തോണിയിൽ അമരക്കാരനായി ലാലേട്ടനുണ്ട്; കൂടെ തുഴക്കാരായി ജയനും ദുൽഖറും അടക്കം ആറ് പേർ

മത്സരാർത്ഥികളുടെ ഓരോ ചലനങ്ങൾ ഒപ്പിയെടുക്കാൻ ആകെ എഴുപത് ക്യാമറകളാണ് വീടിനുള്ളില്‍ സ്ഥാപിച്ചിരിക്കുന്നത്. ഓരോരുത്തരുടെയും ചിന്തകളും വിചാരങ്ങളും ഈ ക്യാമറക്കണ്ണുകൾ പ്രേക്ഷകരുടെ മുന്നിലെത്തിക്കും.  

മനോഹരമായ പെയിന്റിംഗുകളാണ് ബിഗ് ബോസ് ഹൗസിലെ പ്രധാന ആകർഷണങ്ങൾ. കേരള തനിമ വിളിച്ചോതുന്നവയാണ് എല്ലാ പെയിന്‍റുകളും തന്നെ. ബിഗ് ബോസിൽ മാത്രമല്ല ചുമരിലെ തോണി ചിത്രത്തില്‍ അമരക്കാരനായാണ് മോഹൻലാലുള്ളത്. വീടിനകത്തേക്ക് കയറുമ്പോഴാണ് ഗാംഭീര്യത്തോടെ തോണിയുടെ വക്കത്ത് നിൽക്കുന്ന ലാലേട്ടന്റെ ചിത്രമുള്ളത്.

മാവേലി ആയി ഓലക്കുടയും ചൂടിയാണ് ലാലേട്ടൻ തോണിയുടെ അമരത്ത് നിൽക്കുന്നത്. ദുൽഖർ സൽമാൻ, ജയൻ,ജയറാം,തിലകൻ,നിവിൻ പോളി, പൃഥ്വിരാജ്,ഫഹദ് ഫാസിൽ എന്നിവരാണ് തോണി തുഴയാനായി എത്തുന്നത്. വഞ്ചിയിലൂടെ യാത്ര തുടരുമ്പോൾ കാണുന്നതാകട്ടെ പനയോലയിൽ നിർമ്മിച്ച കേരളത്തിന്റെ ഭൂപടം. ചിത്രത്തിന്റെ പശ്ചാത്തലത്തിന് നീല നിറമാണ് നൽകിയിരിക്കുന്നത്. മനോഹരമായ ഇന്റീരിയര്‍ വർക്കുകളാണ് വീടിനകത്തെ മറ്റൊരു ആകർഷണം.

മത്സരാർത്ഥികളുടെ ഓരോ ചലനങ്ങൾ ഒപ്പിയെടുക്കാൻ ആകെ എഴുപത് ക്യാമറകളാണ് വീടിനുള്ളില്‍ സ്ഥാപിച്ചിരിക്കുന്നത്. ഓരോരുത്തരുടെയും ചിന്തകളും വിചാരങ്ങളും ഈ ക്യാമറക്കണ്ണുകൾ പ്രേക്ഷകരുടെ മുന്നിലെത്തിക്കും.