വരുണ് കളിക്കും, വിക്കറ്റിന് പിന്നില് റിഷഭ് പന്ത് തിരിച്ചെത്തുമോ? ഓസീസിനെതിരെ ഇന്ത്യയുടെ സാധ്യതാ ഇലവന്
Synopsis
ന്യൂസിലന്ഡിനെതിരായ അവസാന ഗ്രൂപ്പ് മത്സരം കളിച്ച ടീമിനെ ഇന്ത്യ നിലനിര്ത്തുമോ എന്നാണ് ആരാധകര് ഉറ്റുനോക്കുന്നത്.
ദുബായ്: ചാംപ്യന്സ് ട്രോഫി സെമി ഫൈനലില് ഇന്ന് ഓസ്ട്രേലിയയെ നേരിടാനിറങ്ങുകയാണ് ഇന്ത്യ. ദുബായ് ഇന്റര്നാഷണല് ക്രിക്കറ്റ് സ്റ്റേഡിയത്തില് ഉച്ചയ്ക്ക് രണ്ട് മണിക്ക് ടോസ് വീഴും. ഇന്ത്യയുടെ പ്ലേയിംഗ് ഇലവനില് എന്തൊക്കെ മാറ്റങ്ങളാകും ഉണ്ടാകുക എന്നറിയാനുള്ള ആകാംക്ഷയിലാണ് ആരാധകര്. വരുണ് ചക്രവര്ത്തി അടക്കം നാല് സ്പിന്നര്മാരെ സെമിയിലും ഉള്പ്പെടുത്തുന്നത് ഇന്ത്യ പരിഗണിക്കുമെന്ന് നായകന് രോഹിത് ശര്മ കഴിഞ്ഞ ദിവസം വ്യക്തമാക്കിയിരുന്നു. ഓസ്ട്രേലിയന് ബാറ്റിംഗ് ലൈനപ്പ് കൂടി പരിഗണിച്ചാകും അന്തിമ തീരുമാനം എന്നും രോഹിത് പറഞ്ഞു.
ന്യൂസിലന്ഡിനെതിരായ അവസാന ഗ്രൂപ്പ് മത്സരം കളിച്ച ടീമിനെ ഇന്ത്യ നിലനിര്ത്തുമോ എന്നാണ് ആരാധകര് ഉറ്റുനോക്കുന്നത്. ഹര്ഷിത് റാണക്ക് പകരം ന്യൂസിലന്ഡിനെതിരെ കളിച്ച വരുണ് ചക്രവര്ത്തി അഞ്ച് വിക്കറ്റുമായി തിളങ്ങിയതിനാല് ഓസ്ട്രേലിയക്കെതിരെയും വരുണ് പ്ലേയിംഗ് ഇലവനില് തുടരും. സ്പിന്നര്മാരെ സഹായിക്കുന്ന ദുബായിലെ പിച്ചില് നാല് സ്പിന്നര്മാര് പ്ലേയിംഗ് ഇലവനിലുണ്ടാകും. വരുണിനൊപ്പം അക്സര് പട്ടേല്, രവീന്ദ്ര ജഡേജയും കുല്ദീപ് യാദവ് എന്നിവര് പ്ലേയിംഗ് ഇലവനില് തുടരും. ബാറ്റിംഗ് ഓര്ഡറില് മാറ്റത്തിന് സാധ്യതയില്ല. വിക്കറ്റ് പിന്നില് കെ എല് രാഹുലിന്റെ മോശം പ്രകടനമാണ് ഒരു ആശങ്ക. റിഷഭ് പന്തിനെ കളിപ്പിക്കണമെന്ന ആവശ്യം ഉയരുന്നുണ്ട്. എന്നാല് ടീം മാനേജ്മെന്റ് അതിന് മുതിര്ന്നേക്കില്ല.
ഇന്ത്യക്കൊരു കടം വീട്ടാനുണ്ട്! ചാംപ്യന്സ് ട്രോഫി ഫൈനല് പിടിക്കാന് ഇന്ത്യ ഇന്ന് ഓസീസിനെതിരെ
ആദ്യ മത്സരത്തില് ബംഗ്ലാദേശിനെതിരെ അഞ്ച് വിക്കറ്റെടുത്ത മുഹമ്മദ് ഷമിക്ക് കഴിഞ്ഞ രണ്ട് കളികളിലും വിക്കറ്റെടുക്കാന് കഴിഞ്ഞിരുന്നില്ല. എന്നിരുന്നാലും ഒരു മാറ്റത്തിനുള്ള സാധ്യത കാണുന്നില്ല. ഷമിക്കൊപ്പം ഹാര്ദ്ദിക് പാണ്ഡ്യയാകും ന്യൂബോള് എറിയാനെത്തുക. ബാറ്റിംഗ് നിരയിലും കാര്യമായ അഴിച്ചുപണിക്ക് സാധ്യതകളില്ല. ന്യൂസിലന്ഡിനെതിരെ വിക്കറ്റിന് പിന്നിലും മുന്നിലും നിറം മങ്ങിയെങ്കിലും വിക്കറ്റ് കീപ്പറായി കെ എല് രാഹുല് തന്നെ തുടരുമെന്നാണ് കരുതുന്നത്.
ഓസ്ട്രേലിയയ്ക്കെതിരായ ചാംപ്യന്സ് ട്രോഫി സെമി ഫൈനലിനുള്ള ഇന്ത്യയുടെ സാധ്യതാ ഇലവന്: രോഹിത് ശര്മ്മ (ക്യാപ്റ്റന്), ശുഭ്മാന് ഗില്, വിരാട് കോലി, ശ്രേയസ് അയ്യര്, അക്സര് പട്ടേല്, കെഎല് രാഹുല്, ഹാര്ദിക് പാണ്ഡ്യ, രവീന്ദ്ര ജഡേജ, മുഹമ്മദ് ഷമി, കുല്ദീപ് യാദവ്, വരുണ് ചക്രവര്ത്തി.
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!