സീനിയര്‍ താരങ്ങളായ ഡ്വെയ്ന്‍ ബ്രാവോ, ലെന്‍ഡല്‍ സിമ്മണ്‍സ്, കീറണ്‍ പൊള്ളാര്‍ഡ് എന്നിവരെല്ലാം ടീമിലുണ്ട്. അകീല്‍ ഹൊസീന്‍, കെവിന്‍ സിന്‍ക്ലയര്‍ എന്നിവര്‍ക്ക് അരങ്ങേറ്റത്തിനും വഴിയൊരുങ്ങി.
ആന്റിഗ്വെ: വെറ്ററന്‍ താരങ്ങളായ ഫിഡെല്‍ എഡ്വെര്‍ഡ്‌സ്, ക്രിസ് ഗെയ്ല്‍ എന്നിവരെ ശ്രീലങ്കയ്‌ക്കെതിരായ ടി20 പരമ്പരയ്ക്കുള്ള വെസ്റ്റ് ഇന്‍ഡീസ് ടീമില്‍ ഉള്‍പ്പെടുത്തി. 2012ലാണ് എഡ്വെര്‍ഡ്‌സ് അവസാനമാടി അന്താരാഷ്ട്ര ടി20 മത്സരം കളിച്ചത്. മറ്റു സീനിയര്‍ താരങ്ങളായ ഡ്വെയ്ന്‍ ബ്രാവോ, ലെന്‍ഡല്‍ സിമ്മണ്‍സ്, കീറണ്‍ പൊള്ളാര്‍ഡ് എന്നിവരെല്ലാം ടീമിലുണ്ട്. അകീല്‍ ഹൊസീന്‍, കെവിന്‍ സിന്‍ക്ലയര്‍ എന്നിവര്‍ക്ക് അരങ്ങേറ്റത്തിനും വഴിയൊരുങ്ങി. ഏറെ മാസങ്ങള്‍ക്ക് ശേഷം മുന്‍ ക്യാപ്റ്റന്‍ ജേസണ്‍ ഹോള്‍ഡറും ടി20 ടീമിലേക്ക് തിരിച്ചുവന്നു.
Cricket West Indies (CWI) names the West Indies squads for the CG Insurance T20 International Series and CG Insurance One-Day International Series against Sri Lanka.
Full Squads details⬇️ https://t.co/8F1UY2fsuI pic.twitter.com/AwxKTQBuKF
കൊവിഡില്‍ നിന്ന് മുക്തി നേടിയെങ്കിലും ആന്ദ്രേ റസ്സലിനെ ടീമില്‍ ഉള്‍പ്പെടുത്തിയിട്ടില്ല. ഷെല്‍ഡണ്‍ കോട്ട്രല്‍, ഒഷാനെ തോമസ്, ഷിംറോണ്‍ ഹെറ്റ്മയേര്‍, റോസ്റ്റണ്‍ ചേസ് എന്നിവര്‍ പൂര്‍ണ കായികക്ഷമത കൈവരിക്കാത്തതിനാല്‍ ടീമില്‍ നിന്ന് മാറ്റിനിര്‍ത്തി. ബംഗ്ലാദേശ് പര്യടനത്തില്‍ നിന്ന് വിട്ടുനിന്ന കീറണ്‍ പൊള്ളാര്‍ഡ്, നിക്കോളാസ് പുരാന്‍, എവിന്‍ ലൂയിസ് എന്നിവരും ടി20 ടീമിലുണ്ട്. ഇന്ത്യയില്‍ നടക്കാനിരിക്കുന്നു ടി20 ലോകകപ്പിന് മികച്ച ടീമിനെ ഒരുക്കുകയാണ് വിന്‍ഡീസിന്റെ ലക്ഷ്യം.
ബംഗ്ലാദേശിനെതിരെ ടെസ്റ്റ് പരമ്പരയില്‍ വിന്‍ഡീസിനെ ഐതിഹാസിക വിജയത്തിലേക്ക് നയിച്ച കെയ്ല്‍ മയേഴ്‌സിനെ ഏകദിന ടീമിലും ഉള്‍പ്പെടുത്തി. റൊമാരിയ ഷെപ്പേര്‍ഡ്, ജേസണ്‍ മുഹമ്മദ് എന്നിവരും ടീമിലുണ്ട്. മാര്‍ച്ച് 3, 5, 7 തിയ്യതികളിലാണ് ടി20.
ടി20 ടീം: കീറണ്‍ പൊള്ളാര്‍ഡ് (ക്യാപ്റ്റന്‍), നിക്കോളാസ് പുരാന്‍, ഫാബിയന്‍ അലന്‍, ഡ്വെയ്ന്‍ ബ്രാവോ, ഫിഡെല്‍ എഡ്വെര്‍ഡ്‌സ്, ആന്ദ്രേ ഫ്‌ളച്ചര്‍, ക്രിസ് ഗെയ്ല്‍, ജേസണ്‍ ഹോള്‍ഡര്‍, അകീല്‍ ഹൊസീന്‍, എവിന്‍ ലൂയിസ്, ഒബെദ് മക്‌കോയ്, റോവ്മാന്‍ പവല്‍, ലെന്‍ഡല്‍ സിമ്മണ്‍സ്, കെവിന്‍ സിന്‍ക്ലയര്‍.
ഏകദിന ടീം: കീറണ്‍ പൊള്ളാര്‍ഡ് (ക്യാപ്റ്റന്‍), ഷായ് ഹോപ്, ഫാബിയന്‍ അലന്‍, ഡാരന്‍ ബ്രാവോ, ജേസണ്‍ ഹോള്‍ഡര്‍, അകീല്‍ ഹൊസീന്‍, അല്‍സാരി ജോസഫ്, എവിന്‍ ലൂയിസ്, കെയ്ല്‍ മയേഴ്‌സ്, ജേസണ്‍ മുഹമ്മദ്, നിക്കോളാസ് പുരാന്‍, റൊമാരിയോ ഷെപ്പേര്‍ഡ്, കെവിന്‍ സില്‍ക്ലയര്‍.