ഐപിഎല്ലില് നേരിടാന് ബുദ്ധിമുട്ടിയ ബൗളറുടെ പേര് വെളിപ്പെടുത്തി ക്രിസ് ഗെയ്ല്
Synopsis
ഐപിഎല്ലില് ഗെയ്ലിനെ ഏറ്റവും കൂടുതല് പുറത്താക്കിയിട്ടുള്ളവര് ഇന്ത്യന് സ്പിന്നര്മാരായ ആര് അശ്വിനും ഹര്ഭജന് സിംഗുമെല്ലാം ആണ്. ഇരുവരും അഞ്ച് തവണ വീതം ഗെയ്ലിനെ പുറത്താക്കിയിട്ടുണ്ട്.
മുംബൈ: ഐപിഎല്ലില് മാത്രമല്ല ടി20 ക്രിക്കറ്റിലെ തന്നെ യൂണിവേഴ്സല് ബോസാണ് ക്രിസ് ഗെയ്ല്. ബൗളര്മാരുടെ കശാപ്പുകാരനായ ഗെയ്ലിന് സ്പിന്നര് ആയാലും പേസര് ആയാലും ഒരുപോലെയാണ്. ഐപിഎല്ലില് വിവിധ ടീമുകളില് കളിച്ചിട്ടുള്ള ഗെയ്ലിനെ ഏറ്റവും അധികം ബുദ്ധിമുട്ടിച്ച ബൗളര് ആരായിരിക്കുമെന്ന ആകാംക്ഷ ആരാധകര്ക്കുണ്ടാകും. ഐപിഎല്ലില് ഗെയ്ലിനെ ഏറ്റവും കൂടുതല് പുറത്താക്കിയിട്ടുള്ളവര് ഇന്ത്യന് സ്പിന്നര്മാരായ ആര് അശ്വിനും ഹര്ഭജന് സിംഗുമെല്ലാം ആണ്.
ഇരുവരും അഞ്ച് തവണ വീതം ഗെയ്ലിനെ പുറത്താക്കിയിട്ടുണ്ട്. അശ്വിനെതിരെ 10.6 മാത്രമാണ് ഗെയ്ലിന്റെ ശരാശരി. എന്നാല് ജിയോ സിനിമയുടെ ടോക് ഷോയില് പങ്കെടുക്കവെ ആരാണ് ഐപിഎല്ലില് ഏറ്റവും ബുദ്ധിമുട്ടിച്ച ബൗളറെന്ന ചോദ്യത്തിന് ഹര്ഭജനെയോ അശ്വിനെയോ ഒന്നുമല്ല ഗെയ്ല് തെരഞ്ഞെടുത്തത്. തന്നെ ഒരിക്കല് പോലും പുറത്താക്കിയിട്ടില്ലാത്ത ഒരു ബൗളറെയാണ് ഗെയ്ല് തെരഞ്ഞെടുത്തത്.
ഇന്ത്യന് ടീമില് തിരിച്ചെത്താന് പൂജാരയുടെ വഴി തെരഞ്ഞെടുത്ത് രഹാനെ; കൗണ്ടിയില് കളിക്കും
ഐപിഎല്ലിലെ എക്കാലത്തെയും മികച്ച ബാറ്ററാരാണെന്ന ചോദ്യത്തിന് ചര്ച്ചയില് പങ്കെടുത്ത അനില് കുംബ്ലെ സുരേഷ് റെയ്നയുടെ പേര് പറഞ്ഞപ്പോള് ഉത്തപ്പ എം എസ് ധോണിയെയും വിരാട് കോലിയെയുമാണ് തെരഞ്ഞെടുത്തത്. പാര്ഥിവ് പട്ടേലാകട്ടെ ശിഖര് ധവാനെയാണ് ഐപിഎല്ലിലെ ഏറ്റവും മികച്ച ബാറ്ററായി തെരഞ്ഞെടുത്തത്. ധവാന്റെ സ്ഥിരതയാണ് ഇതിന് കാരണമെന്നും പാര്ഥിവ് വിശദീകരിച്ചു.
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!