ചെന്നൈ സൂപ്പര് കിംഗ്സിനെ പഞ്ചറാക്കി പഞ്ചാബ് കിംഗ്സ്! മൂന്ന് വിക്കറ്റ് നഷ്ടം, പ്രതിരോധത്തില്
Synopsis
ടോസ് നഷ്ടപ്പെട്ട് ബാറ്റിംഗിനെത്തിയ ചെന്നൈക്ക് ആദ്യ വിക്കറ്റുകള് നഷ്ടമായി.
ചെന്നൈ: ഐപിഎല്ലില് പഞ്ചാബ് കിംഗ്സിനെതിരായ മത്സരത്തില് ചെന്നൈ സൂപ്പര് കിംഗ്സിന് പതിഞ്ഞ തുടക്കം. ചെന്നൈ, ചെപ്പോക്കില് ടോസ് നഷ്ടപ്പെട്ട് ബാറ്റിംഗിനെത്തിയ ആതിഥേയര് ഒടുവില് വിവരം ലഭിക്കുമ്പോള് എട്ട് ഓവറില് മൂന്നിന് 64 എന്ന നിലയിലാണ്. സാം കറന് (19), ഡിവാള്ഡ് ബ്രേവിസ് (5) എന്നിവരാണ് ക്രീസില്. ഓപ്പണര്മാരായ ഷെയ്ഖ് റഷീദ് (11), ആയുഷ് മാത്രെ (7), രവീന്ദ്ര ജഡേജ (17), എന്നിവരുടെ വിക്കറ്റുകളാണ് ചെന്നൈക്ക് നഷ്ടമായത്. റഷീദിനെ അര്ഷ്ദീപ് സിംഗ്, ശശാങ്ക് സിംഗിന്റെ കൈകളിലെത്തിച്ചു. ആയുഷ്, മാര്കോ ജാന്സന്റെ പന്തില് മിഡ് ഓഫില് ശ്രേയസ് അയ്യര്ക്കും ക്യാച്ച് നല്കി. ജഡേജ പവര് പ്ലേയ്ക്ക് തൊട്ടുമുമ്പുള്ള പന്തിലും മടങ്ങി. ഹര്പ്രീത് ബ്രാറിന്റെ പന്തില് വിക്കറ്റ് കീപ്പര് ജോഷ് ഇംഗ്ലിസിന് ക്യാച്ച് നല്കുകയായിരുന്നു താരം.
നേരത്തെ, ടോസ് നേടിയ പഞ്ചാബ് ക്യാപ്റ്റന് ശ്രേയസ് അയ്യര് ആതിഥേയരെ ബാറ്റിംഗിന് അയക്കുകയായിരുന്നു. മാറ്റമൊന്നുമില്ലാതെയാണ് ചെന്നൈ ഇറങ്ങുന്നത്. പഞ്ചാബ് നിരയില് ഗ്ലെന് മാക്സ്വെല് കളിക്കുന്നില്ല. ഇരു ടീമുകളുടേയും പ്ലേയിംഗ് ഇലവന് അറിയാം.
ചെന്നൈ സൂപ്പര് കിംഗ്സ്: ഷെയ്ക് റഷീദ്, ആയുഷ് മാത്രെ, സാം കറന്, രവീന്ദ്ര ജഡേജ, ഡിവാള്ഡ് ബ്രെവിസ്, ശിവം ദുബെ, ദീപക് ഹൂഡ, എം എസ് ധോണി (ക്യാപ്റ്റന് / വിക്കറ്റ് കീപ്പര്), നൂര് അഹമ്മദ്, ഖലീല് അഹമ്മദ്, മതീഷ പതിരാന.
ഇംപാക്ട് സബ്സ്: അന്ഷുല് കംബോജ്, രവിചന്ദ്രന് അശ്വിന്, കമലേഷ് നാഗര്കോട്ടി, രാമകൃഷ്ണ ഘോഷ്, ജാമി ഓവര്ട്ടണ്.
പഞ്ചാബ് കിംഗ്സ്: പ്രിയാന്ഷ് ആര്യ, ശ്രേയസ് അയ്യര് (ക്യാപ്റ്റന്), ജോഷ് ഇംഗ്ലിസ് (വിക്കറ്റ് കീപ്പര്), നെഹാല് വധേര, ശശാങ്ക് സിംഗ്, ഹര്പ്രീത് ബ്രാര്, മാര്ക്കോ ജാന്സെന്, അസ്മത്തുള്ള ഒമര്സായി, സൂര്യന്ഷ് ഷെഡ്ജ്, യുസ്വേന്ദ്ര ചാഹല്, അര്ഷ്ദീപ് സിംഗ്
ഇംപാക്ട് സബ്സ്: പ്രഭ്സിമ്രാന് സിംഗ്, മുഷീര് ഖാന്, വിജയ്കുമാര് വൈശാഖ്, സേവ്യര് ബാര്ട്ട്ലെറ്റ്, പ്രവീണ് ദുബെ.
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!