പീഡന ശ്രമം തടഞ്ഞ 17 വയസ്സുകാരിക്ക് നേരെ ആസിഡാക്രമണം; അയല്വാസി അറസ്റ്റില്
Synopsis
പെണ്കുട്ടിയുടെ അമ്മയെ തോക്കിന് മുന്നില് നിര്ത്തി ഭയപ്പെടുത്തിയ ശേഷം കുട്ടിയെ, പീഡിപ്പിക്കാന് ശ്രമിക്കുകയായിരുന്നു
ഭഗല്പൂര്: ബീഹാറിലെ ഭഗല്പൂരില് പീഡന ശ്രമം തടഞ്ഞ 17 വയസ്സുകാരിക്ക് നേരെ, ആസിഡാക്രമണം. ഇവരുടെ അയല്വാസിയായ യുവാവാണ് പെണ്കുട്ടിയുടെമേല് ആസിഡൊഴിച്ചത്. സംഭവത്തില് ബീഹാര് ബഗല്പൂര് സ്വദേശിയായ പ്രിന്സിനെ പൊലീസ് അറസ്റ്റ് ചെയ്തു.
പ്രിന്സും ഇയാളുടെ മൂന്നു സുഹൃത്തുക്കളും ചേര്ന്ന് പെണ്കുട്ടിയുടെ അമ്മയെ തോക്കിന് മുന്നില് നിര്ത്തി ഭയപ്പെടുത്തിയ ശേഷം കുട്ടിയെ പീഡിപ്പിക്കാന് ശ്രമിച്ചു. എന്നാല് യുവാക്കളുടെ ശ്രമത്തെ പെണ്കുട്ടി ചെറുത്തതോടെ, യുവാവ് ദേഹത്തേയ്ക്ക് ആസിഡൊഴിക്കുകയായിരുന്നു. ഗുരുതരമായി പരിക്കേറ്റ പെണ്കുട്ടിയെ പാറ്റ്ന മെഡിക്കല് കോളേജില് പ്രവേശിപ്പിച്ചിരിക്കുകയാണ്. പ്രണയാഭ്യര്ത്ഥന നിരസിച്ചതിനെത്തുടര്ന്ന് നിരവധിപ്പെണ്കുട്ടികള്ക്കാണ് ആസിഡാക്രമണം നേരിടേണ്ടി വന്നിട്ടുള്ളത്.
ഇന്ത്യയിലെയും ലോകമെമ്പാടുമുള്ള എല്ലാ Crime News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam