നേരത്തെ പ്രവേശന പരീക്ഷകള് ഏപ്രില്-മേയ് മാസങ്ങളിലായി നടത്താനായിരുന്നു തീരുമാനിച്ചിരുന്നത്.
ദില്ലി: കോവിഡ്-19 വ്യാപനത്തെത്തുടര്ന്ന് മാറ്റിവെച്ച ജോയന്റ് എന്ട്രന്സ് എക്സാമിനേഷന് (ജെഇഇ മെയിന്), നീറ്റ് പരീക്ഷാത്തീയതികള് മെയ് അഞ്ചിന് പ്രഖ്യാപിക്കും. ഇതേദിവസം കേന്ദ്രമാനവ വിഭവശേഷി വികസന വകുപ്പുമന്ത്രി രമേഷ് പൊഖ്രിയാല് വിദ്യാര്ഥികളുമായി സംവദിക്കാന് സംഘടിപ്പിക്കുന്ന വെബിനാറിലായിരിക്കും തീയതികള് പ്രഖ്യാപിക്കുക.
നേരത്തെ പ്രവേശന പരീക്ഷകള് ഏപ്രില്-മേയ് മാസങ്ങളിലായി നടത്താനായിരുന്നു തീരുമാനിച്ചിരുന്നത്. നാഷണല് ടെസ്റ്റിങ് ഏജന്സി(എന്ടിഎ)യാണ് രണ്ടു പരീക്ഷകളും നടത്തുന്നത്. പ്രവേശന പരീക്ഷകളുടെ തീയതി പ്രഖ്യാപിച്ചാലുടന് തന്നെ നടത്താന് ബാക്കിയുള്ള ബോര്ഡ് പരീക്ഷകളുടെ തീയതിയും പ്രഖ്യാപിക്കുമെന്ന പ്രതീക്ഷയിലാണ് വിദ്യാര്ഥികള്. പ്രധാനവിഷയങ്ങളില് മാത്രമേ ഇനി പരീക്ഷ നടത്തുകയുള്ളുവെന്ന് സിബിഎസ്ഇ അറിയിച്ചിരുന്നു.