വെസ്റ്റ് ഇന്ഡീസിന് ഇരട്ട പ്രഹരമേല്പ്പിച്ച് ഇന്ത്യ തുടങ്ങി; ദേവ്ദത്ത് പുറത്ത്, നിതീഷ് കുമാര് ടീമില്
Synopsis
അഹമ്മദാബാദില് നടക്കുന്ന ആദ്യ ടെസ്റ്റില് ടോസ് നേടി ബാറ്റിംഗ് തെരഞ്ഞെടുത്ത വെസ്റ്റ് ഇന്ഡീസിന് തുടക്കത്തില് തന്നെ വിക്കറ്റ് നഷ്ടമായി. റണ്സെടുക്കും മുമ്പ് ഓപ്പണര് ടാഗ്നരെയ്ന് ചന്ദര്പോളിനെ മുഹമ്മദ് സിറാജ് പുറത്താക്കി.
അഹമ്മദാബാദ്: വെസ്റ്റ് ഇന്ഡീസിനെതിരായ ആദ്യ ടെസ്റ്റില് ഇന്ത്യക്ക് ബൗളിംഗ്. അഹമ്മദാബാദ്, നരേന്ദ്ര മോദി സ്റ്റേഡിയത്തില് ടോസ് നേടിയ വിന്ഡീസ് ക്യാപ്റ്റന് റോസ്റ്റണ് ചേസ് ബാറ്റിംഗ് തെരഞ്ഞെടുക്കുകയായിരുന്നു. പിന്നാലെ ബാറ്റിംഗിനെത്തിയ സന്ദര്ശകര്ക്ക് രണ്ട് വിക്കറ്റുകള് നഷ്ടമായി. ഒടുവില് വിവരം ലഭിക്കുമ്പോള് രണ്ടിന് 21 എന്ന നിലയിലാണ് വിന്ഡീസ്. രണ്ട് ഓപ്പണര്മാരും മടങ്ങി. റണ്സെടുക്കും മുമ്പ് ടാഗ്നരെയ്ന് ചന്ദര്പോള് മടങ്ങി. മുഹമ്മദ് സിറാജിനാണ് വിക്കറ്റ്. വിക്കറ്റ് കീപ്പര് ധ്രുവ് ജുറലിന് ക്യാച്ച്. പിന്നാലെ ജോണ് ക്യാംപെലും (8) മടങ്ങി. ഇത്തവണ ജസ്പ്രിത് ബുമ്രയുടെ പന്തില് ജുറലിന് ക്യാച്ച്. അലിക് അതനാസെ (4), ബ്രന്ഡന് കിംഗ് (1) എന്നിവരാണ് ക്രീസില്. രണ്ട് മത്സരങ്ങളിലെ ആദ്യത്തേതാണ് ഇന്ന് നടക്കുന്നത്.
അക്സര് പട്ടേല്, ദേവ്ദത്ത് പടിക്കല്, പ്രസിദ്ധ് കൃഷ്ണ, എന് ജഗദീശന് എന്നിവരെ പുറത്തിരുത്തിയാണ് ഇന്ത്യ ഇറങ്ങിയത്. ഓള്റൗണ്ടര് നിതീഷ് കുമാര് റെഡ്ഡി ടീമിലെത്തി. രവീന്ദ്ര ജഡേജ, വാഷിംഗ്ടണ് സുന്ദര് എന്നീ സ്പിന് ഓള്റൗണ്ടര്മാരും ടീമിലുണ്ട്. കുല്ദീപ് യാദവാണ് സ്പെഷ്യലിസ്റ്റ് സ്പിന്നര്. സ്പെഷ്യലിസ്റ്റ് പേസര്മാരായ ജസ്പ്രിത് ബുമ്രയും മുഹമ്മദ് സിറാജും. ഇരു ടീമിന്റെയും പ്ലേയിംഗ് ഇലവന് അറിയാം.
ഇന്ത്യ: യശസ്വി ജയ്സ്വാള്, കെ എല് രാഹുല്, സായ് സുദര്ശന്, ശുഭ്മാന് ഗില് (ക്യാപ്റ്റന്), ധ്രുവ് ജുറെല് (വിക്കറ്റ് കീപ്പര്), രവീന്ദ്ര ജഡേജ, വാഷിംഗ്ടണ് സുന്ദര്, നിതീഷ് കുമാര് റെഡ്ഡി, കുല്ദീപ് യാദവ്, ജസ്പ്രീത് ബുംറ, മുഹമ്മദ് സിറാജ്.
വെസ്റ്റ് ഇന്ഡീസ്: ടാഗ്നരൈന് ചന്ദര്പോള്, ജോണ് കാംബെല്, അലിക്ക് അത്നാസെ, ബ്രാന്ഡന് കിംഗ്, ഷായ് ഹോപ്പ് (വിക്കറ്റ് കീപ്പര്), റോസ്റ്റണ് ചേസ് (ക്യാപ്റ്റന്), ജസ്റ്റിന് ഗ്രീവ്സ്, ജോമെല് വാരിക്കന്, ഖാരി പിയറി, ജോഹാന് ലെയ്ന്, ജെയ്ഡന് സീല്സ്.