കേരളത്തിലെ പൊതുമേഖല സ്ഥാപനം നിർമിച്ച ബോഗിക്ക് റെയിൽവേയുടെ അംഗീകാരം
Synopsis
മൊത്തം അഞ്ച് ബോഗികളുടെ നിർമാണക്കരാറാണ് ഓട്ടോകാസ്റ്റിന് ലഭിച്ചത്.
ചേർത്തല: സംസ്ഥാന പൊതുമേഖല സ്ഥാപനമായ ഓട്ടോകാസ്റ്റ് പരീക്ഷണാടിസ്ഥാനത്തിൽ തയ്യാറാക്കിയ ട്രെയിൻ ബോഗിക്ക് ഇന്ത്യൻ റെയിൽവേയുടെ അംഗീകാരം. ഇന്ത്യൻ റെയിൽവേയുടെ അംഗീകാരം ലഭിച്ചതോടെ ഉത്തര റെയിൽവേയുടെ ഓർഡർ പ്രകാരമുളള ബോഗികൾ ഇനി ഓട്ടോകാസ്റ്റിന് നിർമിക്കാം.
ഉത്തര റെയിൽവേയ്ക്ക് വേണ്ടി ഗുഡ്സ് ട്രെയിനുളള കാസ്നബ് ബോഗിയാണ് സ്ഥാപനം നിർമിക്കുക. ആറ് മാസത്തിനകം റെയിൽവേ ബോഗികളുടെ നിർമാണം പൂർത്തീകരിച്ച് കൈമാറണം. മൊത്തം അഞ്ച് ബോഗികളുടെ നിർമാണക്കരാറാണ് ഓട്ടോകാസ്റ്റിന് ലഭിച്ചത്. നിർമാണ വിജയകരമാണെങ്കിൽ 20 ബോഗിക്ക് വരെയുളള പുതിയ ഓർഡർ സ്ഥാപനത്തിന് ലഭിക്കും.
രാജ്യത്ത് ആദ്യമായാണ് ഒരു സംസ്ഥാന പൊതുമേഖല സ്ഥാപനം ഇന്ത്യൻ റെയിൽവേയ്ക്കായി ബോഗികളുടെ നിർമാണം നടത്തുന്നത്. ഭാവിയിൽ എല്ലാ റെയിൽവേ ടെൻഡറുകൾക്കും പങ്കെടുക്കാനുളള അവസരം ഓട്ടോകാസ്റ്റിന് ലഭിക്കാനും ഈ നിർമാണപ്രവർത്തനങ്ങൾ സഹായകരമായേക്കും.