മോട്ടോഴ്സിന്റെ പ്രൊഡക്ട് ലൈൻ - ബസസ് വൈസ് പ്രസിഡന്റ് ശ്രീ രോഹിത് ശ്രീവാസ്തവ പറഞ്ഞു.
ടാറ്റ മോട്ടോഴ്സ്,സ്റ്റാർബസിനൊപ്പം ഒഇഎം ബസ് കൺസെപ്റ്റും ഇന്ത്യയിൽ അവതരിപ്പിച്ചു. ബോഡി ബിൽഡിംഗിൽ ടാറ്റ മാർക്കോപോളോയുടെ അറിവ് പ്രയോജനപ്പെടുതത്തിയിട്ടുണ്ട്. സ്റ്റാർബസിന്റെ സൗന്ദര്യാത്മകമായി രൂപകൽപ്പന ചെയ്ത ബോഡിയും മോഡുലാർ ആർക്കിടെക്ചറും മെച്ചപ്പെട്ട ഉപഭോക്തൃ അനുഭവം ഉറപ്പുനൽകുകയും ഫ്ലീറ്റ് ഉടമകൾക്ക് വരുമാന സാധ്യത വർദ്ധിപ്പിക്കുകയും ചെയ്യുന്നു. കർണാടകയിലെ ധാർവാഡിലുള്ള അത്യാധുനിക നിർമ്മാണ കേന്ദ്രത്തിൽ നിർമ്മിച്ച സ്റ്റാർബസ് ഉയർന്ന വിശ്വാസ്യതയും കുറ്റമറ്റ ബിൽഡ് ക്വാളിറ്റിയും വാഗ്ദാനം ചെയ്യുന്നു.
അഹമ്മദാബാദ് ജൻമാർഗ് ലിമിറ്റഡിന് 60 ബസുകൾ വിതരണം ചെയ്ത് ടാറ്റ
അതേസമയം ടാറ്റ മോട്ടോഴ്സിനെ സംബന്ധിച്ച മറ്റു വാര്ത്തകള് പരിശോധിക്കുക ആണെങ്കില് പുതു വര്ഷത്തില് ഒരു വില വര്ദ്ധനയ്ക്ക് ഒരുങ്ങുകയാണ് കമ്പനി. 2022 ജനുവരി മുതൽ വാണിജ്യ വാഹന ശ്രേണിയുടെ വില പരിഷ്കരണം പ്രഖ്യാപിച്ചിരിക്കുകയാണ്. വർദ്ധിച്ചുവരുന്ന ഇൻപുട്ട് ചെലവ് നികത്താനാണ് ടാറ്റ മോട്ടോഴ്സ് (Tata Motors) പാസഞ്ചർ കാറുകൾക്ക് 2022-ൽ വില കൂട്ടുന്നത് എന്നാണ് റിപ്പോര്ട്ടുകള്. ഈ വില വര്ദ്ധന പ്രഖ്യാപനം നിലവില് വന്നതോടെ ടാറ്റ മോട്ടോഴ്സിന്റെ ഓഹരികൾ തിങ്കളാഴ്ച തുടക്ക വ്യാപാരത്തിൽ രണ്ട് ശതമാനം വർദ്ധിച്ചതായി ഇക്കണോമിക്ക് ടൈംസ് ഓട്ടോ റിപ്പോര്ട്ട് ചെയ്യുന്നു. ദേശീയ സ്റ്റോക്ക് എക്സ്ചേഞ്ചിൽ 494.45 രൂപയിൽ നിന്ന് സ്ക്രിപ്റ്റ് 506.40 രൂപയിലേക്ക് ഉയർന്നു.
ചരക്കുകളുടെയും അസംസ്കൃത വസ്തുക്കളുടെയും മറ്റ് ഇൻപുട്ട് ചെലവുകളുടെയും വിലകൾ വർദ്ധിച്ചുകൊണ്ടിരിക്കുകയാണെന്നും വർധിച്ചുവരുന്ന ചെലവ് സമ്മർദങ്ങൾ നികത്താൻ 2022 ജനുവരി മുതൽ പാസഞ്ചർ വാഹനങ്ങളുടെ വില വർധിപ്പിക്കാൻ കമ്പനി നിർബന്ധിതരാകുന്നുവെന്നും ടാറ്റ മോട്ടോഴ്സിന്റെ പാസഞ്ചർ വെഹിക്കിൾസ് വിഭാഗം തലവന് കഴിഞ്ഞ ദിവസം വ്യക്തമാക്കിയിരുന്നു.
വാണിജ്യ വാഹന ബിസിനസിൽ വമ്പന് നിക്ഷേപവുമായി ടാറ്റ
ഇൻപുട്ട് ചെലവുകളുടെ കാഠിന്യത്തിൽ നിന്ന് മാർജിൻ സംരക്ഷിക്കുന്നതിനായി വാണിജ്യ വാഹന വിഭാഗത്തിൽ വില വർധിപ്പിക്കാനുള്ള കമ്പനിയുടെ സമീപകാല തീരുമാനത്തിന്റെ പശ്ചാത്തലത്തിലാണ് ഈ നീക്കം. വില വർദ്ധനയുടെ ഔദ്യോഗിക പ്രഖ്യാപനത്തിന് മുമ്പ്, ടാറ്റ മോട്ടോഴ്സ് അവരുടെ എസ്യുവി സഫാരിയുടെ ചില വകഭേദങ്ങളുടെ വിലകൾ ഇതിനകം തന്നെ ഉയർത്തിയിരുന്നു, ട്രിമ്മുകളിൽ ലഭ്യമായ ഓട്ടോമാറ്റിക് വേരിയന്റുകൾക്ക് കമ്പനി 7,000 രൂപ വരെ വില വർധിപ്പിച്ചതായി റിപ്പോർട്ടുകൾ പറയുന്നു. XMA, XTA+, XZA, XZA+ 6-സീറ്റർ, XZA+, XZA+ 6-സീറ്റർ അഡ്വഞ്ചർ എഡിഷൻ, XZA+ അഡ്വഞ്ചർ എഡിഷൻ, XZA+ ഗോൾഡ് 6-സീറ്റർ, XZA+ ഗോൾഡ് എന്നിങ്ങനെയാണ് സഫാരി വേരിയന്റുകള്.
തൊട്ടതെല്ലാം പൊന്ന്, ആ ആത്മവിശ്വാസത്തില് പുതിയൊരു സഫാരിയുമായി ടാറ്റ