അടുത്ത കലണ്ടർ വർഷത്തിൽ മാരുതി സുസുക്കി ഇന്ത്യ ലിമിറ്റഡ് തങ്ങളുടെ നിരവധി വാഹനങ്ങൾ പുറത്തിറക്കാൻ പദ്ധതിയിടുന്നുണ്ടെങ്കിലും, ഇവിടെ പറയാൻ പോകുന്നത് വ്യത്യസ്‍ത സെഗ്‌മെന്‍റുകളിലുള്ള മൂന്ന് കാറുകളുടെ വിശദാംശങ്ങൾ ചോർന്നതിനെക്കുറിച്ചാണ്
2023ൽ മൂന്ന് പുതിയ കാറുകൾ പുറത്തിറക്കാൻ ഒരുങ്ങുകയാണ് മാരുതി സുസുക്കി. 2023 ദില്ലി ഓട്ടോ എക്‌സ്‌പോയിൽ മാരുതി സുസുക്കി തങ്ങളുടെ വരാനിരിക്കുന്ന രണ്ട് പുതിയ മോഡലുകൾ പ്രദർശിപ്പിക്കുമെന്ന് പ്രതീക്ഷിക്കുന്നു. അടുത്ത കലണ്ടർ വർഷത്തിൽ മാരുതി സുസുക്കി ഇന്ത്യ ലിമിറ്റഡ് തങ്ങളുടെ നിരവധി വാഹനങ്ങൾ പുറത്തിറക്കാൻ പദ്ധതിയിടുന്നുണ്ടെങ്കിലും, ഇവിടെ പറയാൻ പോകുന്നത് വ്യത്യസ്‍ത സെഗ്‌മെന്‍റുകളിലുള്ള മൂന്ന് കാറുകളുടെ വിശദാംശങ്ങൾ ചോർന്നതിനെക്കുറിച്ചാണ്. ആ കാറുകളുടെ വിശദാംശങ്ങളെക്കുറിച്ച്.
1. അഞ്ച് ഡോർ മാരുതി സുസുക്കി ജിംനി
അഞ്ച് വാതിലുകളുള്ള മാരുതി സുസുക്കി ജിംനിയാണ് ഈ പട്ടികയിലെ ആദ്യ പേര്. അഞ്ച് വാതിലുകളുള്ള ഇന്ത്യ-സ്പെക്ക് ജിംനി ജനുവരിയിൽ 2023 ഓട്ടോ എക്‌സ്‌പോയിൽ അരങ്ങേറും, ആഗോള-സ്പെക്ക് ജിംനി സിയറ ത്രീ-ഡോറിനേക്കാൾ നീളമുള്ള വീൽബേസ് ഉണ്ടായിരിക്കും. ഇത് ഒരു വലിയ വാഹനമായിരിക്കും കൂടാതെ അതിനുള്ളിൽ കൂടുതൽ യാത്രക്കാർക്ക് ഇരിക്കാനുള്ള ഇടവും ഉണ്ടായിരിക്കും. ഓഫ് റോഡിംഗ് ഫീച്ചറുകളുമായാണ് ഈ വാഹനം എത്തുന്നത്. മഹീന്ദ്ര ഥാർ വാങ്ങുന്ന ഉപഭോക്താക്കൾക്ക് ഈ വാഹനം വളരെയധികം ഇഷ്ടപ്പെടും.
ഈ മാരുതി കാര്‍ കിട്ടണമെങ്കില്‍ ഒമ്പത് മാസം കാത്തിരിക്കണം, കാരണം ഇതാണ്!
വരാനിരിക്കുന്ന അഞ്ച് വാതിലുകളുള്ള മഹീന്ദ്ര ഥാറിനും ഫോഴ്‌സ് ഗൂർഖയ്ക്കും എതിരായി 4WD സംവിധാനമുള്ള 1.5 ലിറ്റർ ഫോർ സിലിണ്ടര്‍ പെട്രോൾ എഞ്ചിനാണ് ഇതിന് കരുത്തേകുന്നത്. അഞ്ച് വാതിലുകളുള്ള ജിംനി ക്യാബിനിനകത്തും ഫീച്ചറുകൾ പായ്ക്ക് ചെയ്യും, കണക്റ്റഡ് കാർ ടെക്നോളജിയും മറ്റ് പ്രീമിയം സാങ്കേതികവിദ്യകളുമുള്ള ഒമ്പത് ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റവും ഇതിന് ലഭിക്കും.
2. മാരുതി സുസുക്കി YTB
മാരുതി സുസുക്കി YTB അല്ലെങ്കിൽ ബലേനോ ക്രോസ് 2023 ഓട്ടോ എക്‌സ്‌പോയിൽ അഞ്ച് വാതിലുകളുള്ള ജിംനിയുമായി അരങ്ങേറ്റം കുറിച്ചേക്കാം. ഈ കാറിന്റെ പരീക്ഷണവും പുരോഗമിക്കുകയാണ്. YTB ബലേനോയെ അടിസ്ഥാനമാക്കിയുള്ളതാണ്. ഇത് ഒരേ പ്ലാറ്റ്‌ഫോമും എല്ലാ സവിശേഷതകളും പങ്കിടും. അതേസമയം ഗ്രാൻഡ് വിറ്റാരയ്ക്ക് സമാനമായ ഡിസൈനും ഉണ്ടായിരിക്കും. കൂപ്പെ പോലെയുള്ള മേൽക്കൂരയും ഇതിനുണ്ടാകും.
1.0 ലിറ്റർ ത്രീ സിലിണ്ടർ ടർബോചാർജിഡ് പെട്രോൾ എഞ്ചിനിലാണ് ഇത് വരുന്നത്. അത് ഏകദേശം 100ps പവറും 150Nm ടോർക്കും സൃഷ്‍ടിക്കും. ഈ കാർ 1.2 ലിറ്റർ പെട്രോളിൽ വരുമോ അതോ 1.5 ലിറ്റർ പെട്രോളിൽ വരുമോ എന്ന് ഇതുവരെ അറിവായിട്ടില്ല. 9 ഇഞ്ച് ടച്ച്‌സ്‌ക്രീൻ, ഹെഡ്‌സ്-അപ്പ് ഡിസ്‌പ്ലേ, 360-ഡിഗ്രി ക്യാമറ സിസ്റ്റം, ഓട്ടോമാറ്റിക് വെതർ കൺട്രോൾ തുടങ്ങി നിരവധി മികച്ച ഫീച്ചറുകൾ ഇതിന് ലഭിക്കും.
3. മാരുതി സുസുക്കി സി-എംപിവി
ടൊയോട്ട ഇന്നോവ ഹൈക്രോസ് അടുത്ത മാസം ഇന്തോനേഷ്യയിൽ അവതരിപ്പിക്കും. 2023 ന്റെ തുടക്കത്തിൽ ഇത് ഇന്ത്യയിൽ ലോഞ്ച് ചെയ്യാൻ സാധ്യതയുണ്ട്. ടൊയോട്ട ഇത് മാരുതി സുസുക്കിക്ക് വിതരണം ചെയ്യുന്നതിനാൽ ഇത് ആദ്യത്തെ ക്രോസ്-ബാഡ്‍ജ് ചെയ്‍ത ടൊയോട്ട മോഡലായി മാറും. ഇതിന്റെ പുറം രൂപകല്പനയിൽ മാറ്റം വരുത്താവുന്നതാണ്. ഇത് ഒരു ശക്തമായ ഹൈബ്രിഡ് പവർട്രെയിൻ കാർ ആകാനും സാധ്യതയുണ്ട്.
ഓട്ടോമാറ്റിക് ഗിയർബോക്‌സ് ലഭിക്കുന്ന ആദ്യ സിഎൻജി എസ്‌യുവിയാകാൻ മാരുതി ബ്രെസ