ഏഷ്യൻ ഗെയിംസ് വനിതാ ടി20 ക്രിക്കറ്റ്: സ്വർണ മെഡൽ പോരാട്ടത്തില് ശ്രീലങ്കക്കെതിരെ ഇന്ത്യക്ക് ടോസ്
Synopsis
സെമിഫൈനലിൽ ബംഗ്ലാദേശിനെ 114 റൺസിന് തകർത്താണ് നിലവിലെ ചാമ്പ്യന്മാരായ ഇന്ത്യ ഫൈനലിലേക്ക് യോഗ്യത നേടിയത്.
ടോക്കിയോ: ഏഷ്യൻ ഗെയിംസ് വനിതാ ടി20 ക്രിക്കറ്റിറ്റ് സ്വർണ മെഡൽ പോരാട്ടത്തില് ശ്രീലങ്കക്കെതിരെ ടോസ് നേടിയ ഇന്ത്യൻ വനിതാ ടീം ബാറ്റിംഗ് തെരഞ്ഞെടുത്തു. കഴിഞ്ഞ തവണ ഹാങ്ഷോ ഏഷ്യൻ ഗെയിംസിൽ സ്വർണം നേടിയ ഇന്ത്യ, അതേ വിജയം ആവർത്തിച്ച് കിരീടം നിലനിർത്താനുള്ള ഉറച്ച പ്രതീക്ഷയിലാണ് കളത്തിലിറങ്ങുന്നത്.
സെമിഫൈനലിൽ ബംഗ്ലാദേശിനെ 114 റൺസിന് തകർത്താണ് നിലവിലെ ചാമ്പ്യന്മാരായ ഇന്ത്യ ഫൈനലിലേക്ക് യോഗ്യത നേടിയത്. മറുവശത്ത് കരുത്തരായ പാകിസ്ഥാനെ എട്ട് വിക്കറ്റിന് തോൽപ്പിച്ചാണ് ശ്രീലങ്ക ഫൈനൽ പോരാട്ടത്തിന് ടിക്കറ്റെടുത്തത്. കഴിഞ്ഞയാഴ്ച നടന്ന ഏഷ്യാകപ്പ് ഫൈനലിലും ശ്രീലങ്കയെ കീഴടക്കി ഇന്ത്യ കിരീടം ചൂടിയിരുന്നു.
അതിന്റെ തുടർച്ചയെന്നോണം മികച്ച ഫോമിലുള്ള ഇന്ത്യൻ സംഘം ഏഷ്യൻ ഗെയിംസിലും സ്വർണ്ണത്തിൽ കുറഞ്ഞതൊന്നും പ്രതീക്ഷിക്കുന്നില്ല. ഇത്തവണത്തെ ഏഷ്യൻ ഗെയിംസിലെ ആദ്യ സ്വര്ണമാണ് ഇന്ത്യൻ വനിതകളുടെ ലക്ഷ്യം.
ശ്രീലങ്ക പ്ലേയിംഗ് ഇലവൻ: ഇമേഷ ദുലാനി, ചമരി അത്തപ്പത്തു (ക്യാപ്റ്റൻ), ഹാസിനി പെരേര, ഹർഷിത സമരവിക്രമ, കവിഷ ദിൽഹാരി, ഹൻസിമ കരുണാരത്നെ, കൗഷാനി നുത്യംഗന (വിക്കറ്റ് കീപ്പർ), മിതാലി അയോധ്യ, കാവ്യ കാവിന്ദി, ചാമുഡി പ്രബോധ, സുഗന്ധിക കുമാരി.
ഇന്ത്യ പ്ലേയിംഗ് ഇലവൻ: സ്മൃതി മന്ദാന, ഷഫാലി വർമ്മ, ഗുണാലൻ കമാലിനി, ഹർമൻപ്രീത് കൗർ (ക്യാപ്റ്റൻ), റിച്ച ഘോഷ് (വിക്കറ്റ് കീപ്പർ), ഭാരതി ഫുൽമാലി, ദീപ്തി ശർമ്മ, ശ്രേയങ്ക പാട്ടീൽ, ശ്രീ ചരണി, നന്ദനി ശർമ്മ, ക്രാന്തി ഗൗഡ്.
ഏഷ്യാനെറ്റ് ന്യൂസ് ലൈവ് കാണാന് ഇവിടെ ക്ലിക് ചെയ്യുക
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!