Volkswagen Amarok : വരുന്നൂ ഫോക്‌സ്‌വാഗൺ അമറോക്ക് ഇവി

2025-ഓടെ വാഹനം ലോഞ്ച് ചെയ്യപ്പെടുമെന്ന് സൂചനയുണ്ട് എന്നും ബ്രാൻഡ് അതിന്റെ ഹൈബ്രിഡ് പതിപ്പിന് പകരം ഒരു ഇവി നിർമ്മിക്കുന്നതിൽ ശ്രദ്ധ കേന്ദ്രീകരിക്കുന്നു എന്നും ഓട്ടോ കാര്‍ ഇന്ത്യ റിപ്പോര്‍ട്ട് ചെയ്യുന്നു. 

ജര്‍മ്മന്‍ (German) വാഹന നിര്‍മ്മാതാക്കളായ ഫോക്‌സ്‌വാഗൺ അതിന്റെ രണ്ടാം തലമുറ അമറോക്ക് പിക്ക്-അപ്പ് ട്രക്കിന്റെ പുതിയ ഇലക്ട്രിക് പതിപ്പിന്‍റെ പ്രവര്‍ത്തനം ആരംഭിച്ചതായി റിപ്പോര്‍ട്ട്. 2025-ഓടെ വാഹനം ലോഞ്ച് ചെയ്യപ്പെടുമെന്ന് സൂചനയുണ്ട് എന്നും ബ്രാൻഡ് അതിന്റെ ഹൈബ്രിഡ് പതിപ്പിന് പകരം ഒരു ഇവി നിർമ്മിക്കുന്നതിൽ ശ്രദ്ധ കേന്ദ്രീകരിക്കുന്നു എന്നും ഓട്ടോ കാര്‍ ഇന്ത്യ റിപ്പോര്‍ട്ട് ചെയ്യുന്നു. 

ഫോക്സ്‍വാഗൺ അമറോക്ക്: പ്ലാറ്റ്ഫോം വിശദാംശങ്ങൾ
ഫോർഡുമായുള്ള ഗ്ലോബൽ പങ്കാളിത്തത്തിലൂടെ ഫോക്‌സ്‌വാഗൺ അമറോക്കിന്റെ ഇലക്ട്രിക് പതിപ്പ് സൃഷ്‍ടിക്കുന്നതിനുള്ള പ്രവർത്തനങ്ങൾ ആരംഭിച്ചു. നേരത്തെ റിപ്പോർട്ട് ചെയ്‍തതുപോലെ , ഫോക്സ്‍വാഗണില്‍ നിന്നുള്ള പിക്ക്-അപ്പ് ട്രക്ക് ഒരു ഇലക്ട്രിക് പതിപ്പ് ലഭിക്കാൻ സജ്ജീകരിച്ചിരിക്കുന്ന നാലാം - തലമുറ ഫോർഡ് റേഞ്ചറിന്റെ അതേ ബോഡി-ഓൺ-ഫ്രെയിം ചേസിസ് ഉപയോഗിക്കുന്നത് തുടരും . എന്നിരുന്നാലും, റേഞ്ചറിൽ നിന്ന് വ്യത്യസ്‍തമായി പുതിയ ഇലക്ട്രിക് അമറോക്കിന് പെട്രോൾ-ഹൈബ്രിഡ് പവർട്രെയിൻ ലഭിക്കില്ലെന്ന് ഔദ്യോഗിക വൃത്തങ്ങൾ സൂചിപ്പിക്കുന്നു.

ഇലക്ട്രിക് ശ്രേണി വിപുലീകരിക്കുന്നതിൽ ശ്രദ്ധ കേന്ദ്രീകരിക്കാനുള്ള ശ്രമത്തിലാണ് ജർമ്മൻ ബ്രാൻഡ് ഈ തീരുമാനം എടുത്തിരിക്കുന്നത്. അമറോക്കിന് ഫോർഡ് വികസിപ്പിച്ച ഷാസിക്ക് ഇലക്ട്രിക് ഡ്രൈവ്ട്രെയിനും ബാറ്ററി പാക്കും സ്വീകരിക്കാൻ കഴിയുമെന്ന് ഫോക്‌സ്‌വാഗൺ പറയുന്നു. ഇവി പിക്ക്-അപ്പ് ട്രക്കിന്റെ ഔദ്യോഗിക പ്രൊഡക്ഷൻ ടൈംലൈൻ സ്ഥിരീകരിച്ചിട്ടില്ല, എന്നിരുന്നാലും പുതിയ ഫോക്‌സ്‌വാഗൺ ഐഡി ബസിനൊപ്പം ജർമ്മനിയിലെ ഹാനോവറിലെ നിർമ്മാണ ആസ്ഥാനത്ത് ഇത് നിർമ്മിക്കപ്പെടാൻ സാധ്യതയുണ്ട്.

ഫോക്‌സ്‌വാഗണ്‍ ഇന്ത്യയ്ക്കായുള്ള പദ്ധതികൾ
ഇന്ത്യ 2.0 പദ്ധതിയുടെ ഭാഗമായി, ജർമ്മൻ വാഹന നിർമ്മാതാവ് നിലവിലെ ടൈഗൺ എസ്‌യുവിയ്‌ക്കൊപ്പം പുതിയ വിർച്ചസ് പ്രീമിയം മിഡ്‌സൈസ് സെഡാൻ പുറത്തിറക്കാൻ ഒരുങ്ങുകയാണ് . ടി -റോക്ക് വിറ്റുതീർന്നതോടെ , ഫോക്സ്‍വാഗൺ നിലവിൽ ടിഗ്വാൻ ഇന്ത്യയിൽ വാഗ്ദാനം ചെയ്യുന്നു. ഐഡി.4 വിപണിയിലെ ആദ്യ ഇവിയായി അവതരിപ്പിക്കുന്നതിനെക്കുറിച്ചും വാഹന നിർമ്മാതാവ് വിലയിരുത്തുന്നു.

ഫോക്‌സ്‌വാഗൺ വിർടസ് ജൂണ്‍ 9ന് ഇന്ത്യയിൽ എത്തും

വാഹന ലോകം ഏറെ പ്രതീക്ഷയോടെ കാത്തിരിക്കുന്ന പുതിയ ഫോക്‌സ്‌വാഗൺ വിര്‍ടസ് (Volkswagen Virtus) മിഡ്-സൈസ് സെഡാൻ ഒടുവിൽ 2022 ജൂൺ 9-ന് ഇന്ത്യൻ വിപണിയിൽ വിൽപ്പനയ്‌ക്കെത്തും. മഹാരാഷ്ട്രയിലെ (Maharashtra) ഔറംഗബാദിലുള്ള (Aurangabad) നിർമ്മാണ കേന്ദ്രത്തിൽ പുതിയ മോഡലിന്റെ നിർമ്മാണം ആരംഭിച്ചു കഴിഞ്ഞതായാണ് പുതിയ റിപ്പോര്‍ട്ടുകള്‍.  താൽപ്പര്യമുള്ള ഉപഭോക്താക്കൾക്ക് പുതിയ മോഡൽ ഓൺലൈനിലോ അംഗീകൃത ഫോക്സ്‍വാഗണ്‍ ഡീലർഷിപ്പുകളിലോ മുൻകൂട്ടി ബുക്ക് ചെയ്യാം എന്നും ഇന്ത്യാ കാര്‍ ന്യൂസ് റിപ്പോര്‍ട്ട് ചെയ്യുന്നു.

പുതിയ ടൈഗൺ മിഡ്-സൈസ് സെഡാന് അടിവരയിടുന്ന ഫോക്സ്‍വാഗണ്‍ ഗ്രൂപ്പിന്റെ MQB AO IN പ്ലാറ്റ്‌ഫോമിനെ അടിസ്ഥാനമാക്കിയുള്ളതാണ് വിര്‍ടസ്. ലോഞ്ച് ചെയ്യുമ്പോൾ, ഇത് ഹോണ്ട സിറ്റി, ഹ്യുണ്ടായ് വെർണ, മാരുതി സുസുക്കി സിയാസ്, സ്‌കോഡ സ്ലാവിയ തുടങ്ങിയ മോഡലുകളോട് മത്സരിക്കും. 10.5 ലക്ഷം മുതൽ 18 ലക്ഷം രൂപ വരെയാണ് ഇതിന്റെ വില പ്രതീക്ഷിക്കുന്നത്.

അടുത്തിടെ വിപണിയിൽ നിന്ന് നിർത്തലാക്കിയ വെന്റോ സെഡാന്റെ പകരക്കാരനായാണ് പുതിയ ഫോക്‌സ്‌വാഗൺ വിർറ്റസ് സെഡാൻ എത്തുന്നത്. പുതിയ വിർറ്റസിന് 4,561 എംഎം നീളവും 1,752 എംഎം വീതിയും 1,507 എംഎം ഉയരവും 2,651 എംഎം വീൽബേസും ഉണ്ട്. പുതിയ മോഡൽ 521 ലിറ്റർ ബൂട്ട് സ്പേസും വാഗ്‍ദാനം ചെയ്യും.

1.0 ലിറ്റർ 3 സിലിണ്ടർ TSI, 1.5 ലിറ്റർ 4 സിലിണ്ടർ TSI എന്നിങ്ങനെ രണ്ട് എഞ്ചിൻ ഓപ്ഷനുകളിലാണ് പുതിയ വിര്‍ടസ് വരുന്നത്. ജിടി ലൈൻ വേരിയന്റിൽ 1.5 എൽ ടർബോ പെട്രോൾ എഞ്ചിൻ മാത്രമേ ലഭ്യമാകൂ. 1.0 എൽ എഞ്ചിന് 115 ബിഎച്ച്പിയും 178 എൻഎം ടോർക്കും ഉത്പാദിപ്പിക്കാൻ കഴിയും. ട്രാൻസ്‍മിഷൻ തിരഞ്ഞെടുപ്പുകളിൽ ആറ് സ്‍പീഡ് മാനുവലും ആറ് സ്‍പീഡ് ടോർക്ക് കൺവെർട്ടർ ഓട്ടോമാറ്റിക്കും ഉൾപ്പെടും. നാല് സിലിണ്ടർ യൂണിറ്റ് 150bhp, 250 എന്‍എം എന്നിവ സൃഷ്‍ടിക്കും. കൂടാതെ 6MT, ഏഴ് സ്‍പീഡ് DSG ഓട്ടോമാറ്റിക് ഗിയർബോക്‌സ് എന്നിവയും ലഭിക്കും.

വൃത്തിയുള്ള ലൈനുകളും ഗംഭീരമായ രൂപകൽപ്പനയും ഉള്ള സിഗ്നേച്ചർ ഫോക്സ്‍വാഗണ്‍ സ്റ്റൈലിംഗാണ് പുതിയ വിർട്ടസിന്‍റെ സവിശേഷത. ക്രോം സറൗണ്ടുള്ള സിംഗിൾ സ്ലാറ്റ് ഗ്രിൽ, എൽ ആകൃതിയിലുള്ള എൽഇഡി ഡിആർഎല്ലുകളുള്ള എൽഇഡി പ്രൊജക്ടർ ഹെഡ്‌ലാമ്പുകൾ, ഡ്യുവൽ-ടോൺ അലോയി വീലുകൾ, ക്രോം ചെയ്ത ഡോർ ഹാൻഡിലുകൾ, റാപ് എറൗണ്ട് എൽഇഡി ടെയിൽ-ലൈറ്റുകൾ എന്നിവ ഇതിന്റെ സവിശേഷതകളാണ്. വൈൽഡ് ചെറി റെഡ്, കാൻഡി വൈറ്റ്, കാർബൺ സ്റ്റീൽ ഗ്രേ, കുർക്കുമ യെല്ലോ, റിഫ്‌ളക്‌സ് സിൽവർ, റൈസിംഗ് ബ്ലൂ മെറ്റാലിക് എന്നിങ്ങനെ ആറ് കളർ ഓപ്ഷനുകളിലാണ് പുതിയ ഫോക്‌സ്‌വാഗൺ വിർറ്റസ് വരുന്നത്.

ഫീച്ചറുകളുടെ കാര്യത്തിൽ, വയർലെസ് കണക്റ്റിവിറ്റിയുള്ള 10 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം, ഡിജിറ്റൽ ഇൻസ്ട്രുമെന്റ് കൺസോൾ, വയർലെസ് ഫോൺ ചാർജിംഗ്, വെന്റിലേറ്റഡ് ഫ്രണ്ട് സീറ്റുകൾ, ഓട്ടോമാറ്റിക് എസി, കണക്‌റ്റഡ് കാർ സവിശേഷതകൾ, ഇലക്ട്രിക് സൺറൂഫ്, ക്രൂയിസ് കൺട്രോൾ, കീലെസ് എൻട്രി എന്നിവ പുതിയ വിര്‍ടസിന് ലഭിക്കുന്നു. സുരക്ഷയ്ക്കായി, സെഡാനിൽ ആറ് എയർബാഗുകൾ, ടിപിഎംഎസ്, എബിഎസ് വിത്ത് ഇബിഡി, ഇലക്ട്രോണിക് സ്റ്റെബിലിറ്റി കൺട്രോൾ (ഇഎസ്‌സി), മൾട്ടി-കൊളിഷൻ ബ്രേക്കുകൾ, ഒരു പിൻ പാർക്കിംഗ് ക്യാമറ മുതലായവയും ഉണ്ടായിരിക്കും.