മൂന്ന് വിക്കറ്റുമായി മുഹമ്മദ് സിറാജ്; അഹമ്മദാബാദ് ടെസ്റ്റില് വിന്ഡീസിന് ബാറ്റിംഗ് തകര്ച്ച, അഞ്ച് പേര് പുറത്ത്
Synopsis
അഹമ്മദാബാദില് നടക്കുന്ന ഇന്ത്യക്കെതിരായ ആദ്യ ടെസ്റ്റില് വെസ്റ്റ് ഇന്ഡീസിന് ബാറ്റിംഗ് തകര്ച്ച. ടോസ് നേടി ബാറ്റിംഗ് തെരഞ്ഞെടുത്ത വിന്ഡീസ് ഒന്നാം ദിനം ലഞ്ചിന് പിരിയുമ്പോള് അഞ്ചിന് 90 എന്ന നിലയിലാണ്.
അഹമ്മദാബാദ്: ഇന്ത്യക്കെതിരായ ആദ്യ ടെസ്റ്റില് വെസ്റ്റ് ഇന്ഡീസിന് ബാറ്റിംഗ് തകര്ച്ച. അഹമ്മദാബാദ്, നരേന്ദ്ര മോദി സ്റ്റേഡിയത്തില് ടോസ് നേടി ബാറ്റിംഗ് തെരഞ്ഞെടുത്ത വിന്ഡീസ് ഒന്നാം ദിനം ലഞ്ചിന് പിരിയുമ്പോള് അഞ്ചിന് 90 എന്ന നിലയിലാണ്. മൂന്ന് വിക്കറ്റ് നേടിയ മുഹമ്മദ് സിറാജാണ് വിന്ഡീസിനെ തകര്ത്തത്. ജസ്പ്രിത് ബുമ്ര, കുല്ദീപ് യാദവ് എന്നിവര്ക്ക് ഓരോ വിക്കറ്റ് വീതമുണ്ട്. ക്യാപ്റ്റന് റോസ്റ്റണ് ചേസ് (22) ക്രീസിലുണ്ട്. രണ്ട് മത്സരങ്ങളിലെ ആദ്യത്തേതാണ് ഇന്ന് നടക്കുന്നത്.
സ്കോര് സൂചിപ്പിക്കും പോലെ തകര്ച്ചയോടെയായിരുന്നു വിന്ഡീസിന്റെ തുടക്കം. 20 റണ്സിനിടെ രണ്ട് ഓപ്പണര്മാരും മടങ്ങി. റണ്സെടുക്കും മുമ്പ് ടാഗ്നരെയ്ന് ചന്ദര്പോള്, സിറാജിന്റെ പന്തില് പുറത്തായി. വിക്കറ്റ് കീപ്പര് ധ്രുവ് ജുറലിന് ക്യാച്ച്. പിന്നാലെ ജോണ് ക്യാംപെലും (8) മടങ്ങി. ഇത്തവണ ജസ്പ്രിത് ബുമ്രയുടെ പന്തില് ജുറലിന് ക്യാച്ച്. തൊട്ടുപിന്നാലെ ബ്രന്ഡന് കിംഗിനെ (13) സിറാജ് ബൗള്ഡാക്കി. അടുത്തത് അലിക് അതനാസെയുടെ (12) ഊഴമായിരുന്നു. സിറാജിന്റെ തന്നെ പന്തില് സ്ലിപ്പില് കെ എല് രാഹുലിന് ക്യാച്ച്. ഷായ് ഹോപ്പിനെ (26) കുല്ദീപ് ബൗള്ഡാക്കുക കൂടി ചെയ്തതോടെ അഞ്ചിന് 90 എന്ന നിലയിലായി വിന്ഡീസ്.
നേരത്തെ അക്സര് പട്ടേല്, ദേവ്ദത്ത് പടിക്കല്, പ്രസിദ്ധ് കൃഷ്ണ, എന് ജഗദീശന് എന്നിവരെ പുറത്തിരുത്തിയാണ് ഇന്ത്യ ഇറങ്ങിയത്. ഓള്റൗണ്ടര് നിതീഷ് കുമാര് റെഡ്ഡി ടീമിലെത്തി. രവീന്ദ്ര ജഡേജ, വാഷിംഗ്ടണ് സുന്ദര് എന്നീ സ്പിന് ഓള്റൗണ്ടര്മാരും ടീമിലുണ്ട്. കുല്ദീപ് യാദവാണ് സ്പെഷ്യലിസ്റ്റ് സ്പിന്നര്. സ്പെഷ്യലിസ്റ്റ് പേസര്മാരായ ജസ്പ്രിത് ബുമ്രയും മുഹമ്മദ് സിറാജും. ഇരു ടീമിന്റെയും പ്ലേയിംഗ് ഇലവന് അറിയാം.
ഇന്ത്യ: യശസ്വി ജയ്സ്വാള്, കെ എല് രാഹുല്, സായ് സുദര്ശന്, ശുഭ്മാന് ഗില് (ക്യാപ്റ്റന്), ധ്രുവ് ജുറെല് (വിക്കറ്റ് കീപ്പര്), രവീന്ദ്ര ജഡേജ, വാഷിംഗ്ടണ് സുന്ദര്, നിതീഷ് കുമാര് റെഡ്ഡി, കുല്ദീപ് യാദവ്, ജസ്പ്രീത് ബുംറ, മുഹമ്മദ് സിറാജ്.
വെസ്റ്റ് ഇന്ഡീസ്: ടാഗ്നരൈന് ചന്ദര്പോള്, ജോണ് കാംബെല്, അലിക്ക് അത്നാസെ, ബ്രാന്ഡന് കിംഗ്, ഷായ് ഹോപ്പ് (വിക്കറ്റ് കീപ്പര്), റോസ്റ്റണ് ചേസ് (ക്യാപ്റ്റന്), ജസ്റ്റിന് ഗ്രീവ്സ്, ജോമെല് വാരിക്കന്, ഖാരി പിയറി, ജോഹാന് ലെയ്ന്, ജെയ്ഡന് സീല്സ്.
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!