പായ്ക്കപ്പലും വാസ്കോ‍ഡ ​ഗാമയും; ബി​ഗ് ബോസ് ഹൗസിൽ മത്സരാർത്ഥികളെ കാത്തിരിക്കുന്ന കാഴ്ചകൾ

വാസ്കോഡ ​ഗാമയുടെ ചിത്രത്തിന് തൊട്ടപ്പുറത്തായി മത്സരാർത്ഥികൾക്കായി ഒരു ജിമ്മും സജീകരിച്ചിട്ടുണ്ട്. വര്‍ക്കൗട്ട് ചെയ്യാനുള്ള ഉപകരണങ്ങളും ഇവിടെ പൂര്‍ണ സജ്ജമാണ്.

മോഹൻലാൽ അമരക്കാരനായ ബി​ഗ് ബോസ് സീസൺ ടൂവിനായി ആകാംഷയോടെ കാത്തിരിക്കുകയാണ് മലയാളകള്‍. ആരാകും ഇത്തവണത്തെ ആ പതിനേഴ് മത്സരാർത്ഥികൾ എന്നാണ് എല്ലാവർക്കും അറിയേണ്ടത്. സിനിമ സീരിയൽ താരങ്ങൾ മുതൽ ടിക് ടോക് താരങ്ങൾ വരെ ഈ പട്ടികയിലൂണ്ട്. 

മത്സരാർത്ഥികൾ ഇന്നു മുതൽ അടുത്ത നൂറ് ദിവസം താമസിക്കാൻ പോകുന്ന മനോഹരമായ വീടിനെ കുറിച്ചാണ് പ്രേക്ഷകർക്കിടയിലെ മറ്റൊരു ചർച്ചാ വിഷയം. തികച്ചും കേരളത്തനിമയോടും മനോഹരങ്ങളായ പെയിന്റിം​ഗുകളോടും കൂടിയാണ് ബി​ഗ് ബോസ് ഹൗസ് മത്സരാർത്ഥികൾകളെ കാത്തിരിക്കുന്നത്. 

ഇത്തവണ വാസ്​കോ‍ഡ ​ഗാമയിലൂടെയാണ് മത്സരാർത്ഥികൾ ബി​ഗ് ബോസ് സീസൺ ടൂവിൽ യാത്ര തുടങ്ങുന്നത്. എൻട്രി കഴിഞ്ഞ് വീടിനുള്ളിലേക്ക് കടക്കുന്ന ഭാ​ഗത്താണ് വാസ്കോഡ ​ഗാമയുടെ ചിത്രം ആലേഖനം ചെയ്തിട്ടുള്ളത്. ചിത്രത്തിന് തൊട്ടുതാഴേ വീട്ടിലെ അം​ഗങ്ങൾക്ക് ഇരിക്കാനായി ഒരു കുഞ്ഞ് ബോട്ടും നിർമ്മിച്ചിട്ടുണ്ട്. ഒപ്പം രണ്ട് കണ്ണാടികളും ക്യാമറകളും ഇവിടെ സ്ഥാപിച്ചിട്ടുണ്ട്. തൊട്ടടുത്ത് ഒരു ലൈറ്റ് ഹൗസും ഇന്ത്യൻ ഭൂപടവും ആലേഖനം ചെയ്തിട്ടുണ്ട്. വാസ്കോഡ ​ഗാമയുടെ ചിത്രത്തിന് തൊട്ടപ്പുറത്തായി മത്സരാർത്ഥികൾക്കായി ഒരു ജിമ്മും സജീകരിച്ചിട്ടുണ്ട്. വര്‍ക്കൗട്ട് ചെയ്യാനുള്ള ഉപകരണങ്ങളും ഇവിടെ പൂര്‍ണ സജ്ജമാണ്.