Husqvarna E Scooter : ഹസ്ക്വർണ ഇലക്ട്രിക് സ്കൂട്ടർ വീണ്ടും പരീക്ഷണത്തില്
Synopsis
ഹസ്ക്വർണയിൽ നിന്ന് വരാനിരിക്കുന്ന ഇലക്ട്രിക് സ്കൂട്ടറിന്റെ ഒരു സ്പൈ ഷോട്ട് പൂനെയ്ക്ക് സമീപം പരീക്ഷിക്കുന്നത് ശ്രദ്ധയിൽപ്പെട്ടതായി റഷ് ലൈന് റിപ്പോര്ട്ട് ചെയ്യുന്നു
വില്പ്പന യൂണിറ്റുകളുടെ എണ്ണം അനുസരിച്ചല്ലെങ്കിലും ബ്രാൻഡ് അനുസരിച്ച് നിലവിൽ രാജ്യത്തെ ഏറ്റവും ജനപ്രിയമായ ഇലക്ട്രിക് സ്കൂട്ടറുകളിൽ ഒന്നാണ് ബജാജ് ചേതക് (Bajaj Chetak). ഹസ്ക്വർണ (Husqvarna) ബ്രാൻഡ് ഉൾപ്പെടുന്ന കെടിഎം ഗ്രൂപ്പുമായുള്ള കമ്പനിയുടെ ആഗോള പങ്കാളിത്തം ബജാജിന്റെ വളർച്ചയ്ക്കുള്ള മികച്ച വളമായെന്ന് തെളിഞ്ഞു.
പ്ലാറ്റ്ഫോം പങ്കിടൽ എന്ന ആശയം ബജാജിനും കെടിഎമ്മിനും ഇതിനകം ഫലം നൽകി. അതുകൊണ്ടു തന്നെ ഈ കൂട്ടുകെട്ട് ഇപ്പോൾ ഇലക്ട്രിക് മൊബിലിറ്റി സ്പെയ്സിനായി കൂടുതൽ വിപുലീകരിക്കാന് ഒരുങ്ങുകയാണ് ഇരുകമ്പനികളും. ഹസ്ക്വർണയിൽ നിന്ന് വരാനിരിക്കുന്ന ഇലക്ട്രിക് സ്കൂട്ടറിന്റെ ഒരു സ്പൈ ഷോട്ട് പൂനെയ്ക്ക് സമീപം പരീക്ഷിക്കുന്നത് ശ്രദ്ധയിൽപ്പെട്ടതായി റഷ് ലൈന് റിപ്പോര്ട്ട് ചെയ്യുന്നു. ഇതേ ഇ-സ്കൂട്ടറിനെ അടിസ്ഥാനമാക്കിയുള്ള ഒരു കണ്സെപ്റ്റ് ഈ വർഷം ആദ്യം അവതരിപ്പിച്ചിരുന്നു.
2022 നോർഡൻ 901-നെ അവതരിപ്പിച്ച് ഹസ്ക് വർണ
വെക്ടോർ എന്ന് പേരിട്ടിരിക്കുന്ന ഈ ഇലക്ട്രിക് സ്കൂട്ടർ ചേതക്കിനെ അടിസ്ഥാനമാക്കിയുള്ളതായിരിക്കുമെന്ന് പ്രതീക്ഷിക്കുന്നു, പക്ഷേ തികച്ചും വ്യത്യസ്തമായ ടോപ്പ് ധരിക്കാൻ സാധ്യതയുണ്ട്. ഏറ്റവും പുതിയ സ്പൈ ഷോട്ടുകൾ സ്കൂട്ടറിന്റെ ഒരു പ്രോട്ടോടൈപ്പ് വെളിപ്പെടുത്തുന്നു. അക്കുർദിയിൽ പുതിയ ഇലക്ട്രിക് വാഹന പ്ലാന്റ് സ്ഥാപിക്കുന്നതായി ബജാജ് പ്രഖ്യാപിച്ച അതേ സമയത്താണ് ഏറ്റവും പുതിയ സ്പൈ ഷോട്ട് വരുന്നത്.
2022 ഹസ്ഖ് വര്ണ ഇലക്ട്രിക് സ്കൂട്ടർ - പ്രതീക്ഷിക്കുന്ന സവിശേഷതകൾ
വരാനിരിക്കുന്ന ഈ ഇ-സ്കൂട്ടറിനെക്കുറിച്ചുള്ള വിശദാംശങ്ങൾ ഇപ്പോൾ വളരെ കുറവാണ്. എന്നിരുന്നാലും, ഈ വർഷം ആദ്യം വെളിപ്പെടുത്തിയ കൺസെപ്റ്റ് പ്രോട്ടോടൈപ്പ് അനുസരിച്ച് വാഹനത്തിന് 4kW ഇലക്ട്രിക് മോട്ടോറും 45 കിലോമീറ്റർ വേഗതയും ഒരു ഒറ്റ ചാർജിൽ 95 കിലോമീറ്റർ റേഞ്ച് ലഭിക്കും. അതേ 3kWh ലിഥിയം-അയൺ ബാറ്ററി പാക്കിൽ നിന്ന് സ്കൂട്ടര് മോട്ടോർ ഊർജം നേടുമെന്ന് പ്രതീക്ഷിക്കുന്നു.
ചേതക്കിൽ, ഈ പവർട്രെയിൻ ഒരു ഫുൾ ചാർജിൽ 95 കിലോമീറ്റർ വരെ സഞ്ചരിക്കും. എന്നിരുന്നാലും, സ്പോർട് മോഡിൽ സ്കൂട്ടർ പ്രവർത്തിക്കുമ്പോൾ ഒറ്റ ചാർജിൽ ഈ ശ്രേണി 85 കിലോമീറ്ററായി കുറയുന്നു. സ്പോർട്സ്, ഇക്കോ മോഡുകളിലെ ഉയർന്ന വേഗത യഥാക്രമം 70 കിലോമീറ്ററും 45 കിലോമീറ്ററും ആണ്. സ്കൂട്ടറിന്റെ ഫൈനൽ പ്രൊഡക്ഷൻ മോഡലിലും ഇതേ സവിശേഷതകൾ ഹസ്ക്വർണ വാഗ്ദാനം ചെയ്യുമോയെന്നത് വ്യക്തമല്ല.
വീണ്ടും കോപ്പിയടിച്ച് ചൈനീസ് കമ്പനി, ഇത്തവണ ഇരയായത് ഈ ബൈക്ക്!
സിംഗിൾ-സൈഡ് ട്രെയിലിംഗ് ലിങ്ക് ഫ്രണ്ട് സസ്പെൻഷൻ, സിംഗിൾ-സൈഡ് സ്വിംഗാർം, പിന്നിൽ ഒരു മോണോ-ഷോക്ക് എന്നിവ ഉൾപ്പെടെയുള്ള സൈക്കിൾ ഭാഗങ്ങൾ വെക്ടോർ അതിന്റെ ഇന്ത്യൻ സഹോദരനിൽ നിന്ന് കടമെടുക്കാൻ സാധ്യതയുണ്ട്. ഒരു ചെയിൻ അല്ലെങ്കിൽ ബെൽറ്റ് ഡ്രൈവിന്റെ ആവശ്യകത ഇല്ലാതാക്കി ചക്രത്തിലേക്ക് പവർ അയയ്ക്കുന്ന ട്രാൻസ്മിഷൻ ഉപയോഗിച്ച് ഇലക്ട്രിക് മോട്ടോർ സ്വിംഗ്ആമിൽ ഘടിപ്പിക്കും. ബ്രേക്കിംഗ് ഹാർഡ്വെയറിൽ ഫ്രണ്ട് ഡിസ്ക്കും പിൻ ഡ്രം സജ്ജീകരണവും ഉൾപ്പെടാൻ സാധ്യതയുണ്ട്.
സ്റ്റൈലിംഗും പ്രതീക്ഷിക്കുന്ന ഫീച്ചറുകളും
പുതിയ ഇ - സ്കൂട്ടറിന്റെ സ്റ്റൈലിംഗിലേക്ക് വരുമ്പോൾ, മറച്ചുവെച്ച 2022 ഹസ്ക്വർണ ഇലക്ട്രിക് സ്കൂട്ടറിന് ബജാജ് ചേതക്കിനേക്കാൾ നീളമുണ്ടെന്ന് തോന്നുന്നു. വരാനിരിക്കുന്ന വെക്ടോർ ഇ-സ്കൂട്ടര് അതിന്റെ സിലൗറ്റ് അനുസരിച്ച് വ്യത്യസ്ത ബോഡി പാനലുകൾ ഉണ്ടായേക്കാം. മറ്റ് സ്റ്റൈലിംഗ് ഹൈലൈറ്റുകളിൽ ഒരു ഫ്ലാറ്റ് സീറ്റ്, ഓവൽ റിയർവ്യൂ മിററുകൾ, സിംഗിൾ പീസ് ഗ്രാബ് റെയിൽ എന്നിവ ഉൾപ്പെടുന്നു.
2022 എൻഡ്യൂറോ സീരിസുമായി ഹസ്ഖ്വർണ
ഇപ്പോള് പുറത്തുവന്ന ചിത്രങ്ങള് സ്കൂട്ടറിന്റെ അതിന്റെ മുൻഭാഗത്തിന്റെ ഒരു ഭാഗവും പ്രദർശിപ്പിക്കുന്നില്ലെങ്കിലും, സംയോജിത എൽഇഡി ഡിആർഎൽ, സ്ലിം ആപ്രോൺ, എക്സ്പോസ്ഡ് ഫ്രണ്ട് ഫോർക്ക് എന്നിവയ്ക്കൊപ്പം വൃത്താകൃതിയിലുള്ള ഹെഡ്ലാമ്പുമായി വെക്ടോർ ആശയത്തോട് അടുത്ത് നിൽക്കുമെന്ന് പ്രതീക്ഷിക്കുന്നു. ഫീച്ചറുകളുടെ കാര്യത്തിൽ, വെക്ടോറിൽ ചേതക്കിന് സമാനമായ ഒരു റൗണ്ട് ഡിജിറ്റൽ ഇൻസ്ട്രുമെന്റ് കൺസോൾ സജ്ജീകരിക്കുമെന്ന് പ്രതീക്ഷിക്കുന്നു, പക്ഷേ ടേൺ-ബൈ-ടേൺ നാവിഗേഷൻ ഉൾപ്പെടെയുള്ള കൂടുതൽ സവിശേഷതകൾ പാക്ക് ചെയ്യാൻ സാധ്യതയുണ്ട് എന്നും റിപ്പോര്ട്ടുകള് ഉണ്ട്.