ഇന്ത്യന് ക്രിക്കറ്റ് ടീമിന്റെ പരിശീലകന്; അഭിമുഖം ഇന്ന്, ശാസ്ത്രിക്ക് വീണ്ടും സാധ്യത
Synopsis
ഇന്ത്യന് ക്രിക്കറ്റ് ടീമിന്റെ പുതിയ പരിശീലകനെ കണ്ടെത്താനുള്ള അഭിമുഖം ഇന്ന്. കപില് ദേവിന്റെ നേതൃത്വത്തിലുള്ള മൂന്നംഗ സമിതിയാണ് അഭിമുഖം നടത്തുക.
മുംബൈ: ഇന്ത്യന് ക്രിക്കറ്റ് ടീമിന്റെ പുതിയ പരിശീലകനെ കണ്ടെത്താനുള്ള അഭിമുഖം ഇന്ന്. കപില് ദേവിന്റെ നേതൃത്വത്തിലുള്ള മൂന്നംഗ സമിതിയാണ് അഭിമുഖം നടത്തുക. നിലവിലെ മഖ്യ പരിശീലകന് രവി ശാസ്ത്രി, ഐപിഎല്ലിലെ ഹൈദരാബാദ് ടീം മുന് കോച്ചും ഓസ്ട്രേലിയന് മുന്താരവുമായ ടോം മൂഡി, ന്യൂസിലന്ഡിന്റെയും ഐപിഎല് ടീമായ പഞ്ചാബിന്റെയും പരിശീലകനായിരുന്ന മൈക്ക് ഹെസന്, 2007ലെ ലോക ടി20 വിജയിച്ച ഇന്ത്യന് ടീമിന്റെ മാനേജര് ആയിരുന്ന ലാല്ചന്ദ് രജ്പുത്, വിന്ഡീസ് മുന് താരവും അഫ്ഗാന് മുന് കോച്ചുമായ ഫില് സിമ്മണ്സ്, ഇന്ത്യന് മുന് ഓള്റൗണ്ടര് റോബിന് സിംഗ് എന്നിവരാണ് അന്തിമ പട്ടികയിലുള്ളത്.
കപില് ദേവ്, അന്ഷുമാന് ഗെയ്ക്വാദ്, ശാന്ത രംഗസ്വാമി എന്നിവര് അടങ്ങിയ സമിതിയാണ് അഭിമുഖം നടത്തുക. നായകന് വിരാട് കോലിയുടെ പിന്തുണയുള്ള ശാസ്ത്രി തുടരാനാണ് സാധ്യത. ടോം മൂഡിയും മൈക് ഹെസനുമായിരിക്കും ശാസ്ത്രിയുടെ പ്രധാന എതിരാളികള്. 2017ല് അനില് കുംബ്ലേയ്ക്ക് പകരം ചുമതലയേറ്റ ശാസ്ത്രിക്ക് കീഴില് ഇന്ത്യ മികച്ച പ്രകടനമാണ് നടത്തിയത്.
ഇക്കാലയളവില് 21 ടെസ്റ്റുകളില് കളിച്ചപ്പോള് 13ലും ഇന്ത്യ ജയിച്ചു. 60 ഏകദിനങ്ങളില് 43 എണ്ണവും 36 ടി20കളില് 25ലും ഇന്ത്യ വിജയിക്കുകയുണ്ടായി. ഇന്ത്യന് ടീമിനൊപ്പം വിന്ഡീസ് പര്യടനത്തില് ആയതിനാല് വീഡിയോയിലൂടെയായിരിക്കും ശാസ്ത്രി അഭിമുഖത്തില് പങ്കെടുക്കുക.
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!