
തൃശൂര്: തൃശൂര് എങ്ങണ്ടിയൂര് അഞ്ചാം കല്ലില് കുത്തേറ്റ് ഗുരുതര പരിക്കേറ്റ് ചികിത്സയിലായിരുന്ന യുവാവ് മരിച്ചു. എങ്ങണ്ടിയൂര് സ്വദേശി മിഥുൻ മോഹൻ (28) ആണ് മരിച്ചത്. തൃശൂര് അശ്വനി ആശുപത്രിയില് ചികിത്സയിലായിരുന്നു. ഇന്നലെ രാത്രി സുഹൃത്തിനൊപ്പം ബൈക്കിൽ വരുമ്പോഴായിരുന്നു ആക്രമണം ഉണ്ടായത്. ഓട്ടോറിക്ഷയിൽ എത്തിയ സംഘമാണ് കുത്തിയതെന്ന് സുഹൃത്ത് മൊഴി നൽകിയിട്ടുണ്ട്. പ്രതിക്കായുള്ള തെരച്ചിൽ പൊലീസ് ഊർജിതമാക്കിയിട്ടുണ്ട്.
സംഭവത്തിന് പിന്നാലെ കേസെടുത്ത പൊലീസ് ആശുപത്രിയിലെത്തി യുവാവിന്റെ മൊഴി നേരത്തെ എടുത്തിരുന്നു. ഇതിന്റെ അടിസ്ഥാനത്തിലാണ് അന്വേഷണം. ശനിയാഴ്ച വൈകിട്ട് അഞ്ചാംകല്ലില് വെച്ചാണ് സംഭവം. മുന് വൈരാഗ്യവും ഇത് സംബന്ധിച്ചുണ്ടായ വാക്ക് തര്ക്കവുമാണ് കത്തി കുത്തില് കലാശിച്ചതെന്നാണ് വിവരം. പിന്തുടര്ന്നെത്തിയശേഷം മിഥുന് മോഹന്റെ വയറ്റില് കത്തി കൊണ്ട് കുത്തുകയായിരുന്നു.
ഇന്ത്യയിലെയും ലോകമെമ്പാടുമുള്ള എല്ലാ Crime News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam