സിടി സ്കാൻ പരിശോധനയ്ക്കിടെ യുവതിയെ പീഡിപ്പിക്കാൻ ശ്രമിച്ചു; 24കാരൻ അറസ്റ്റിൽ

സ്കാൻ ചെയ്യുന്നതിനിടെ ജെംയിസ് യുവതിയെ മോശമായ രീതിയിൽ സ്പർശിക്കുകയും യുവതിയുടെ ന​ഗ്നചിത്രങ്ങൾ മൊബൈലിൽ പകർത്തുകയുമായിരുന്നു.

മുംബൈ: സിടി സ്കാൻ എടുക്കുന്നതിനിടെ നാൽപ്പതുകാരിയെ പീഡിപ്പിക്കാൻ ശ്രമിച്ച കേസിൽ യുവാവ് അറസ്റ്റിൽ. മഹാരാഷ്ട്രയിലെ ഉല്ലാസ്‌നഗറിൽ പ്രവർത്തിക്കുന്ന സ്വകാര്യ ആശുപത്രിയിലെ ടെക്‌നീഷ്യനായ ജെയിംസ് തോമസിനെ (24)യാണ് പൊലീസ് അറസ്റ്റ് ചെയ്തത്. പരിശോധനയ്ക്കെത്തിയ സ്ത്രീയുടെ ന​ഗ്ന ചിത്രങ്ങൾ മൊബൈലിൽ പകർത്തിയതിനെതിരെയും ഇയാൾക്കെതിരെ പൊലീസ് കേസെടുത്തിട്ടുണ്ട്.

തിങ്കളാഴ്ചയാണ് യുവതി സിടി സ്കാൻ‌ എടുക്കുന്നതിനായി ആശുപത്രിയിലെത്തിയത്. സ്കാൻ ചെയ്യുന്നതിനിടെ ജെംയിസ് യുവതിയെ മോശമായ രീതിയിൽ സ്പർശിക്കുകയും യുവതിയുടെ ന​ഗ്നചിത്രങ്ങൾ മൊബൈലിൽ പകർത്തുകയുമായിരുന്നു. ​യുവാവിന്റെ പെരുമാറ്റത്തിൽ അസ്വസ്ഥത തോന്നിയതോടെ യുവതി ആശുപത്രി അധികൃതരെ വിവരമറിയിച്ചു.

പിന്നാലെ പൊലീസിലും പരാതി നൽകുകയായിരുന്നുവെന്ന് ഹിൽ ലൈൻ പൊലീസ് പറഞ്ഞു. കസ്റ്റഡിയിലെടുത്ത പ്രതിയുടെ ഫോൺ പരിശോധിച്ച് വരുകയാണ്. കോടതിയില്‍ ഹാജരാക്കിയ പ്രതിയെ ഈ മാസം 27 വരെ റിമാന്‍ഡ് ചെയ്തു.