പത്തു വയസുകാരിയെ പീഡിപ്പിച്ച് ഗര്ഭിണിയാക്കി; 12 വയസുകാരനെതിരെ കേസ്
Synopsis
പെണ്കുട്ടിയും ആണ്കുട്ടിയും അയല്വാസികളാണ്. കഴിഞ്ഞ നാല് മാസമായി ആണ്കുട്ടി പെണ്കുട്ടിയെ ബലാത്സംഗം ചെയ്ത് വരികയായിരുന്നെന്നാണ് പരാതിയില് പറയുന്നത്
പല്ഗര്: പന്ത്രണ്ടുവയസുകാരന്റെ പീഡനത്തെ തുടര്ന്ന് പത്ത് വയസുകാരി ഗര്ഭിണിയായി. മഹാരാഷ്ട്രയിലെ പല്ഗര് ജില്ലയിലെ ഒരു ഗ്രാമത്തില് ശനിയാഴ്ചയാണ് സംഭവം. സംഭവത്തില് പന്ത്രണ്ട് വയസുകാരനെതിരെ കേസ് എടുത്തിരിക്കുയാണ് പൊലീസ്.
പെണ്കുട്ടിയും ആണ്കുട്ടിയും അയല്വാസികളാണ്. കഴിഞ്ഞ നാല് മാസമായി ആണ്കുട്ടി പെണ്കുട്ടിയെ ബലാത്സംഗം ചെയ്ത് വരികയായിരുന്നെന്നാണ് പരാതിയില് പറയുന്നത്. കുറച്ച് ദിവസങ്ങള്ക്ക് മുമ്പ് തനിക്ക് വയറ് വേദന അനുഭവപ്പെടുന്നുവെന്ന് പെണ്കുട്ടി വീട്ടുകാരോട് പറയുകയായിരുന്നു.
തുടര്ന്ന് മാതാപിതാക്കള് കുട്ടിയുമായി ആശുപത്രിയില് പരിശോധനയ്ക്ക് എത്തിയപ്പോഴാണ് കുട്ടി ഗര്ഭിണിയാണെന്ന വിവരം പുറത്തറിയുന്നത്. തുടര്ന്ന് മാതാപിതാക്കള് ചോദ്യം ചെയ്തപ്പോള് സംഭവിച്ച കാര്യങ്ങള് കുട്ടി മാതാപിതാക്കളോട് തുറന്ന് പറയുകയായിരുന്നു.
പിന്നീട് മാതാപിതാക്കള് പോലീസ് സ്റ്റേഷനിലെത്തി പരാതി നല്കുകയായിരുന്നു. ആണ്കുട്ടിയെ ഇതുവരെ അറസ്റ്റ് ചെയ്തിട്ടില്ല. സംഭവത്തില് അന്വേഷണം തുടരുകയാണെന്ന് പോലീസ് അറിയിച്ചു.
ഇന്ത്യയിലെയും ലോകമെമ്പാടുമുള്ള എല്ലാ Crime News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam