സ്മൃതി മന്ദാനയും ഷഫാലി വര്മയും പവര് പ്ലേയില് വീണു, ഓസ്ട്രേലിയക്കെതിരെ തുടക്കത്തിലെ അടിതെറ്റി ഇന്ത്യ
Synopsis
റെക്കോര്ഡ് വിജയലക്ഷ്യത്തിലേക്ക് ബാറ്റുവീശിയ ഇന്ത്യക്ക് ആദ്യ ഓവറില് എട്ട് റണ്സടിച്ച് നല്ല തുടക്കമിട്ടു. എന്നാല് രണ്ടാം ഓവറില് ഷഫാലി വര്മയെ(10) വിക്കറ്റിന് മുന്നില് കുടുക്കിയ കിം ഗാരത് ഇന്ത്യക്ക് ആദ്യ പ്രഹരമേല്പ്പിച്ചു.
മുംബൈ: വനിതാ ലോകകപ്പില് ഓസ്ട്രേലിയക്കെതിരെ 339 റണ്സ് വിജയലക്ഷ്യം പിന്തുടരുന്ന ഇന്ത്യക്ക് ഓപ്പണര്മാരെ നഷ്ടമായി. ഓപ്പണര്മാരായ സ്മൃതി മന്ദാനയുടെയും ഷഫാലി വര്മയുടെയും വിക്കറ്റുകളാണ് ഇന്ത്യക്ക് പവര്പ്ലേയില് നഷ്ടമായത്. ഷഫാലി 5 പന്തില് 10 റണ്സെടുത്തപ്പോള് മിന്നും ഫോമിലുള്ള സ്മൃതി മന്ദാന 24 പന്തില് 24 റണ്സെടുത്ത് മടങ്ങി. ഓസീസിനെതിരെ ഒടുവില് വിവരം ലഭിക്കുമ്പോള് ഇന്ത്യ 13 ഓവറില് രണ്ട് വിക്കറ്റ് നഷ്ടത്തില് 74 റണ്സെന്ന നിലയിലാണ്. 31 റണ്സോടെ ജെമീമ റോഡ്രിഗസും മൂന്ന് റണ്ണുമായി ക്യാപ്റ്റൻ ഹര്മന്പ്രീത് കൗറും ക്രീസില്.
അടിതെറ്റിയ തുടക്കം
റെക്കോര്ഡ് വിജയലക്ഷ്യത്തിലേക്ക് ബാറ്റുവീശിയ ഇന്ത്യക്ക് ആദ്യ ഓവറില് എട്ട് റണ്സടിച്ച് നല്ല തുടക്കമിട്ടു. എന്നാല് രണ്ടാം ഓവറില് ഷഫാലി വര്മയെ(10) വിക്കറ്റിന് മുന്നില് കുടുക്കിയ കിം ഗാരത് ഇന്ത്യക്ക് ആദ്യ പ്രഹരമേല്പ്പിച്ചു. രണ്ടാം വിക്കറ്റില് ജെമീമ റോഡ്രിഗസും സ്മൃതി മന്ദാനയും ചേര്ന്ന് ഇന്ത്യയെ 50 കടത്തി. എന്നാല് പവര് പ്ലേയിലെ അവസാന ഓവറില് കിം ഗാരത്തിന്റെ പന്തില് സ്നൃതി മന്ദാന നിര്ഭാഗ്യകരമായി പുറത്തായി. ലെഗ് സ്റ്റംപിന് പുറത്തുപോയ പന്തില് സ്മൃതി ബാറ്റ് വീശിയെങ്കിലും പന്ത് ബാറ്റില് കൊണ്ടില്ല. അമ്പയര് വൈഡ് വിളിച്ചു. എന്നാല് പന്ത് കൈയിലൊതുക്കിയ ഓസീസ് ക്യാപ്റ്റൻ അലീസ ഹീലി ഔട്ടിനായി അപ്പീല് ചെയ്തു. അള്ട്രാ എഡ്ജില് സ്മൃതിയുടെ ബാറ്റില് പന്ത് ഉരസിയെന്ന് വ്യക്തമായതോടെ ഇന്ത്യ ഞെട്ടി.
നേരത്തെ ടോസ് നേടി ആദ്യം ബാറ്റ് ചെയ്ത ഓസ്ട്രേലിയ 49.5 ഓവറില് 338 റൺസിന് ഓള് ഔട്ടാവുകയായിരുന്നു. 93 പന്തില് 119 റണ്സെടുത്ത് വെടിക്കെട്ട് സെഞ്ചുറി നേടിയ ഫോബെ ലിച്ച്ഫീല്ഡാണ് ഓസീസിന്റെ ടോപ് സ്കോറര്. എല്ലിസ് പെറി 77 റണ്സടിച്ചപ്പോള് മധ്യനിരയില് തകര്ത്തടിച്ച ആഷ്ലി ഗാര്ഡ്നര് 45 പന്തില് 63 റണ്സടിച്ച് ഓസീസിന് കൂറ്റൻ സ്കോര് ഉറപ്പാക്കി. ഇന്ത്യക്കായി ശ്രീചരിണിയും ദീപ്തി ശര്മയും രണ്ട് വിക്കറ്റ് വീതം വീഴ്ത്തി. വനിതാ ഏകദിന ലോകകപ്പ് സെമി ഫൈനലില് ഒരു ടീം നേടുന്ന ഏറ്റവും ഉയര്ന്ന രണ്ടാമത്തെ സ്കോറാണ് ഓസിസ് ഇന്ന് ഇന്ത്യക്കെതിരെ കുറിച്ചത്.
ഏഷ്യാനെറ്റ് ന്യൂസ് ലൈവ് കാണാന് ഇവിടെ ക്ലിക് ചെയ്യുക
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!