കാത്തിരിപ്പിനൊടുവില് വൈഭവ് സൂര്യവംശിക്ക് അരങ്ങേറ്റം, സഞ്ജു സാംസണ് പുറത്ത്, രണ്ടാം ടി20യില് ഇംഗ്ലണ്ടിനെതിരെ ഇന്ത്യക്ക് ടോസ്
Synopsis
1989ല് തന്റെ പതിനാറാം വയസില്(16 വയസും 205 ദിവസവും) ഇന്ത്യക്കായി അരങ്ങേറിയ ബാറ്റിംഗ് ഇതിഹാസം സച്ചിന് ടെന്ഡുല്ക്കറുടെ റെക്കോര്ഡാണ് 15 ദിവസവും 71 ദിവസവും പ്രായമുള്ള വൈഭവ് മറികടന്നത്.
മാഞ്ചസ്റ്റര്:ഇംഗ്ലണ്ടിനെതിരായ ടി20 പരമ്പരയിലെ രണ്ടാം മത്സരത്തില് ടോസ് നേടിയ ഇന്ത്യ ബാറ്റിംഗ് തെരഞ്ഞെടുത്തു.കഴിഞ്ഞ മത്സരം കളിച്ച ടീമില് മാറ്റവുമായാണ് ഇന്ത്യ ഇറങ്ങുന്നത്. മലയാളി താരം സഞ്ജു സാംസണ് പകരം 15കാരന് വൈഭവ് സൂര്യവംശി ഇന്ത്യയുടെ പ്ലേയിംഗ് ഇലവനിലെത്തി. ഇതോടെ ഇന്ത്യക്കായി അന്താരാഷ്ട്ര ക്രിക്കറ്റില് അരങ്ങേറുന്ന എറ്റവും പ്രായം കുറഞ്ഞ താരമെന്ന റെക്കോര്ഡ് വൈഭവ് സൂര്യവംശിക്ക് സ്വന്തമായി.
1989ല് തന്റെ പതിനാറാം വയസില്(16 വയസും 205 ദിവസവും) ഇന്ത്യക്കായി അരങ്ങേറിയ ബാറ്റിംഗ് ഇതിഹാസം സച്ചിന് ടെന്ഡുല്ക്കറുടെ റെക്കോര്ഡാണ് 15 ദിവസവും 71 ദിവസവും പ്രായമുള്ള വൈഭവ് മറികടന്നത്.വൈസ് ക്യാപ്റ്റൻ തിലക് വര്മയാണ് വൈഭവിന് ഇന്ത്യൻ ക്യാപ് കൈമാറിയത്.
അഞ്ച് മത്സര പരമ്പരയിലെ ആദ്യ മത്സരം മഴമൂലം പൂര്ത്തിയാക്കാനാവാതെ ഉപേക്ഷിച്ചിരുന്നു. അയര്ലന്ഡിനെതിരായ ടി20 പരമ്പരയില് അപ്രതീക്ഷിത തോല്വി വഴങ്ങിയ ഇന്ത്യക്ക് ഇംഗ്ലണ്ടിനെതിരായ പരമ്പരയില് ജയം അനിവാര്യമാണ്. ഇംഗ്ലണ്ട് പ്ലേയിംഗ് ഇലവനെ ഇന്നലെ പ്രഖ്യാപിച്ചിരുന്നു.
ഇംഗ്ലണ്ട് പ്ലേയിംഗ് ഇലവൻ: ഫിലിപ്പ് സാൽട്ട്, ജോസ് ബട്ട്ലർ (വിക്കറ്റ് കീപ്പർ), ഹാരി ബ്രൂക്ക് (ക്യാപ്റ്റൻ), ജേക്കബ് ബെഥേൽ, ടോം ബാന്റൺ, സാം കറൻ, വിൽ ജാക്സ്, ലിയാം ഡാവ്സൺ, ആദിൽ റഷീദ്, ജോഫ്ര ആർച്ചർ, ജോഷ് ടങ്.
ഇന്ത്യ പ്ലേയിംഗ് ഇലവൻ: വൈഭവ് സൂര്യവംശി, അഭിഷേക് ശർമ്മ, ഇഷാൻ കിഷൻ (വിക്കറ്റ് കീപ്പർ), ശ്രേയസ് അയ്യർ (ക്യാപ്റ്റൻ), തിലക് വർമ്മ, ശിവം ദുബെ, ഹർഷിത് റാണ, അക്സർ പട്ടേൽ, രവി ബിഷ്ണോയ്, അർഷ്ദീപ് സിംഗ്, വരുൺ ചക്രവർത്തി
ഏഷ്യാനെറ്റ് ന്യൂസ് ലൈവ് കാണാന് ഇവിടെ ക്ലിക് ചെയ്യുക
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!