IPL 2022: വെടിക്കെട്ടുമായി പൃഥ്വി ഷാ, ലഖ്നൗവിനെതിരെ ഡല്ഹിക്ക് മിന്നല് തുടക്കം
Synopsis
പവര് പ്ലേയില് ജേസണ് ഹോള്ഡര് എറിഞ്ഞ ആദ്യ ഓവറില് നാലു റണ്സ് മാത്രമെടുത്ത് തുടങ്ങിയ ഡല്ഹി കെ ഗൗതമിന്റെ രണ്ടാം ഓവറില് രണ്ട് ബൗണ്ടറിയടിച്ച് ടോപ് ഗിയറിലായി. ഡേവിഡ് വാര്ണറെ കാഴ്ചക്കാരനാക്കി പൃഥ്വി ഷാ ആയിരുന്നു ആക്രമണങ്ങള്ക്ക് ചുക്കാന് പിടിച്ചത്. ജേസണ് ഹോള്ഡര് എറിഞ്ഞ മൂന്നാം ഓവറില് സിക്സും ഫോറുമടിച്ച് പൃഥ്വി ഷാ പവര് പ്ലേ പവറാക്കി.
പുനെ: ഐപിഎല്ലിൽ (IPL 2022) ലഖ്നൗ സൂപ്പർ ജയന്റ്സിനെതിരെ(Lucknow Super Giants) ടോസ് നഷ്ടമായി ആദ്യം ബാറ്റ് ചെയ്യുന്ന ഡൽഹി ക്യാപ്പിറ്റൽസിന്(Delhi Capitals) മികച്ച തുടക്കം. പവര് പ്ലേ പിന്നിടുമ്പോള് പൃഥ്വി ഷായുടെ വെടിക്കെട്ട് ബാറ്റിംഗിന്റെ കരുത്തില് ഡല്ഹി ആറോവറില് വിക്കറ്റ് നഷ്ടമില്ലാതെ 52 റണ്സെടുത്തിട്ടുണ്ട്. 27 പന്തില് 47 റണ്സോടെ പഥ്വി ഷായും ഒമ്പത് പന്തില് മൂന്ന് റണ്സോടെ ഡേവിഡ് വാര്ണറും ക്രീസില്.
പവര് പ്ലേയില് പൃഥ്വി ഷോ
പവര് പ്ലേയില് ജേസണ് ഹോള്ഡര് എറിഞ്ഞ ആദ്യ ഓവറില് നാലു റണ്സ് മാത്രമെടുത്ത് തുടങ്ങിയ ഡല്ഹി കെ ഗൗതമിന്റെ രണ്ടാം ഓവറില് രണ്ട് ബൗണ്ടറിയടിച്ച് ടോപ് ഗിയറിലായി. ഡേവിഡ് വാര്ണറെ കാഴ്ചക്കാരനാക്കി പൃഥ്വി ഷാ ആയിരുന്നു ആക്രമണങ്ങള്ക്ക് ചുക്കാന് പിടിച്ചത്. ജേസണ് ഹോള്ഡര് എറിഞ്ഞ മൂന്നാം ഓവറില് സിക്സും ഫോറുമടിച്ച് പൃഥ്വി ഷാ പവര് പ്ലേ പവറാക്കി.
ആവേശ് ഖാന് എറിഞ്ഞ നാലാം ഓവറില് മൂന്ന് ബൗണ്ടറിയടിച്ചാണ് പൃഥ്വി കരുത്തുകാട്ടിയത്. ഇതോടെ അഞ്ചാം ഓവറില് തന്നെ രവി ബിഷ്ണോയിയെ ലഖ്നൗ നായകന് കെ എല് രാഹുല് രംഗത്തിറക്കിയെങ്കിലും ബിഷ്ണോയിയെും പൃഥ്വി ബൗണ്ടറി കടത്തി. ആന്ഡ്ര്യു ടൈ എറിഞ്ഞ പവര് പ്ലേയിലെ അവസാന ഓവറില് ബൗണ്ടറിയടക്കം ഏഴ് റണ്സടിച്ചാണ് പൃഥ്വി ഡല്ഹിയെ 50 കടത്തിയത്.
നേരത്തെ ടോസ് നേടിയ ലഖ്നൗ ഫീല്ഡിംഗ് തെരഞ്ഞെടുക്കുകയായിരുന്നു. കഴിഞ്ഞ മത്സരം കളിച്ച ടീമില് ഒരു മാറ്റവുമായാണ് ലഖ്നൗ ഇറങ്ങുന്നത്. മനീഷ് പാണ്ഡെക്ക് പകരം കെ ഗൗതം ലഖ്നൗ ടീമിലെത്തി. ഡല്ഹി ടീമില് മൂന്ന് മാറ്റങ്ങളുണ്ട്. ക്വാറന്റീൻ പൂർത്തിയാക്കി ഓസ്ട്രേലിയന് താരം ഡേവിഡ് വാർണര് ടീമില് തിരിച്ചെത്തിയപ്പോള് ടിം സീഫര്ട്ട് പുറത്തായി. പരിക്ക് ഭേദമായി ദക്ഷിണാഫ്രിക്കന് പേസര് ആൻറിച്ച് നോർക്കിയ ഖലീല് അഹമ്മദിന് പകരം ടീമിലെത്തി. മന്ദീപിന് പകരം സര്ഫ്രാസ് ഖാനും ഡല്ഹിയുടെ അന്തിമ ഇലവനിലെത്തി.
Delhi Capitals (Playing XI): Prithvi Shaw, David Warner, Rishabh Pant(w/c), Rovman Powell, Sarfaraz Khan, Lalit Yadav, Axar Patel, Shardul Thakur, Kuldeep Yadav, Mustafizur Rahman, Anrich Nortje.
Lucknow Super Giants (Playing XI): KL Rahul(c), Quinton de Kock(w), Evin Lewis, Deepak Hooda, Ayush Badoni, Krunal Pandya, Jason Holder, Krishnappa Gowtham, Andrew Tye, Ravi Bishnoi, Avesh Khan.
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!