ധര്മശാലയില് മഴയ്ക്ക് ശമനം; ഇന്ത്യ- ദക്ഷിണാാഫ്രിക്ക ആദ്യ ഏകദിനത്തില് ഓവറുകള് ചുരുക്കിയേക്കും
Synopsis
ഇന്ത്യ- ദക്ഷിണാഫ്രിക്ക ഒന്നാം ഏകദിനത്തിന്റെ ടോസ് വൈകുന്നു. നനഞ്ഞ ഔട്ട് ഫീല്ഡാണ് മത്സരത്തിന് മുടക്കം നില്ക്കുന്നത്. മഴ കാരണം മത്സരത്തിന് ടോസിടാന് പോലും സാധിച്ചിരുന്നില്ല.
ധര്മശാല: ഇന്ത്യ- ദക്ഷിണാഫ്രിക്ക ഒന്നാം ഏകദിനത്തിന്റെ ടോസ് വൈകുന്നു. നനഞ്ഞ ഔട്ട് ഫീല്ഡാണ് മത്സരത്തിന് മുടക്കം നില്ക്കുന്നത്. മഴ കാരണം മത്സരത്തിന് ടോസിടാന് പോലും സാധിച്ചിരുന്നില്ല. പിച്ച് ഇപ്പോഴും കവറിട്ട് മൂടിയിരിക്കുകയാണ്. രാവിലെ പെയ്ത മഴയില് ഔട്ട് ഫീല്ഡ് നനഞ്ഞ് കുതിര്ന്നിരിക്കുകയാണ്. എന്നാല് 2.30ന് ശേഷം ടോസിടാന് സാധിക്കുമെന്നാണ് പുറത്തുവരുന്ന റിപ്പോര്ട്ടുകള്.
ന്യൂസിലന്ഡിലെ പരമ്പര നഷ്ടത്തിന് ശേഷം ഇന്ത്യ ഇറങ്ങുമ്പോള് ഓസ്ട്രേലിയക്കെതിരായ ഏകദിന പരമ്പര തൂത്തുവാരിയ ആത്മവിശ്വാസത്തിലാണ് ദക്ഷിണാഫ്രിക്ക.ഹാര്ദിക് പാണ്ഡ്യ, ശിഖര് ധവാന്, ഭുവനേശ്വര് കുമാര് എന്നിവര് പരിക്ക് ഭേദമായി തിരിച്ചുവരുന്നതാണ് ഇന്ത്യന് ടീമിന്റെ സവിശേഷത. ഹാര്ദിക് അടക്കം നാല് പേസര്മാരെയും രണ്ട് സ്പിന്നര്മാരെയും ഇന്ത്യ ഉള്പ്പെടുത്തിയേക്കും. ശിഖര് ധവാനും പൃഥ്വി ഷായും ഓപ്പണര്മാരാകാന് ആണ് സാധ്യത. കൊവിഡ് 19 ഭീതിയും മഴഭീഷണിയും കാരണം പകുതിയോളം ടിക്കറ്റുകള് മാത്രമാണ് വിറ്റുപോയിട്ടുള്ളത്.
ഇന്ത്യ സ്ക്വാഡ്
ശിഖര് ധവാന്, പൃഥ്വി ഷാ, വിരാട് കോലി(നായകന്), മനീഷ് പാണ്ഡെ, ശ്രേയസ് അയ്യര്, ശുഭ്മാന് ഗില്, ഹാര്ദിക് പാണ്ഡ്യ, രവീന്ദ്ര ജഡേജ, കെ എല് രാഹുല്, ഋഷഭ് പന്ത്, ഭുവനേശ്വര് കുമാര്, ജസ്പ്രീത് ബുമ്ര, യുസ്വേന്ദ്ര ചാഹല്, നവ്ദീപ് സെയ്നി, കുല്ദീപ് യാദവ്
ദക്ഷിണാഫ്രിക്ക സ്ക്വാഡ്
തെംബാ ബാവുമ, റാസി വാന് ഡര്സന്, ഫാഫ് ഡുപ്ലസിസ്, ഡേവിഡ് മില്ലര്, ജനീമന് മലാന്, ജെ ജെ സ്മട്ട്, ജോര്ജ് ലിന്ഡെ, ആന്ഡിലെ ഫെഹ്ലൂക്വായോ, ക്വിന്റണ് ഡികോക്ക്(നായകന്), ഹെന്റിച്ച് ക്ലാസന്, കെയ്ല് വെരീന്, ലുങ്കി എന്ഗിഡി, ലൂത്തോ സിപാംല, ബ്യൂറന് ഹെന്റിക്സ്, ആന്റിച്ച് നോര്ജെ, കേശവ് മഹാരാജ്.
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!