അഫ്ഗാനെതിരായ മൂന്നാം ടി20, പ്ലേയിംഗ് ഇലവനില്‍ പരീക്ഷണത്തിന് ഇന്ത്യ; വൈഭവ് കളിക്കുമെന്ന സൂചന നൽകി ശ്രേയസ്

പരമ്പര സ്വന്തമാക്കിയ പശ്ചാത്തലത്തിൽ അവസാന മത്സരത്തിൽ ടീമിലെ എല്ലാവർക്കും പിച്ചുമായി പൊരുത്തപ്പെടാനും പരിശീലനം ലഭിക്കാനും അവസരം നൽകണം.

ദില്ലി: അഫ്ഗാനിസ്ഥാനെതിരായ രണ്ടാം ടി20 മത്സരത്തിൽ 7 വിക്കറ്റിന്‍റെ തകർപ്പൻ ജയം നേടി മൂന്ന് മത്സരങ്ങളുടെ പരമ്പര സ്വന്തമാക്കിയതോടെ നാളെ നടക്കുന്ന (2-0). മത്സരത്തിന് ശേഷം മാധ്യമങ്ങളോട് സംസാരിച്ച ഇന്ത്യൻ നായകൻ ശ്രേയസ് അയ്യർ, വ്യാഴാഴ്ച നടക്കുന്ന മൂന്നാമത്തെയും അവസാനത്തെയും ടി20 മത്സരത്തില്‍ ടീമില്‍ മാറ്റമുണ്ടാകുമെന്ന സൂചന നല്‍കി ക്യാപ്റ്റൻ ശ്രേസയ് അയ്യര്‍. പരമ്പര സ്വ്നതാമക്കിയ പശ്ചാത്തലത്തിൽ അവസാന മത്സരത്തിൽ പരീക്ഷണങ്ങൾക്ക് മുതിരുമെന്ന് ശ്രേയസ് സൂചിപ്പിച്ചു.

പരമ്പര സ്വന്തമാക്കിയ പശ്ചാത്തലത്തിൽ അവസാന മത്സരത്തിൽ ടീമിലെ എല്ലാവർക്കും പിച്ചുമായി പൊരുത്തപ്പെടാനും പരിശീലനം ലഭിക്കാനും അവസരം നൽകണം. അതിനാൽ പുറത്തിരിക്കുന്ന കളിക്കാർക്ക് മൂന്നാമത്തെ മത്സരത്തില്‍ അവസരം നല്‍കും. നായകസ്ഥാനത്തെ തുടക്കകാലത്ത് നേരിടേണ്ടി വന്ന തിരിച്ചടികളെക്കുറിച്ച് ശ്രേയസ് അയ്യർ തുറന്നുപറഞ്ഞു. ഈ വർഷം മാർച്ചിൽ ഇന്ത്യ മൂന്നാം തവണയും ടി20 ലോക ചാമ്പ്യന്മാരായതിന് പിന്നാലെ സൂര്യകുമാർ യാദവിൽ നിന്നാണ് ശ്രേയസ് ടീമിന്‍റെ നായകസ്ഥാനം ഏറ്റെടുത്തത്. എന്നാൽ അയർലൻഡിനോടും (0-2) ഇംഗ്ലണ്ടിനോടും (1-4) പരമ്പര തോറ്റത് കടുത്ത തിരിച്ചടിയായിരുന്നു.

തുടക്കത്തിൽ തോൽവികൾ അംഗീകരിക്കാൻ പ്രയാസമായിരുന്നു. എന്നാൽ കരിയറിലെ കയറ്റിറക്കങ്ങളിൽ സമചിത്തത പാലിക്കുകയാണ് പ്രധാനം. കഴിഞ്ഞുപോയതിനെക്കുറിച്ച് കൂടുതല്‍ ചിന്തിക്കാതെ നിലവിലെ സാഹചര്യങ്ങൾ ആസ്വദിക്കുക എന്നതാണ് പ്രധാനമെന്നും ശ്രേയസ് വ്യക്തമാക്കി. മറുവശത്ത്, പവർപ്ലേയിലെ മോശം ബാറ്റിംഗാണ് തങ്ങൾക്ക് തിരിച്ചടിയായതെന്നും വരും മത്സരങ്ങളിൽ കൂടുതൽ റൺസ് കണ്ടെത്താൻ ടീമിന് മുന്നേറ്റം ആവശ്യമാണെന്നും അഫ്ഗാനിസ്ഥാൻ നായകൻ ഇബ്രാഹിം സദ്രാൻ അഭിപ്രായപ്പെട്ടു. ഓപ്പണര്‍ സഞ്ജു സാംസണിന്‍റെ ബാറ്റിംഗിന്‍റെയും (22 പന്തിൽ 57) ഓൾറൗണ്ടർ നിതീഷ് കുമാർ റെഡ്ഡിയുടെ ബൗളിംഗിന്‍റെയും (3/24) മികവിലാണ് അഫ്ഗാനെതിരായ രണ്ടാം മത്സരത്തിൽ ഇന്ത്യ അനായാസ വിജയം സ്വന്തമാക്കി പരമ്പര നേടിയത്.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക