'ഞങ്ങൾക്ക് ട്രോഫിയൊന്നും വേണ്ട, ഇന്ത്യയെ തോൽപ്പിച്ചാൽ മാത്രം മതി'; വാഹാബ് റിയാസിനോട് പാക് ആരാധകൻ

ഞങ്ങൾക്ക് ട്രോഫി വേണ്ട, ഇന്ത്യയെ തോൽപ്പിച്ചാൽ മാത്രം മതി എന്നാണ് വാഹാബ് റിയാസിനോട് ലൈവായി ആരാധകൻ പറയുന്നത്. ഏഷ്യാ കപ്പിലെ ഗ്രൂപ്പ് ഘട്ട മത്സരത്തിൽ പാകിസ്ഥാനെ തകർത്ത് ഇന്ത്യ സെമിയിലെത്തിയിരുന്നു.

ദുബായ്: വനിതാ ഏഷ്യാ കപ്പിൽ ഇന്ത്യക്കെതിരായ തോൽവിക്ക് പിന്നാലെ, പാകിസ്ഥാൻ ടീം മെന്‍റർ വാഹാബ് റിയാസിനോട് രോഷം പ്രകടിപ്പിച്ച് പാകിസ്ഥാൻ ആരാധകൻ. സോഷ്യൽ മീഡിയയിൽ വൈറലാകുന്ന വീഡിയോയിലാണ് ടീമിന് ഒരു ട്രോഫിയേക്കാൾ പ്രധാനം ഇന്ത്യയെ തോൽപ്പിക്കുകയാണെന്ന് ആരാധകൻ തുറന്നടിക്കുന്നത്.

ഞങ്ങൾക്ക് ട്രോഫി വേണ്ട, ഇന്ത്യയെ തോൽപ്പിച്ചാൽ മാത്രം മതി എന്നാണ് വാഹാബ് റിയാസിനോട് ലൈവായി ആരാധകൻ പറയുന്നത്. ഏഷ്യാ കപ്പിലെ ഗ്രൂപ്പ് ഘട്ട മത്സരത്തിൽ പാകിസ്ഥാനെ തകർത്ത് ഇന്ത്യ സെമിയിലെത്തിയിരുന്നു. ഇന്ത്യക്കെതിരെ ആദ്യം ബാറ്റ് ചെയ്ത പാകിസ്ഥാന്‍ വനിതാ ടി20 ക്രിക്കറ്റിലെ തങ്ങളുടെ ഏറ്റവും കുറഞ്ഞ സ്കോറായ 55 റൺസിന് ഓൾ ഔട്ടാവുകയായിരുന്നു. തുടർന്ന് ബാറ്റിംഗിനിറങ്ങിയ ഇന്ത്യ വെറും 8.4 ഓവറിൽ 3 വിക്കറ്റ് നഷ്ടത്തില്‍ അനായാസം ലക്ഷ്യത്തിലെത്തി.

Fans to Wahab Riaz: "We don’t need the trophy" we just want to beat India", This is the Pakistani mindset, and This is the reason their cricket has been on a downward spiral pic.twitter.com/5JNO4CDzBp

— Space Recorder (@1spacerecorder) September 8, 2026

ഈ പരാജയത്തോടെ പാകിസ്ഥാൻ ആരാധകരുടെ പ്രതിഷേധം കടുക്കുകയായിരുന്നു. ഗ്രൂപ്പ് എയിൽ നിന്ന് ഒന്നാം സ്ഥാനക്കാരായി ഇന്ത്യ സെമിഫൈനലിൽ എത്തിയപ്പോൾ, ഇന്ത്യയോട് ദയനീയ തോല്‍വി വഴങ്ങിയെങ്കിലും അടുത്ത മത്സരത്തിൽ ഹോങ്കോംഗിനെതിരെ വമ്പന്‍ ജയം നേടി പാകിസ്ഥാനും സെമിയിലെത്തിയിട്ടുണ്ട്. നിലവിലെ ചാമ്പ്യൻമാരായാ ശ്രീലങ്കയാണ് സെമിയില്‍ പാകിസ്ഥാന്‍റെ എതിരാളികള്‍. ഇന്ത്യയും പാകിസ്ഥാനും സെമിയില്‍ ജയിച്ചാല്‍ സെപ്റ്റംബർ 13-ന് നടക്കുന്ന ഫൈനലിൽ ഇന്ത്യയും പാകിസ്ഥാനും വീണ്ടും ഏറ്റുമുട്ടും.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക