ഈ മോഡല്‍ 2022 അവസാനത്തോടെ അരങ്ങേറ്റം കുറിക്കുമെന്നും 2023 ന്റെ തുടക്കത്തിൽ അതിന്റെ ലോഞ്ച് നടന്നേക്കുമെന്നും ആണ് റിപ്പോർട്ടുകള്‍. ഇതുവരെ അറിയാവുന്ന പുതിയ റോഡിങ്ങിന്റെ പ്രധാന വിശദാംശങ്ങൾ ഇതാ.
2022 ജനുവരി രണ്ടാം വാരത്തിലാണ് മഹീന്ദ്രയുടെ കീഴിലുള്ള ക്ലാസിക് ലെജൻഡ്‌സ് അഡ്വഞ്ചർ, സ്‌ക്രാമ്പ്‌ളർ, റോഡ്‌സ്റ്റർ എന്നിവ ഉൾപ്പെടുന്ന യെസ്ഡി ബൈക്കുകളുടെ പുതിയ ശ്രേണി അവതരിപ്പിച്ചത്. എല്ലാ മോഡലുകളും ഡ്യുവൽ ക്രാഡിൽ ഷാസിയെ അടിസ്ഥാനമാക്കിയുള്ളതാണ്. കൂടാതെ 334 സിസി, സിംഗിൾ സിലിണ്ടർ, ലിക്വിഡ് കൂൾഡ് എഞ്ചിൻ ആണ് കരുത്ത് നൽകുന്നത്. പുതിയ യെസ്ഡി ബൈക്കുകളുടെ മൊത്തത്തിലുള്ള രൂപകൽപ്പനയും സവിശേഷതകളും പവർ കണക്കുകളും വ്യത്യസ്തമാണ്.
അതേസമയം ക്ലാസിക് ലെജൻഡ്‌സിന്റെ സഹസ്ഥാപകനായ അനുപം തരേജ ഒരു ഓൺലൈൻ മാധ്യമ പ്രസിദ്ധീകരണത്തോട് സംസാരിക്കുന്നതിനിടെ പുതിയ യെസ്ഡി റോഡ്കിംഗ് വികസിപ്പിച്ചുകൊണ്ടിരിക്കുകയാണെന്ന് വ്യക്തമാക്കിയതായി ഇന്ത്യാ കാര്‍ ന്യൂസ് റിപ്പോര്‍ട്ട് ചെയ്യുന്നു. ഈ മോഡല്‍ 2022 അവസാനത്തോടെ അരങ്ങേറ്റം കുറിക്കുമെന്നും 2023 ന്റെ തുടക്കത്തിൽ അതിന്റെ ലോഞ്ച് നടന്നേക്കുമെന്നും ആണ് റിപ്പോർട്ടുകള്‍. ഇതുവരെ അറിയാവുന്ന പുതിയ റോഡിങ്ങിന്റെ പ്രധാന വിശദാംശങ്ങൾ ഇതാ.
1. മുൻനിര മോഡൽ
ഐക്കണിക് യെസ്ഡി റോഡ്കിംഗ് അതിന്റെ പുതിയ രൂപത്തില്‍ തിരിച്ചെത്തും. ഇത് ബ്രാൻഡിന്റെ മുൻനിര മോഡലായി സ്ഥാപിക്കും. അതായത് അഡ്വഞ്ചർ, സ്‌ക്രാമ്പ്‌ളർ, റോഡ്‌സ്റ്റർ എന്നിവയ്ക്ക് മുകളില്‍, രാജ്യത്തെ ഏറ്റവും വിലകൂടിയ യെസ്ഡി ബൈക്കായിരിക്കും ഇത്.
2. റെട്രോ-സ്റ്റൈലിംഗ്
പുതിയ മോഡലിന്റെ ഔദ്യോഗിക വിവരങ്ങൾ ഇപ്പോഴും വ്യക്തമല്ല. എങ്കിലും, ഇത് യഥാർത്ഥ റെട്രോ രൂപഭംഗി നിലനിർത്താൻ സാധ്യതയുണ്ട്. യെസ്ഡി അഡ്വഞ്ചറിന് സമാനമായി, വൃത്താകൃതിയിലുള്ള എൽഇഡി ഹെഡ്‌ലാമ്പ്, ടിയർ ഡ്രോപ്പ് ആകൃതിയിലുള്ള ഇന്ധന ടാങ്ക്, ക്രോം ഫിനിഷ്ഡ് ഡ്യുവൽ എക്‌സ്‌ഹോസ്റ്റുകൾ എന്നിവ ഇതിൽ ഉൾക്കൊള്ളിച്ചേക്കാം. സവിശേഷതകളുടെ കാര്യത്തിൽ, ബൈക്ക് സെമി-ഡിജിറ്റൽ ഇൻസ്ട്രുമെന്റ് ക്ലസ്റ്റർ, ബ്ലൂടൂത്ത് കണക്റ്റിവിറ്റി, മൾട്ടി-മോഡ് എബിഎസ് (ആന്റി-ലോക്ക് ബ്രേക്കിംഗ് സിസ്റ്റം), യുഎസ്ബി ചാർജർ, ടേൺ-ബൈ-ടേൺ നാവിഗേഷൻ സിസ്റ്റം എന്നിവ വാഗ്ദാനം ചെയ്തേക്കാം.
3. ഒരേ പ്ലാറ്റ്ഫോം
അതിന്റെ സഹോദരങ്ങൾക്ക് സമാനമായി, 2023 റോഡ്കിംഗ് നിലവിലുള്ള ജാവ പ്ലാറ്റ്‌ഫോമിനെ അടിസ്ഥാനമാക്കിയുള്ളതായിരിക്കും.
4. കൂടുതൽ ശക്തമായ എഞ്ചിൻ
റിപ്പോർട്ടുകൾ പ്രകാരം, പുതിയ യെസ്ഡി റോഡ് കിങ്ങിന് മറ്റ് യെസ്ഡി മോഡലുകളേക്കാൾ വലിയ ശേഷിയുള്ള എഞ്ചിൻ ഉണ്ടായിരിക്കും. ബി‌എസ്‌എ ഗോൾഡ് സ്റ്റാറിൽ നിന്ന് കടമെടുത്ത 652 സിസി, സിംഗിൾ സിലിണ്ടർ എഞ്ചിനിനൊപ്പം ഇത് വാഗ്ദാനം ചെയ്യാവുന്നതാണ്. ഈ എഞ്ചിന്‍ 45.6PS-ന്റെ പീക്ക് പവറും 55Nm ടോർക്കും പുറപ്പെടുവിക്കുന്നു. റോയൽ എൻഫീൽഡ് ഇന്റർസെപ്റ്ററുമായി താരതമ്യപ്പെടുത്തുമ്പോൾ, ഇത് ഏകദേശം 2PS കുറവ് ശക്തിയും 3Nm കുറവ് ടോർക്കുമാണ് സൃഷ്‍ടിക്കുന്നത്. ട്രാൻസ്‍മിഷൻ ചുമതലകൾ നിർവഹിക്കുന്നതിന്, ബൈക്കിന് സ്ലിപ്പർ ക്ലച്ച് ഉള്ള 5-സ്പീഡ് ഗിയർബോക്‌സ് ഉണ്ടായിരിക്കും.
5. മത്സരം
2.58 ലക്ഷം മുതൽ 3.10 ലക്ഷം രൂപ വരെ എക്‌സ് ഷോറൂം വില വരുന്ന റോയൽ എൻഫീൽഡ് ഇന്റർസെപ്റ്റർ 650 ന് എതിരെ പുതിയ റോഡ്കിംഗ് പോരാടും. ഏകദേശം 2.60 ലക്ഷം രൂപയാണ് ഇതിന് പ്രതീക്ഷിക്കുന്ന വില.