മാരുതിയുടെ വില്പ്പനയില് 10.9 ശതമാനം വര്ദ്ധനവ്
Synopsis
രാജ്യത്തെ പ്രമുഖ കാര് നിര്മ്മാതാക്കളായ മാരുതിയുടെ കഴിഞ്ഞ മാസത്തെ വില്പ്പനയില് 10 ശതമാനം വര്ദ്ധനവ്. 1,30,280 യൂണിറ്റുകളാണ് ഫെബ്രുവരി മാസം വിറ്റുപോയത്. കഴിഞ്ഞ വര്ഷം ഇതേ കാലയളവില് 1,17,451 കാറുകളാണ് മാരുതി വിറ്റഴിച്ചത്. 10.9 ശതമാനം വര്ദ്ധനവാണിത്.
ചെറിയ കാറുകളുടെ ഗണത്തില് പെടുന്ന ആള്ട്ടോ, വാഗണര് എന്നിവയുടെ വില്പ്പനയില് കഴിഞ്ഞ വര്ഷത്തെ അപേക്ഷിച്ച് കുറവാണ് രേഖപ്പെടുത്തിയിരിക്കുന്നത്. 2016 ഫെബ്രുവരിയില് 35,495 ചെറിയ കാറുകള് വിറ്റപ്പോള് 33,079 കാറുകളാണ് ഈ വര്ഷം നിരത്തിലിറക്കാനായത്. എന്നാല് കോംപാക്ട് വിഭാഗത്തില് പെടുന്ന സ്വിഫ്റ്റ്, എസ്റ്റിലോ, സ്വിഫ്റ്റ് ഡിസയര്, ബലേനോ എന്നിവയുടെ വില്പ്പനയില് 9.4 ശതമാനം വര്ദ്ധനവുണ്ട്. കഴിഞ്ഞ വര്ഷം ഫെബ്രുവരിയില് 42,970 ആയിരുന്ന വില്പ്പന ഈ വര്ഷം 47,002 ആയാണ് വര്ദ്ധിച്ചത്. കോംപാക്ട് സെഡാനായ ഡിസയര് ടൂറിന്റെ വില്പ്പനയില് 26.9 ശതമാനം കുറവുവന്നു.
ഏറ്റവും പുതിയ Automobile News, ഏറ്റവും പുതിയ Newly launched cars reviews in Malayalam തുടങ്ങിയവ മലയാളത്തിൽ അറിയാൻ Asianet News Malayalam. കാറുകൾ, ബൈക്കുകൾ, ഇലക്ട്രിക് വാഹനങ്ങൾ, ഓട്ടോ ടെക്നോളജി തുടങ്ങിയ മേഖലകളിലെ പുതിയ ട്രെൻഡുകളും അപ്ഡേറ്റുകളും ഒരൊറ്റ ക്ലിക്കിൽ.