IPL 2022 : മാര്ക്ക് വുഡ് ഐപിഎല്ലിനില്ല; ലഖ്നൗ സൂപ്പര് ജയന്റ്സിന് തിരിച്ചടി
Synopsis
ഐപിഎല് മെഗാതാരലേലത്തില് 7.5 കോടി രൂപ മുടക്കിയാണ് മാര്ക് വുഡിനെ ലഖ്നൗ സൂപ്പര് ജയന്റ്സ് പാളയത്തിലെത്തിച്ചത്
ലക്നോ: ഐപിഎല് പതിനഞ്ചാം സീസണ് (IPL 2022) തുടങ്ങും മുമ്പ് ലഖ്നൗ സൂപ്പര് ജയന്റ്സിന് (Lucknow Super Giants) തിരിച്ചടി. കൈമുട്ടിന് പരിക്കേറ്റ ഇംഗ്ലീഷ് പേസര് മാര്ക്ക് വുഡിന് (Mark Wood) ഐപിഎല് സീസണില് കളിക്കാനാവില്ല. വെസ്റ്റ് ഇന്ഡീസിനെതിരായ ആദ്യ ടെസ്റ്റിനിടെ പരിക്കേറ്റ വുഡിന് ഐപിഎല് നഷ്ടമാകുമെന്ന് പ്രമുഖ ക്രിക്കറ്റ് വെബ്സൈറ്റായ ഇഎസ്പിഎന് ക്രിക്ഇന്ഫോയാണ് റിപ്പോര്ട്ട് ചെയ്തത്.
ഐപിഎല് മെഗാതാരലേലത്തില് 7.5 കോടി രൂപ മുടക്കിയാണ് മാര്ക് വുഡിനെ ലഖ്നൗ സൂപ്പര് ജയന്റ്സ് പാളയത്തിലെത്തിച്ചത്. വിന്ഡീസിനെതിരായ മത്സരത്തില് 17 ഓവര് മാത്രമേ പരിക്കുമൂലം വുഡിന് എറിയാനായുള്ളൂ. ഐപിഎല്ലില് അരങ്ങേറ്റത്തിന് കാത്തിരിക്കുന്ന ലഖ്നൗ ഫ്രാഞ്ചൈസിക്ക് വുഡിന്റെ അസാന്നിധ്യം തിരിച്ചടിയാവും. ആന്ഡി ഫ്ലവര് പരിശീലിപ്പിക്കുന്ന ടീമിന്റെ നായകന് കെ എല് രാഹുലാണ്.
വാംഖഢെയില് മാര്ച്ച് 26ന് ചെന്നൈ സൂപ്പര് കിംഗ്സ്- കൊല്ക്കത്ത നൈറ്റ് റൈഡേഴ്സ് മത്സരത്തോടെയാണ് ഐപിഎല് 2022ന് കര്ട്ടന് ഉയരുക. കൊവിഡ് മഹാമാരിയുടെ സാഹചര്യത്തില് മുംബൈയിലും പുനെയിലുമായാണ് മത്സരങ്ങളെല്ലാം. 65 ദിവസം നീണ്ടുനില്ക്കുന്ന വരും സീസണില് 70 ലീഗ് മത്സരങ്ങളും നാല് പ്ലേ ഓഫ് കളികളും നടക്കും. മെയ് 29നാണ് കലാശപ്പോര്. പ്ലേ ഓഫ് മത്സരക്രമം പിന്നീട് പ്രഖ്യാപിക്കും.
ISL 2021-22 : മഞ്ഞപ്പടയ്ക്ക് ആറാടാന് സന്തോഷ വാര്ത്ത; ടിക്കറ്റ് വില്പനയിലെ നിര്ണായക തീരുമാനമായി
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!