"ജർമ്മനാ അല്ല്യോടാ?" ഒറ്റചാർജ്ജിൽ കേരളം ചുറ്റാം ഈ മെയിഡ് ഇൻ ഇന്ത്യ കാറിൽ; ബിഎംഡബ്ല്യ iX1 സവിശേഷതകൾ അറിയാം

BMW iX1 LWB ഇന്ത്യയിൽ പുറത്തിറങ്ങി. 49 ലക്ഷം രൂപ എക്സ്ഷോറൂം വിലയുള്ള ഈ ഇലക്ട്രിക് കാർ ഇന്ത്യയിൽ തന്നെ അസംബിൾ ചെയ്തിരിക്കുന്നു. ഒറ്റ ചാർജിൽ 531 കിലോമീറ്റർ റേഞ്ച് നൽകുമെന്ന് കമ്പനി അവകാശപ്പെടുന്നു.

ജർമ്മൻ വാഹന ബ്രാൻഡായ ബിഎംഡബ്ല്യു ഇന്ത്യ ഭാരത് മൊബിലിറ്റി ഗ്ലോബൽ എക്‌സ്‌പോ 2025-ൽ ബിഎംഡബ്ല്യു  iX1 LWB നെ പുറത്തിറക്കി. 49 ലക്ഷം രൂപ എക്‌സ്‌ഷോറൂം വില ഉള്ള  ഈ ബിഎംഡബ്ല്യു കാർ ഇന്ത്യയിൽ തന്നെ അസംബിൾ ചെയ്തിരിക്കുന്നു എന്നതാണ് ഏറ്റവും വലിയ പ്രത്യേകത. ചെന്നൈയിലെ പ്ലാൻ്റിൽ തദ്ദേശീയമായി നിർമ്മിച്ച ഇലക്ട്രിക് കാറാണിത്.

ഒറ്റ ചാർജിൽ 531 കിലോമീറ്റർ റേഞ്ച് നൽകുമെന്ന് അവകാശപ്പെടുന്ന ബിഎംഡബ്ല്യുവിൻ്റെ ഈ ഇലക്ട്രിക് കാർ അതിൻ്റെ സെഗ്‌മെൻ്റിലെ ഏറ്റവും ദൈർഘ്യമേറിയ കാറായി കണക്കാക്കപ്പെടുന്നു. മിനറൽ വൈറ്റ്, സ്കൈസ്‌ക്രാപ്പർ ഗ്രേ, എം കാർബൺ ബ്ലാക്ക്, എം പോർട്ടിമാവോ ബ്ലൂ, സ്പാർക്ലിംഗ് കോപ്പർ ഗ്രേ എന്നിവ ഉൾപ്പെടുന്ന അഞ്ച് കളർ ഓപ്‌ഷനുകളാണ് ഈ കാറിൽ നൽകിയിരിക്കുന്നത്. സ്റ്റാൻഡേർഡ് മോഡലിൻ്റെ 2692 മില്ലീമീറ്ററിനെ അപേക്ഷിച്ച് കാറിൻ്റെ വീൽബേസ് 112 എംഎം വർധിപ്പിച്ച് 2800 എംഎം ആയി.

കാറിൻ്റെ രൂപകൽപ്പനയെക്കുറിച്ച് പറയുകയാണെങ്കിൽ, സിൽവർ ഇൻസെർട്ടുകളുള്ള ഫ്ലഷ് ഡോർ ഹാൻഡിലുകളും ബ്ലാക്ക്-ഔട്ട് റൂഫുള്ള ബ്ലാങ്ക്ഡ്-ഓഫ് ഗ്രില്ലുമുണ്ട്. എം സ്‌പോർട്ട് രൂപത്തിലാണ് ഇലക്‌ട്രിക് കാർ വിപണിയിലെത്തുന്നത്. ഇതിൽ നേർത്ത അഡാപ്റ്റീവ് എൽഇഡി ഹൈലൈറ്റുകൾ, കിഡ്‍നി ഗ്രില്ലിനുള്ള മെഷ് പാറ്റേൺ, 3D എൽഇഡി ടെയിൽലൈറ്റുകൾ എന്നിവ ഉൾപ്പെടുന്നു.

ഈ ആഡംബര ഇലക്ട്രിക് കാറിന് 10.25 ഇഞ്ച് ഡിജിറ്റൽ ഇൻസ്ട്രുമെൻ്റ് ഡിസ്‌പ്ലേയും 10.7 ഇഞ്ച് ഇൻഫോടെയ്ൻമെൻ്റ് ടച്ച്‌സ്‌ക്രീനും വൈഡ് സ്‌ക്രീൻ വളഞ്ഞ ഡിസ്‌പ്ലേയുമുണ്ട്. പനോരമിക് സൺറൂഫ്, സ്പ്ലിറ്റ് ഫോൾഡിംഗ് ഫംഗ്‌ഷൻ, ഡ്യുവൽ സോൺ ക്ലൈമറ്റ് കൺട്രോൾ, 12 സ്പീക്കർ ഹർമൻ കാർഡൺ സിസ്റ്റം, വാൻഗൻസ ലെതറെറ്റ് അപ്‌ഹോൾസ്റ്ററി എന്നിവ ഈ കാറിനുണ്ട്. ഫ്രണ്ട് ആക്സിൽ ഘടിപ്പിച്ച മോട്ടോർ 204 എച്ച്പി കരുത്തും 250 എൻഎം ടോർക്കും സൃഷ്ടിക്കുന്നു. കാറിൻ്റെ മോട്ടോറിന് 8.6 സെക്കൻഡിനുള്ളിൽ 0-100 കിലോമീറ്റർ വേഗത കൈവരിക്കാൻ കഴിയും. ഫാസ്റ്റ് ചാർജർ ഉപയോഗിച്ച് 30 മിനിറ്റിനുള്ളിൽ ബാറ്ററി പാക്ക് 80 ശതമാനം വരെ ചാർജ് ചെയ്യാം. 

സുരക്ഷയ്ക്കായി, ലെവൽ-2 എഡിഎഎസ് സാങ്കേതികവിദ്യ, എട്ട് എയർബാഗുകൾ, ഇലക്ട്രോണിക് പാർക്കിംഗ് ബ്രേക്ക് തുടങ്ങിയ സവിശേഷതകൾ കാറിൽ നൽകിയിരിക്കുന്നു. 49 ലക്ഷം രൂപ എക്‌സ്‌ഷോറൂം വിലയിൽ അവതരിപ്പിച്ച ഈ കാർ വോൾവോ XC40 റീചാർജ്, മെഴ്‌സിഡസ് ബെൻസ് EQA എന്നിവയുമായാണ് ബിഎംഡബ്ല്യു iX1 മത്സരിക്കാൻ പോകുന്നത്. ഈ ബിഎംഡബ്ല്യു കാറിൻ്റെ റേഞ്ചിനെക്കുറിച്ച് പറയുകയാണെങ്കിൽ, പൂർണ്ണമായി ചാർജ് ചെയ്തതിന് ശേഷം 531 കിലോമീറ്റർ റേഞ്ച് MICD സാക്ഷ്യപ്പെടുത്തിയതാണ്. റിയൽ വേൾഡ് റേഞ്ചിനെക്കുറിച്ച് പറയുമ്പോൾ,  350 മുതൽ 400 കിലോമീറ്റർവരെ  പ്രതീക്ഷിക്കാം. ഇത് നിങ്ങളുടെ ഡ്രൈവിംഗിനെ ആശ്രയിച്ചിരിക്കുന്നു.