'വിരാട് എന്റെയും ഇഷ്ടതാരം'; ഓപ്പറേഷൻ സിന്ദൂർ വിശദീകരിക്കുന്നതിനിടയിലും ചർച്ചയായി വിരാട് കോലിയുടെ വിരമിക്കല്
Synopsis
രണ്ടാഴ്ച മുമ്പാണ് കോലി ടെസ്റ്റില് നിന്ന് വിരമിക്കാനുള്ള സന്നദ്ധത ബിസിസിഐയെ അറിയിച്ചത്. ഇംഗ്ലണ്ട് പരമ്പരയിലെങ്കിലും കളിക്കണമെന്ന് ബിസിസിഐ അഭ്യര്ത്ഥിച്ചെങ്കിലും വിരാട് കോലി തീരുമാനത്തില് ഉറച്ചു നില്ക്കുകയായിരുന്നു.
ദില്ലി: ഓപ്പറേഷന് സിന്ദൂറിനെക്കുറിച്ച് വിശദീകരിക്കാനായി ഉന്നത സൈനിക ഉദ്യോഗസ്ഥര് വിളിച്ചുചേര്ത്ത വാര്ത്താസമ്മേളനത്തിനിടയിലും ചര്ച്ചയായി ഇന്ത്യൻ ക്രിക്കറ്റ് താരം വിരാട് കോലിയുടെ ടെസ്റ്റ് ക്രിക്കറ്റില് നിന്നുള്ള വിരമിക്കല് പ്രഖ്യാപനം. ഓപ്പറേഷന് സിന്ദൂറിനെക്കുറിച്ച് വിശദീകരിക്കുന്നതിനിടെ ഡയറക്ടര് ജനറല് ഓഫ് മിലിട്ടറി ഓപ്പറേഷന് ലഫ്. ജനറല് രാജീവ് ഘായ് ആണ് വിരാട് കോലിയുടെ വിരമിക്കല് പ്രഖ്യാപനത്തെക്കുറിച്ച് പരാമര്ശിച്ചത്.
വിരാട് കോലി ടെസ്റ്റ് ക്രിക്കറ്റില് നിന്ന് വിരമിക്കല് പ്രഖ്യാപിച്ചതു കണ്ടതുകൊണ്ട് ഞാനതിനെക്കുറിച്ച് കൂടി പറയാം.നിങ്ങളില് പലെരയുംപോലെ എന്റെയും ഇഷ്ടതാരമാണ് വിരാട് കോലിയെന്നും രാജീവ് ഘായ് പറഞ്ഞു. ദിവസങ്ങള് നീണ്ട അഭ്യൂഹങ്ങള്ക്കൊടുവില് ഇന്ന് ഉച്ചയോടെയാണ് വിരാട് കോലി ടെസ്റ്റ് ക്രിക്കറ്റില് നിന്ന് വിരമിക്കല് പ്രഖ്യാപിച്ചത്. ഇന്സ്റ്റഗ്രാം പോസ്റ്റിലൂടെയായിരുന്നു കോലി ടെസ്റ്റില് നിന്ന് വിരമിക്കുന്ന കാര്യം ഔദ്യോഗികമായി പ്രഖ്യാപിച്ചത്.
രണ്ടാഴ്ച മുമ്പാണ് കോലി ടെസ്റ്റില് നിന്ന് വിരമിക്കാനുള്ള സന്നദ്ധത ബിസിസിഐയെ അറിയിച്ചത്. ഇംഗ്ലണ്ട് പരമ്പരയിലെങ്കിലും കളിക്കണമെന്ന് ബിസിസിഐ അഭ്യര്ത്ഥിച്ചെങ്കിലും വിരാട് കോലി തീരുമാനത്തില് ഉറച്ചു നില്ക്കുകയായിരുന്നു. ഇന്ത്യൻ ക്രിക്കറ്റിലെ ഇതിഹാസതാരത്തെ ബന്ധപ്പെട്ട് വിരാട് കോലിയെ വിരമിക്കല് തീരുമാനത്തില് നിന്ന് പിന്തിരിപ്പിക്കാന് ബിസിസിഐ ശ്രമിച്ചെങ്കിലും ഇതും വിജയിച്ചില്ല. ഇതിന് പിന്നാലെയാണ് കോലി ഇന്സ്റ്റഗ്ലാം പോസ്റ്റിലൂടെ വിരമിക്കല് പ്രഖ്യാപിച്ചത്.
ടെസ്റ്റ് കരിയറിലാകെ 210 ഇന്നിംഗ്സുകളില് 9230 റണ്സാണ് കോലിയുടേ നേട്ടം. ബാറ്റിംഗ് ശരാശരി 46.85 റണ്സ്, സ്ട്രൈക്ക് റേറ്റ് 55.58. ഏഴ് ഇരട്ട സെഞ്ചുറികളുള്പ്പെടെ 30 സെഞ്ചുറികളും 31 അര്ധസെഞ്ചുറികളും കോലി നേടി. ദക്ഷിണാഫ്രിക്കയ്ക്കെതിരെ നേടിയ 254 റണ്സാണ് ഉയര്ന്ന വ്യക്തിഗത സ്കോര്. ടെസ്റ്റില് ഇന്ത്യക്ക് ഏറ്റവും കൂടുതല് വിജയങ്ങള് സമ്മാനിച്ച നായകന് കൂടിയാണ് കോലി. 68 ടെസ്റ്റുകളിൽ ഇന്ത്യയെ നയിച്ച കോലി 40 വിജയങ്ങള് നേടി.
ഏഷ്യാനെറ്റ് ന്യൂസ് ലൈവ് കാണാന് ഇവിടെ ക്ലിക് ചെയ്യുക
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!