സച്ചിനെ കടപുഴക്കി; മാസ്റ്റര് ബ്ലാസ്റ്ററുടെ റെക്കോര്ഡ് നിഷ്പ്രഭമാക്കി സായ് സുദര്ശന്, അതും ബഹുദൂരം മുന്നേ
Synopsis
ഐപിഎല് ചരിത്രത്തില് ഏറ്റവും വേഗത്തില് 1000 റണ്സ് പൂര്ത്തിയാക്കുന്ന ഇന്ത്യന് ബാറ്റര് എന്ന നേട്ടമാണ് സായ് സ്വന്തമാക്കിയത്
അഹമ്മദാബാദ്: ഐപിഎല് 2024 സീസണിലെ ജീവന്മരണ പോരാട്ടത്തില് ചെന്നൈ സൂപ്പര് കിംഗ്സിനെതിരെ ഗുജറാത്ത് ടൈറ്റന്സിന് മികച്ച തുടക്കം നല്കിയ സായ് സുദര്ശന് റെക്കോര്ഡ്. ഇന്ത്യന് പ്രീമിയര് ലീഗിന്റെ ചരിത്രത്തില് ഏറ്റവും വേഗത്തില് 1000 റണ്സ് പൂര്ത്തിയാക്കുന്ന ഇന്ത്യന് ബാറ്റര് എന്ന നേട്ടമാണ് സായ് സ്വന്തമാക്കിയത്.
ഏറെ വെടിക്കെട്ട് വീരന്മാരെ കണ്ട ഐപിഎല്ലിന്റെ ചരിത്രത്തില് ഇന്നിംഗ്സുകളുടെ കണക്കില് ഏറ്റവും വേഗത്തില് ആയിരം റണ്സ് പൂര്ത്തിയാക്കിയ ഇന്ത്യന് താരമെന്ന നേട്ടം ഇനി സായ് സുദര്ശന്റെ പേരില്. സാക്ഷാല് മാസ്റ്റര് ബ്ലാസ്റ്റര് സച്ചിന് ടെന്ഡുല്ക്കറുടെ റെക്കോര്ഡാണ് സായ് പിന്തള്ളിയത്. സായ് സുദര്ശന് 25 ഇന്നിംഗ്സുകളില് 1000 റണ്സിലെത്തിയപ്പോള് സച്ചിന് ഇതിനായി 31 ഇന്നിംഗ്സുകള് വേണ്ടിവന്നു. ചെന്നൈ സൂപ്പര് കിംഗ്സിന്റെ നിലവിലെ നായകനായ റുതുരാജ് ഗെയ്ക്വാദും 31 ഇന്നിംഗ്സുകളില് ആയിരം ഐപിഎല് റണ്സ് പൂര്ത്തിയാക്കിയ ഇന്ത്യന് ബാറ്ററാണ്. 33 ഇന്നിംഗ്സുകളുമായി മുംബൈ ഇന്ത്യന്സിന്റെ തിലക് വര്മ്മയാണ് പട്ടികയില് നാലാം സ്ഥാനത്ത്.
ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!